بسم الله الرحمن الرحيم
في السلك

*طالعنا ببعض الصحف والمواقع تصنيف غريب
*تصنيف فيهو الجماعه نمرة اربعه ونحنا نمرة طمنطاشر
*قلنا لو البتكلم مجنون
*البسمع يكون عاقل شويه
*رابع ايه الجاي تقول عليه
*تصنيف مايو 2015 فيهو
*الاول مازيمبي
*التاني المريخ
*الباقي كلو طيش
*بطولات مزيفه ومشتوله
*وعمرها المشتوله ما بتبقي بطوله
*المشتوله زي كاس الكنغو سنة سته وستين
*المطار بي شتلكم ده ما بتشموهوا
*تشموهوا قدحه
*فرق بين تصنيف وتصفيف
*ممكن تصفف شعرك متل ما بدك
*لكن ما ممكن تصنف نفسك متل ما بدك
*المهم
*مقترح الاستفاده منقروبات الشفوت في دعم النادي لاقي قبولا كبيرا
*والواقع يقول ان ذلك ممكنا
*ودوننا قروب احباب حول المريخ
*يعملون علي تسليم المجلس دعما وقدرة خمسمائة مليون جنيه بالقديم
*وعلمنا من الاخ
*مهدي الصادق من مريخاب الرياض
*بانهم لديهم كيان مريخي تحت مسمي ملتقي مريخاب الرياض
*اول دعم ليهم للمريخ وصل مبلغ خمسه وعشرون الف ريال
*وانها البدايه
*وعلمنا من الاخ عبد الله محمد الحسن
*شقيق الاستاذ احمد محمد الحسن
*انهم اسسوا قروب يجمع كل رؤساء الروابط بالمملكه والخليج تقريبا
*وبعض الشخصيات الهامه المهتمه والمهمومه بدعم الزعيم
*يعني يا عبد الله قروب صفوة الشفوت
*ايها الناس
*شخصيا بعرف مايفوق المائة قروب مريخي
*في مائة عضو
*ده غير المابعرفهم
*لو كلو قروب عمل لينا ميزانتو علي الف دولار شهريا
*صدقوني ميسي ما بعيد علينا
*لذا ولذلك
*نتمني ان نتناول الموضوع بجديه
*ونخضعه لدراسه
*لنصل للكيفيه التي تجلب دعم القروبات للنادي
*ذلك الدعم الثابت والمؤثر
*وليه ما نعمل مؤتمر قروبات الشفوت الجامع
*نتداول فيه
*ونتناول طريقة دعمنا الفكري والمادي والمعنوي للزعيم
*ويبقي المؤتمر عندو لقاء ثابت ربع سنوي او نصف سنوي
*لنطور العمل من خلاله
*صدقوني
*البلزنا ما برمينا
*تعالوا ننافس بعضنا في دعم حبنا يا شفوت
*ايها الناس
*روابط التشجيع تعد في معيناتها بدقه
*تنافس بعضها
*لتقوم بدورها كاملا
*القصه فيها مطار
*محتاجه قشرة من امها
*وصدقوني شامي لي ريحة مطار
*ايها الشفوت
*المرحله القادمه مرحلة الاقدام فيها فرض عين
*مافرض كفايه
*المجموعات تبدأ سعادتها من رمضان
*وفي سعاده اكتر من السعاده الفي رمضان
*رمضان والكورة بره وبالنهار
*في سعادة اكتر من كده !!!!
*اللهم بلغنا رمضان
*وانعم علينا بالعمره في رمضان
*واوعدنا بالحج يا كريم
*نزور مكه ونمشي المدينه
*نحب سيد المدينه
*ونفرح بزيارة المدينه
*ونسعد بي قون المدينه
*الله يجيبك يا رمضان لينا
*المهم
*علمنا ان اسماعيل صديق قد وقع بمريخ الفاشر
*اتوقع له نجاحا كبيرا
*فاسماعيل موهوب موهوب
*ولكن حظه لم يحالفه ايام كان بكشف المريخ
*بالتوفيق يا كابتن
*ولك ان ععود لمكانك بالمنتخب
*المهم
*قالوا في واحد مغترب
*بونس في جدو
*جدو هلالابي
*ويحكي لي جدو عن الحج
*وعن عظمة المشاعر والشعائر
*والجد متكي يسمع
*الكلام عاجبو
*والولد يشيل ويغري في الجد بالحج
*والجد لعابو سال
*بقي يتخيل روحو في الحج
*ويسأل عن الحج
*ويستمتع بما يسمع
*الجد هلالابي كبير
*قال وكت اصلو الهلال ما وداهو المطار
*اخير يوديهو ولد ولدو
*ويمشي الحج
*قام قال لي ولدو القعاد كلو مكه يا ولدي محل واحد بس ؟؟؟
*ولدو قال ليهو ابدا
*لازم تمشي المدينه
*عمك قعد حيلو
*قال ليهو جابت ليها مدينه كمان ؟؟
*خليناهو
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*دايين تفتحوا المدارس في السخانه وتكتلوا اولادنا علينا ؟؟؟
*دي سخانة مدارس يا والينا ؟؟؟
*والله النسوان في السخانه دي فطير  فطور العريس ما بفتحنوا لينا
*عشان بخمر يا والينا
*صلحتوا الفصول يا والينا ؟؟؟
*عشان ماتقع فينا
*دربتوا العقول يا والينا ؟؟؟
*عشان يعرفوا يشرحوا لينا
*كترتوا الفول يا والينا
*عشان شفعنا الجوع ما يقرضهم علينا
*والنسألك يا والينا
*اذا صدقتوا ميدان مدرسه لي زولا فينا
*يحق ليهو يبني بيت لي روحو وبيوت لي اخوانو جوه المدرسه يا والينا ؟؟؟
*دحين ده ما انقاص من مساحة المدرسه المفروض تهوينا ؟؟؟
سلك كهربا
ننساك كيف واي فسحه عامه بقت مصلحه خاصه غصبنا عنا وعلينا
والي لقاء
سلك

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.