الخازوق الادخل عمدا جوه حشا الاستاذ ..
مزق قلب الوطن الكان لي وردي ملاذ ..
عري نظاما قال اسلامي ..
حاجة تثير الاشمئزاز ..
سيل شلال الدم الناز ..
من شريانكم يا ثوار ..
لطخ كاكي الامن الاصلا ..
كان دوما معطون في العار ..
الموضوع لا عيش لا جاز ..
الموضوع الوطن الضاع ..
و الفاعل ثورة انقاذ ..
قد مدحوها في المذياع ..
قد عبدوها في التلفاز ..
في الايام ذات الايقاع ..
صورة قبيحة و ما بغنيها ..
انو تكون حلوة برواز ..
يا وطني المشطور وطنين ..
دمع الناس نازل مدرار ..
من فصلوك و من باعوك ..
هللوا كبروا للانجاز ..
و اعطوا من هندس للفصل ..
نوط ابن السودان البار ..
يا وطني الحاكمنك اصلا ..
هم نوعين ..يا قحبات .. يا اما شواذ ..
او خبراء علم الافخاذ ..
اوعوا تقولوا كلامك شين ..
هذا كلام شيخكم يس ..
و هو كلام طبعا مليان
لا هو تجني و لا استفزاز ..
بس قولولي بدون دوران ..
لكن فضلا بي ايجاز ..
ايه العملو الشعب عشان ..
يحكم بي زي عوض الجاز ..
بي شلة فساق اشرار ..
بي زي حامد و د ممتاز ..
بي زي قوش الدفتردار ..
بي مصطفي عثمان القال ..
قبلنا كان شعبنا شحاذ ..
يحكمو ليه رقاص مستهتر ..
و في افعالو يمين ده مجنتر ..
يرفع راسو و ما هو مدنقر ..
يقعد يضحك هو براهو ..
يرقص و يمرح ما هماهو ..

رغم الشهدا السقطوا ضحايا ..
بي رصاص الامن اياهو ..

في فبراير ..
في يناير ..
و في ديسمبر ..
حاجة تخجل لنتنياهو ..
و يمشي يقول لبيك بي عمرة ؟

و يسال مرتو وداد قدامنا
عن الحنة و عن الخمرة ..
رافض كل نصايح الحكما ..
فهو مريض بجنون العظمة ..
راكب فوق كرسيهو مصنقر ..
كل ما انجزوا في اياموا ..
قد اكلكم كلبا حار ..
و هو بذلك قد عزاكم ..
و لي فقراكم قد انحاز ..
هذا الشعب وجدتو مصمم ..
هذا الشعب لقيتو مقرر ..
يخرج يهتف بي سلمية ..
لا مندس لا هو مدمر ..
فهو عظيم استاذ و معلم ..
فهو سليل جيل الوطنية ..
عندو عزيمة كما الفولاذ ..
قرر ينهي الحكم الطول ..
حكما كان بائس و مضلم ..
حكم الناس الظنت دوما ..
لا يوجد غيرم افذاذ ..
حكم الناس القتلت ياما ..
و خلت هذا الشعب يتامي ..
نست الدين الرب و قيامة ..
و طبعت ليك اموال .. رب رب ..
و ضربت ليك دولار.. لب لب ..
و سرقت نهبت ..
و ضميرم ..
ميت مرتاح ..
قايلين ..
عاملين الصاح ..
قد قالوا نحنا الاسلام ..
كل واحد عامل بن باز ..
و الاسلام ..
ما بيت اشباح ..
تزهق فيهو الروح الطاهرة ..
في افران ايران بالغاز ..
بالسمبك ذاك الخازوق ..
و نقول ..
للقالوا اتينا ..
شان ما نعيد عهد الفاروق ..
الخازوق الادخل عمدا جوه حشا الاستاذ ..
مزق قلب الوطن الكان لي وردي ملاذ ..
صحا ضمير الناس النايم ..
كان موضوع صامت هزاز .
عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.
////////////////