اتنين بالسعودي بالسوداني كم !!! .. بقلم: بابكر سلك
Partner.
In the name of God, mercy. In the wire. *الليله يومنا ان شاء الله *فرحة تبدأ عصرا *وتستمر مغربا *لتكتمل ليلا *الليله الكتمه *عزام ليس بالفريق الذي نقارن به *عزام ما بخوفنا *تاريخنا ومانديلتنا *بالنسبه لعزام زي ام بعلو *عزام دوليا صفر *برغم انو عمرو تمنيه سنين ما تمنين سنه *وبرغم كل ذلك *لن نستهين بعزام *نحترم انه منافس *ونتمني ان يكون منافسا شريفا *وحتي ولو كان غير ذلك *فشفتنة اولادنا تستطيع ان تكبح جماح اللامعقول *اليوم يوم المدينه *حايلعب ياروشا *وحايغلب لينا *وتشوووووف *الفرحه لازم تبدأ من العصر وتستمر حتي منتصف الليل *ننوم فرحانين *الله يدينا الفي مرادنا *غارزيتو مبسوط بالاربعمائة وستين الف دولار الطالبها للهلال *ولازم ينبسط اكتر بالكورة *ايها الناس *لايخيفنا عزام ولا خلافه *قبل ما يولد عزام *اتينا باول جويه من تنزانيا *من فك سيمبا الكبير والصغير والشباب التنزاني *يبقي عزام ليس بافضل منهم *وبرغم اعداده واستعداده *لن يخيفنا *لان الصومال مع احترامنا لها *لو استعدت عسكريا لن تهزم امريكا *القصه ما نقه ساااي *القصه امكانات ومهارات وخبرات وسيرة وتاريخ *قابلنا عزام العام قبل شهور في سيكافا 2014 *ووقتها فريقنا جديد *واعداده ما تمام *اقصيناهوا *بل نلنا البطوله كمان من اصحاب الارض *ايها الناس *لنا افضليه في المرمي *وفي المحاور *وفي صناعة اللعب *وفي قلب الدفاع *وفي بكري المدينه *والليله بكري كان جري *تنزانيا كلها تجري ورا *لما يحصلها ويدخلها *تنزانيا تكون يادوبك في الخلا *هييييييييييييييييييييييييع *بلح المدينه الاصلي *ايها الشفوت *الزعيم يحتاج لدعواتكم اليوم *ما تقنطوا من رحمة الله *وما تستعجلوا النصر *النصر حليفنا *بالايمان والاخلاص والعمل *وببكري المدينه *المهم *اكتب قبل مباراة الخرطوم ضد الزامبي *من قلبي اتمني فوز الخرطوم *فالخرطوم خسر بالتعادل امام الهلال موقعه كان جدير بالفوز بها *وتاني مامفروض يخسر *المهم *الفرح الليله من العصر للساعه اطناشر بالليل *اها *قالوا الحكام الارتريين وصلوا *والمراقب الاثيوبي *العبوها في الديم *حيرتونا زاتو *بركة البوتاكو ما لاعب *كان مع اهلو ديل حنك *ونسي الكورة *ويقوموا ناس زنزبار ديل يجروا بي خانتو *بركة المالاعب وما حنك *ايها الناس *المغتربين بتاعين البوبار *قالوا الواحد منهم يجي البلد دي *ويقشر علي الناس *تجي شايل ليك موبايل *يقول ليك بتاعي ده بي سبعمائة درهم *يعني بالسوداني زي كم كده وكسر *كان لبست ليك جلابيه *يقول ليك المقطع ده عندنا بي مية درهم *بالسوداني كم ماعارفو *كان جيت شايل ليك تمباك *يقول ليك عندنا الاصلي الكيس بي درهم *اها *قالوا ليك واحد من ديل *الضهر اذن *قال للناس الضهر عندنا اربعه ركعات عندكم كم ؟؟؟ *اها *خسرالهلال السعودي اتنين *اتنين سعودي بالسوداني يعني كم يا مغتربيننا ؟؟؟ *خبر بي بي قروش بكرة بي بلاش *وكان ابيتوا تورورنا اتنين بالسعودي بتساوي كم بالسوداني *برانا بنعرفها الليله الساعه عشره الا ربع *المهم *دعوات الشفوت لمريخ الصمود *ومريخ الصمود حايفرح الشفوت *كلامي ده بتعرفوهوا لما بكري يجري ويشووووووت *براحه يا بكري *جريتك الزي السهم دي *يوم كورة الهلال شققت علينا الشاشات *براحه الشاشه دي جديده يا مدينه *المهم *الليله قالوا الجن الازرق زعلان شديد *قال كييييييييييييف يقولوا تدهور المستوي ده مني ومن رتينزاتي *وقال يعني عملتوها فيني زي ما عملوها الجماعه في الجقر *كان الجقر سكت انا ما بسكت *واللييييييييييييييييييييييييييييييييييله يا حسن محجوب *الجن الازرق زعلان شديييييييييييييد *المهم *اللهم انصر السودان وافرح السودانيين *فرحتنا الوحيده بقت في الكورة *اللهم وفق كورتنا واجعلها منصوره *ايها الناس *ان تنصروا الله ينصركم *وحياة اولادي *اها *نجي لي شمارات والي الخرتوم *كان شفت يا والينا *المدارس بدت تضغط فينا *دايرين باقي الرسوم والترحيل وما شغالين بالحال الفينا *وانتوا خاوتننا بمجانية التعليم وفي الواقع مجاني مافي طلاب بقرا لينا *والمعلمين يا والينا *لي قطر والسعوديه كاسحينا *ولو استمرت الحاله دي علينا *السنه الجايه بتلقي معلميننا في الصومال يا والينا *وفي مدارسنا مانلقي زول يقرينا *اخير ياوالينا *اجروها مخازن خلوها تدعم المحليات بالسمينه *ويجي ياكلها الجقر الاكل كبرينا سلك كهربا ننساك كيف والشعب نصو في المقابر والنص التاني في المطار داير يغادر والقله لسه بتكابر والي لقاء سلك b_silik@hotmail.com
Your reliable source of news, analysis and accurate opinions!
We provide accurate and balanced coverage, together with in-depth analyses and diverse views that help you understand beyond the news, keep up with the latest developments and visions first.
