لما تطلع للشوارع …
تبقي شايل الهم معانا …
تبقي حاسس بي وجعنا …
رافض الذُل والإهانة …
تبقي عارف حُب بلادك …
تستبيح الموت عشانا …
تبقي عارف سر عذابنا …
وسر عذاب مسكين حدانا …
تبقي شاعر بالغلا …
بي معاناتك معانا …
بي معاناة شعب كامل …
شعب عايش بالإعانة …
شعب همه يعيش معزز …
يكون مُكرم دون إهانة …
بي سبب فشل الحكومة …
بي سبب عدم الأمانة …
لما تطلع تبقي فاهم …
سوء سلوكهم والخيانة …
نهبوا خيرات الوطن …
بي جوازات او حصانة …
نهب وتهريب سرقة ظاهرة …
لاتهم لاصوت إدانة …
سكنوا كافوري وجوارها …
عاشوا في اعظم مكانة …
يللا اطلع وغني ليها …
وأذرف الدمعات عشانا …
وأرضي إنو تسيل دماك …
في سبيل طيبا وحنانا …
وأبقي عاشق ليها ((عزة))
لو تروح الروح عشانا …
لما تطلع تبقي مخلص …
ويبقي رب الكون هدانا …
لما تطلع تبقي فاهم …
إنو ماضريتا بلدك …
إنت بل ذودتا خانة …
لما تطلع ابقي راكز …
واحمي للراكزات حدانا …
ابقي للموكب نشيدو …
وابقي للموكب إعانة …
لما تطلع ابقي قوة …
قوة تحفظ ليك خانة …
تبقي في وطنك مقيم …
وتبقي ليك ارفع مكانة …
لبستا لي توب النضال …
قلعتا توب الإستكانة …
لما تطلع حِب بلادك …
حب بلادك و موت عشانا …
وضحي بي نفسك عشان …
سودانا يستاهل دمانا …
ترس ..
حقيقة سودانا بستاهل دمانا وحقيقة لازم نحرر الوطن من طغمة العسكر والمفسدين و اصحاب القلوب الضعيفة ابقوا عشرة على الوطن واطلعوا من كل الطرقات والشوارع لإسقاط هؤلاء اللصوص والمجرمين .
zlzal1721979@gmail.com