In the name of God, mercy.
في السلك
• واحد دمو خفيف
• قابلني صدفه في الشارع
• قال لي ناس ( ام تي ان ) اريبا سابقا طلعوا شرائح جديده
• قلت ليهو مبروك
• قال لي بتبدأ الارقام الجديده بي تلات تسعات
• قلت ليهو تلات تسعات ؟ الشر بره وبعيد
• قال لي اول ناس ادونا ليها نحنا
• قلت ليهو انتوا منوا ؟
• قال لي , اهييييييييييييييي ! نحنا اليييييييييييييييييي ! ياراجل
• قلت ليهو يخربني ماعرفتكم ؟
• قال لي نحنا الاخدنا خمسه في …… , اهيييييييييييييييييييييييييي !
• قلت ليهو اخدتوا خمسه وين ؟
• قال خمسه وسته ياراجل ؟ اهييييييييييييييييييييييي !
• قلت ليهو خمسه وسته في البلد دي ؟
• قال اهييييييييي! خمسات وستات برات البلد يارااااااجل
• قلت ليهو برات البلد وين ؟
• قال لي اهيييييييييييي !!! عند زين العابدين يارااااجل
• قلت ليهو زين العابدين منو ؟
• قال لي زين العابدين الي قال فهمت الدرس يارااااااااجل
• قلت ليهو برضو ماعرفتو
• قال لي اهييييييييييييييي! زين العابدين الاده قروش شعبو لي نسيبو ياراجل , زين العابدين المركب نضاره وركب الطياره وراح علي السعوديه ياراااااااااجل
• قلت ليهو والله الوصف ده ماغريب علي
• قال لي زين العابدين الي طلعلو الراجل البقول هرمنا , لقد هرمنا يا رااااااااااااجل
• قلت ايواااااااااااااااااااااا , تلك , عرفتكم , انتوا الاخدتوا الخمسه في استادكم قبلكم وحدكم ياراااااجل
• قال يعني الواحد الا يركب دقن !!!!
• قلت ليهو طيب ناس ( ام تي ان ) ليهم حق يدوكم الشرائح البتبدأ بي تلات تسعات دي مع شيكاتكم الطايره الكتيره دي
• صاحبنا اتخارج طوالي
• المهم
• امدرمان جميله واصيله وبي ناسها
• وسوق ام درمان ده تاريخ كبير دونت فيهو الاسر القديمه اسمائها
• بالذات شارع العناقريب فخر الصناعه الوطنيه
• ولا يفوتنا في هذا الشارع ذكر المرحوم حاج حسين قسم السيد
• وفي آخر شارع العناقريب يطل زنكي اللحمه والخضار
• ناس اللحمه براهم بي جهه
• وناس ام فتفت والكرشه والعفشه بي جهه براهم
• ويقول تاريخ امدرمان ان اشهر بائعي العفشه والكرشه في ذلك الوقت كانت حبوبتنا الشول
• انا لااعرف هي الشول بنت منو
• ولكن تاريخ امدرمان يعرف جيدا الشول كجنكة السوق وجيرانها من زملاء المهنه رحمهم الله جميعا
• محمد علي عبدالمجيد
• من اشهر واميز شعراء الحلمنتيش
• قال الناس دي كلها شعراء
• فيهم ناس بكتبوا الشعر بتاعهم
• وفيهم ناس بفتحوا للشعر بتاعهم
• لكن كل الناس شعراء
• في مره قال كل زول بقول شعر حسب مهنتو
• وضرب مثل باهلنا الجزارين
• قال كان في جزار بتغزل في محبوبته
• قال فيها
• الضهر سنكيت لا ضربه لا زليط ما بنخليها
• و الدهن نازي والخصر ضامر عفشه مافيها ( كناية عن الرشاقه )
• هذه الابيات استحضرتها وانا افكر في فتح جزاره حديثه علي الشارع الرئيسي
• جزاره حدث
• لحمه مافيها
• عفشه بس
• العفشه دي بتجيب قروش صاح
• ام فتفت وكمونيه وجقاجق
• بعد كده الواحد حقو يفكر في مستقبل اولادو
• المهم
• امس في كورتنا كانت في حاجه غريبه
• الشوط الاول كنا احسن من التاني
• مما دخلوا ناس مقدم المريخ اتأخر
• ياناس مقدم
• براااااااااااااحه
• انتوا بتلعبوا لي فريق كبير
• رجفة الدافوري دي خلوها
• لكن بصراحه في ناس كده نفس الباميه
• وكان قلنا العيب في الزيت يقولوا امرقوا من البلد
• لكن بصراحه غيرو الزيت
• في زيوت بتجيب سرطانات حمانا الله واياكم
• الزيوت البتجمد وتتجمد في مكانها دي ماحبابها
• اسمعوا كلامي غيرو الزيت
• ايها الناس
• شباب منتديات المريخ وصفحة المريخ في الفيس بوك
• يخطون اولي خطوات الطريق الصحيح الذي يوصلنا للمنهجيه والعلميه
• اليوم بدار النادي يدشنون ضربة البدايه لنيل كل عضويتهم لعضوية النادي
• انهم شباب من اجل المريخ
• هكذا اطلقوا علي انفسهم
• وياله من اسم تجري له الدماء في الشرايين والاورده والافئده
• انهم شباب يؤمن بان المريخ كيان كبير ووطن
• يجب ان نقدم له ونضحي من اجله
• انهم لايتبعون لزيد او عبيد
• ولكن يتبعون معشوقهم الزعيم
• يأتمرون بأمره مصلحة الكيان
• وينتهون عنا يتعارض مع الصالح العام
• سيكونون خير معين لمجلس الاداره
• اذا اراد رأي يجده عندهم
• واذا اراد خيرا بالمريخ يجدهم امامه
• واذا حاد عن جادة الطريق لاسمح الله
• يقولون له اخطأت يا مجلس
• يناقشون في الجمعيات العموميه بعقلانيه
• لا يقترحون قفل باب النقاش قبل ان ينتهي النقاش
• يعطون الصوت لمن يستحقه
• لايؤمنون بالتحزب والانتماء لمسميات اقل من كلمة مريخابي
• انها ضربة البدايه لينال كل الشعب الاحمرعضويته
• الي الامام …الي الامام …هييييييييييييييييييييييييييه
• نصيحه
• ياناس الكهربا
• نحنا ناس كبار
• مفروض نتقابل في العقد والبكا بس
• ماتبقوا لينا سبب نتقابل بيهو في الفيس بوك
• ده شنو ده ياخ ؟
سلك كهربا
ننساك كيف و الجمهور هتف باسمك عند صافرة النهايه
والي لقاء
سلك
babikir maki [b_silik@hotmail.com]