In the name of God, mercy.
في السلك
*ايها الناس
*خبر سفر ثلاثي الرديف مفرح
*ومحزن في نفس الوقت
*مفرح لانه يشير الي امكانية مشاركة اولاد الرديف كأساسيين مع الفريق الاول
*وده الدايرو الجمهور
*ومحزن لانو بوري سوء التخطيط
*فاذا كان المدرب يحتاج لهم لاعدادهم
*لماذا سافر الفريق بدونهم ؟؟؟
*ام ان المدرب اعتقد بانهم ضمن البعثه تاسيسا علي وجودهم في معسكر مصر ؟؟؟
*كان دي كان ديك
*في عدم تنسيق وعدم تخطيط واضح
*نرجوا تلافيه مستقبلا
*المهم
*امس جماعتنا لعبوا ضد التعاون
*والتعاون القابلوهوا ده ليس التعاون بتاع درجة تانيه الاماراتي
*ده تعاون تاني خالص
*تعاون ليق
*اسمو تعاون راس الخيمه
*يعني خاص برأس الخيمه
*زي ماتقول كده فريق رابطه
*يعني التعاون الحله
*تعاون راس الخيمه
*زي الاشاوس رابطه الثورة
*وبرغم ذلك فشلوا في تقديم عرض يرضي الاربعه انفار الحضروا الكوره
*الملعب بين الجبال
*لو شفتوهوا تحلفوا تقولوا الكورة في امارةالجبلايه
*لكن مافي امارة اسمها الجبلايه
*وموش فشلوا ساي في تقديم العرض
*بل كمان طردوا ليهم الماسورة القدام داك
*قال دبابه قال
*كان دي دبابتكم سجم جوهرتكم
*الكورة انتهت بهدف من تسلل واضح
*مصور بالموبايل
*برغم انو الباص(الصدفه ) كان جميل
*والباص الوحيد الاتلعب في المباراه
*الا ان الهدف تسلل واضح
*المهم
*اربعه اشخاص دخلوا الكورة
*طلعوا بطونهم طامه ودايشين
*قال ليك تلاته منهم ماشين علي بيوتهم في الامارات
*دخلوا سلطنة عمان
*التعاون الحله بينو وبين عمان محل شيشه
*المهم
*راس الخيمه برغم انو درجة تانيه
*الا انو لعب ضد الهلال بالصف التالت
*فرز تالت
*التعاون ده تعاون راس الخيمه
*يعني كسار سااااااااي
*المهم
*مدربهم قال في المؤتمر الصحفي انه وصل الي اربعين في المائه من الجاهزيه
*روشا طبعا بزيد المحلبيه
*نشرها خمسه واربعين في المائه
*تسعين في الميه يا روشا
*برضو ما بتحلكم مننا
*وكنا نتمنيي ان يكمل كردنه هذا الموسم رئيسا لنادي الهلال
*ولكن الحركات المسلحه الهلاليه ما ظنيت بتخليهو يكمل الدورة الاولي
*ناس ماجد اسماعيل يرفضون التفاوض
*ايها الناس
*اسوأ موسم يمر بالهلال هو هذا الموسم
*وناس روشا عارفين كده
*لكن بعملوا في برابقندا لزوم محاولة البقاء اطول فتره
*السنه دي القاضيه الفنيه من الخمسه دقائق الاولي
*شدوا حيلكم
*السنه دي الا تمشوا للزول بتاع الدوا داك ياروشا
*قبل تعملوا الجوهره الزرقاء
*احفروا الحمار القديم المدتو انتهت داك
*وادفنوا واحد جديد
*لكن مع غلاوة الحمير وتسبيكها في التحمير
*ما اظن تلقوا ليكم حمار رخيص
*ادفنوا ديك ياروشا
*عشان تغنوا في الليله ديك
*وبمناسبة زول مايرنو
*دكتور عمر محمود خالد حكي لي قصة ظريفه
*كان شاهد علي القصه استاذنا الرائع احمد دوله
*دوله ما اعترض
*ضحك ضحكته الجميله ديك
*وسكت
*قصة دكتور عمر بتقول
*الجماعه كانوا لاعبين في الجزائر
*قاموا مشوا للزول بتاع مايرنو
*زول مايرنو اداهم دوا
*وقال ليهم تدفنوهوا في المقابر في الجزائر
*لئيبه بتاع جزائر ديل يقيفوا في محلهم هيلم مييييييييييت
*تقوموا تغلبوهم
*اها
*قال ليك الجماعه سفروا فلان (اخصائي الدوا وكاتم السر )
*سفروهوا قبل تلاته يوم من جية الهلال للجزائر
*تلاته يوم يفتش مقابر في الجزائر ما لقاها
*آخر يوم سأل ليهو جزائري قابلوا في الشارع
*قال ليهو انتوا المليون شهيد ديل دفنتوهم وين ؟؟؟؟؟
*لما عرف ابو الهلال كان طاير مع القماري
*المهم
*قال التعاون قال
*فرق بين البايرن وشالكا والتعاون
*هلالابي ظريف قال لي انتوا بتجيبوا شالكه والبايرن ديل من وين ؟؟؟
*قلت ليهو من فداسي
*قال لي انحنا ذاتنا حانلعب ضد شالكا
*قلت ليهو جيب ليك اتاري
*وسمي فريق شالكه
*وسمي التاني الهلال
*علي اليمين الاتاري ما يشتغل
*يحرن في حتتو
*ده لو ما ضرب
*شوفوا التعاون الحله وراس الخيمه التقاطع وين
*ايها الناس
*الرقم الوطني المريخي محفوظ للجميع
*2870 من كل الشبكات
*وبالامس قابل مندوبنا الشركات التلاته
*وقال ليهم استعجلوا
*الشفوت ينتظرون ضربة البدايه والصبر يفتتهم
*حماس نحن تجاه الرقم الوطني المريخي
*ولا اشك اطلاقا في ان اي شفت سيشارك
*اربعين مليون شفت علي ظهر هذه الدنيا
*جميعهم سيشارك
*والعلم كله يجب ان يعرف اننا مقدره
*ورقم المريخ الوطني حلو حلا
*عمليه بسيطه
*الاشتراك مرة واحده
*وتاني ما تتعب نفسك
*اتوماتيك بتحول شهريا براهو
*ناديك يناديك
*وبالتأكيد انت عاجبو
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*كلمونا وقالوا لينا
*بعد اتقفلت كل الدروب علينا
*قالوا ليبيا قفلت يا والينا
*وووووووووووب علينا
*يعني نطير وين يا والينا
سلك كهربا
ننساك كيف وليبيا قفلت وقفلة ليبيا زي الحبن بتحرق شديييييييييييييييييييييد والله واعلم تفتح بدون عمليه
والي لقاء
سلك
b_silik@hotmail.com
