جملة مفيدة
سيد البلد شرف السودان
وخبرو عم القرى والبلدان
بالعربي قرينا الخبر وبلغة الفرجان
للاسباني ترجموه وسمعناهو في اليابان
********
الفيفا ختاهو قدام ولد فرعون
والكاف افتخربو وعينو للصدارة زبون
افريقيا ياهو عريسا الازرق الممنون
والعرب ياهو فخارها وفارسها المفتون
********
كيف ماتفرحووهلالكم ساطع
جمعة الهصور السرو باتع
ديمبا العريس صرح أكد راجع
علاء الاسد رجع صغيير شافع
خليفة الجموعي نازل وطالع
بويا الحريف تقول بي يدو جادع
********
بشة صغيرة فكرو راجح
ميشو اكد ….بيهو رابح
معلم كبير في دروسو ناجح
اتير الغرام بي حبو فاضح
وسيدا الكرار بحرنا المالح
فيهو نسرح وفيهو نمرح
ومابنقدر نبارح
********
كيف انسى سيفنا البتار
بكره يرجع ………يلم الودار
يحمي ضهرو بي عقل الكبار
جنبو سامي….. السم الهار
ويرجع معز …..حافظ الاسرار
حامي الحمي….. ليل ونهار
ودعيع بريدو مااطول المشوار
ود جابر حريف ..يحفظو الجبار
ويسلم تجتوج المابعرف هظار
ويوسف ولدنا …….وزينة الدار
والربيع مواسم تضحك الازهار
**********
ميشو داهية هزم المطر
فوزي اسد في عرينو هصر
طارق وزيرمن بدري حضر
مهيمن هميم نموذج وقمر
دكاتره وعلم يزيلو الخطر
لياقة تمام والزي يسعد يسر
*********
تيم جميل سيد الكفر
عقد نضيد حباتو درر
جملة اخيرة :
سيد البلد متعة ونسعد بالمتابعة
الوصيف روضة…وهلالنا جامعة
yaserazazy@yahoo.com