من كل كفر شيخ غفر

In the name of God, mercy.

 

في السلك

 

 

 

•       غلبنا الميرغني

•       كلتشي جاب قونين

•       ده ما الحدث

•       لكن الحدث المباراه الفاصله وتجني القنوات المصريه

•       يافراعنه

•       انتوا لعبتوا كوره عشان تتحسروا علي الخساره ؟

•       اداء زي مشي ابو القدح

•       بتعرفوا ابو القدح !

•       السلحفاه ياراااااجل

•       زمان لما كان عندكم كوره كنا بنغني معاكم

•       دي موش كوره 0000 دي مزيكا

•       لكن اسي اخير منكم اولاد قسطنطين

•       علي اقل تقدير صغار

•       ياشحاته جايب ليك من كل كفر شيخ غفر

•       واحد بي شنبات

•       وواحد من غير شنبات

•       امال فين المأمور يا معلم !

•       ايها الفراعنه

•       ماحانشغل انفسنا كتير بالدفاع عن الاكاذيب التي يطلقها المدعو ابراهيم مين كده موش عارف وبقين المنفلتين معه

•       نرجع للمباراه

•       امس شايف في الصدي مزمل قاعده جمبو غاده عبدالرازق

•       وقالت لي رحت اسأل عنك آلولي شوفي الراجل الهناك ده واسأليه

•       رحت سألتو00 انت اسمك ايه ؟

•       آلي مزمل

•       التيلو يا استاذ مزمل فين الآقي سلك ؟

•       آلي صعب 000سلك جمب الوالي 000 بس انت اقعدي هو حايجي

•       اولتيلو  ولو ماجاش يا الدلعا دي

•       آلي هايجي

•       وآدي اعده

•       عرفتوا السبب الجاب غاده جمب مزمل !

•       اثناء الكوره كان بجواري شله من المصرييين

•       دقااااق 00وقصار قصار 000 حملان بس

•       عاينت لواحد منهم وقلت ليهو مقصرين كده  فين باقيكم

•       المصري صنقع عاين لي لما قرب ينفقه وقال

•       مافيش باقي ولا حاجه 000 ادي كل الحكايه

•       والكوره بدت

•       اصحابنا ما شايفين حاجه

•       يسمعوا الجمهور كورك يتشابوا

•       وبرضو ما شايفين حاجه

•       واحد صنقع وقال لي هوووا في اييييييه 000 انا موش شايف حاجه

•       قلت ليهو مصر ضيعت قون

•       قال مصر 0000 مصر 000 حسن شحاته يامعلم

•       وبعد شويه الجمهور كورك

•       قال لي هووا في اييه000 انا موش شايف حاجه

•       قلت احسن ماتشوفش حاجه

•       قال لي لييييييييه 000 اولي ايه الحاصل

•       قلت ليهو الحاصل بدوب المفاصل

•       قال لي والنبي في ايه

•       قلت ليهو الجزائر جابت قووون

•       قال لي الله يخرب بيت حسن شحاته وبيت اللخلفوووووه

•       قلت ليهو الحضري طلعها مادخلت قووون

•       قال لي حسن شحاته يامعلم

•       قلت ليهو والله دخلت انا كنت قايل الحضري مرقها

•       قال لي حسن شحاته عمرو مايفهم كووووره

•       عليكم الله شفتوا الناس ديل بقلبوا الكلام حسب الموقف كيف ؟

•       تاني الناس كوركوا

•       قال لي في اييييييه تاني

•       قلت ليهو مافيش بس الشيخ احمد حسن وقع

•       تاني الناس كوركوا قال لي ايه البحصل ده في ايييييه !

•       قلت ليهو يازول هوووي ( ورورت ليهو ) انت شايفني طويل كده قايلني باقي طقم الكشافات ولا شنو ؟ تاني تفتح خشمك بوريك ليهو

•       قال لي ياعمي نحن ضيوفكم

•       قلت ليهو ضيوفنا فوق راسنا 000 لكن كلمناكم قلنا ليكم ممنوع اصطحاب الاطفال

•       بعد شويه قال لي مافيش اهاوي اريبه من هنا احضر فيها الماتش ؟

•       قلت ليهو في 0000 قهوة الشماسه جمب السوق

•       قناة النيل بالغت

•       امسكوا قناتكم عليكم ونمسك نيلنا علينا

•       امكم

•       اتراجعتوا ليييييييييه !

سلك كهربا

               مصر الملومانا قاعده معانا في الحتانه

 

والي لقاء

سلك