سودانايل أول صحيفة سودانية رقمية تصدر من الخرطوم
أخبار أخرى
وكان توتيلنا يا كسلا
جبل أزرق
من الياقوت يتمشى
سحابات ذوق
جميلة
كتيرة
رويانة
سفن همسة
تغني خطانا
تِدَّفا
سلالم نازلة ضواية
قمم حانية
تلاحق الموج
عيون تصفى
سروج فضة
خدار يحلم
بِليلَةْ عيد
ويتوضا
مطر طاهر
ينزل فينا يتبسم
يفك الريق
خَدَر
رَعْشَة
بخور تيمان من المنفى
رسايل شوق أناديها
وتنادي عَلَيْ رغم أَنْفا
واسرح
والقليب مخزن منى
وأشجان
وكيف أنسى
ندى اللوحات
لما تَرِف عويناتا
وتتكلم درر
ومضة
جمال تاجوجي
ما فيو غش
ولا هو بيقبل الغَشَّة
وتنزل رحمة بين القاش
وتهدينا السلام غنوة
تعانق شمسنا الحسناء
طيور حلتنا
والنشوة
سلامي يا غربنا القاش
سلاماً صَبْرِيَ العَطَّاش
2026/3/11
عبدالماجد موسى/ لندن
seysaban@yahoo.co.uk
