السيد ملعقه .. بقلم: بابكر سلك
3 يناير, 2015
منشورات غير مصنفة
21 زيارة
بسم الله الرحمن الرحيم
في السلك
*روشا ووفقا للنطق الذي نطقت به فطومه
*تبجح وتجدع شديد امس
*قال الكورة منقوله علي قناة رأس الخيمه
*والجماعه صدقوا
*جروا قلبوا القنوات الاماراتيه
*ما لقوا شئ
*مشوا علي اذاعة البيت الاماراتي
*مالقوا شئ
*قبلوا علي الوتساب مالقوا شئ
*مشوا مسرح شباب الفجيره ما لقوا شئ
*ست الودع ما لقوا عندها شئ
*فتحوا اذاعات الاف ام
*ببح مافي كورة
*القناة القالوها
*في وكت الكورة جابت فيلم كرتون
*اسمو سيد ملعقه
*ماعارف علاقة الملعقه بالهلال شنو
*لكن يظهر في علاقه
*ناس الامارات ديل مفتحين وعارفين اي شئ
*المهم
*الكورة كانت في ميدان عقرب الامارات
*عقرب يا حبيب
*والفريق من فرق الدرجه التانيه ولا لغوهوا زاتو ما معروف
*وفاز سيد ملعقه بهدف مشكوك في صحته كالعاده
*وشاف الناس في الامارات المواسير آخر موديل
*ماسورة موديل ماكسيم
*كبيره
*بتودي الخور طوالي
*آخر صيحات الصرف
*وكان الجمهور عمك شبشه وفطومه اختي وبتاع المويه وواحد رابع
*وروشا قال لينا جمهور لا مثيل له
*صدقت يا روشا
*ففطومه بالابيض والازرق والطرحه الفيها كسره بالاحمر الغالي
*كرسي تقعد فيهو ما لقتو
*وشن جاب لي جاب
*معسكر قطر ومعسكر السيد ملعقه
*ايها الاهله الشرفاء
*حديث المدرب البلجيكي ما ترموهوا في الواطه
*الراجل ده فاتح خيال صاح ما قلنا شئ
*وامس قرينا ليهو تصريحات في الزعيم
*ولما قال مكسيم ماسورة
*وبستغرب ده جابوهوا كيف
*ما كضب
*الزول ده قاصد كلامو ده
*وقال مكسيم ده يا يمشي يا الهلال يمشي الخور
*الحته دي ناس الزعيم ماقدروا يترجموها
*والمعز يتألق يوميا
*اما بقية الكوته الجات في لحظة غضب من العقرب
*المدرب استغرب
*قال ديل هكر
*وليه ماعملوا ليهم كشف طبي
*وقال بالبلجيكي لكن فاضلابي ما نزلها عشان ما بعرف بلجيكي
*قال ديل مكسرين وفيهم وحدين بمشوا زي عربات الباسطه
*وحتي قال فيهم ناس بت بتي عليها رحمة الله بتعرف انهم مصابين من ركشتهم
*قبل ينزلوا
*ياروشا
*الكشف ده سويتوهوا ليهم وين ؟؟؟
*في ورقه ؟؟؟
*عند بصير ولا وداعيه
*الا يجازيك يا بكري
*خليتم لقطوا الصالح والطالح
*غايتو الموسم ده
*الا تلعبوا شكاوي بس
*لكن في الميدان بتفلق حكمان
*السنه الفاتت فلقتوا حكم واحد
*وتحيه للعم شبشه خاصه جدا
*هذا الرجل عاشر عمالقه من الاجيال السابقه
*كونو انو يشوف ديل ولي اسي ما يصاب بي شئ
*دي قوة من الراجل
*ولا يكون نظرو ضعف
*او يكون مدنقر في الآي باد وما بشوف المواسير دي
*ايها الناس
*امورنا ماشه تمام
*وللمعلوميه
*ابو جريشه لم يتخلف عن البعثه
*ولكنه في مهمه خاصه في اديس
*يومين وبكون في الدوحه
*والدوحه من اديس قريبه
*يشاقق بي جوه بالركشه بصل
*بمناسبة ركشه دي
*الزول الرابع الحضر الكورة مع فطومه وشبشه وبتاع المويه
*خاتنوا نحنا
*قال لي الميدان جمب محطة الركشات
*وشبهوا لي بالجريف آخر محطه
*شن جاب لي جاب
*عمده
*اشتكي الاماراتيه ديل
*ده ميدان يلعبوكم فيهو !!!!
*المهم
*رابطه قطر في مستوي حكومه بلد
*اعدت للمعسكر بطريقه وزراة رياضه ما تعد ليهو كده
*التحيه ليهم فردا فردا
*ومحل ما يكون مريخابي
*يكون هناك ابداع
*نرفع القبعات وننحني لرابطة قطر
*نرفع القبعات ونمرق الصلعات احتراما لكم يا شفوت
*المهم
*تاني الامارات مافيها فريق ليق غير راس الخيمه ده
*باقي المعسكر بتتموهوا مويه يا روشا ؟؟؟
*المهم
ياربي الليله صحيفة السيد ملعقه كاتبه شنو ؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*اجتمعنا وقررنا وقبل كده اقرينا
*البلد بتقوم دائما بانسانها وبي بنينا
*لا تعمل دعم يا والينا
*لا تخطب فينا
*ولا تدينا
*ولا تسأل فينا
*بس فقط طالبين تستمع لينا
*اعدوا ام صالحه يا والينا
*ومدرسه تطرد الهبل الفينا
*وخلينا
*شوف لو ما وصلنا بي وطنا لقمة البلدان البعيده والحولينا
*وانتوا قاعدين تعاينوا لينا
سلك كهربا
ننساك كيف وعارفين الام مدرسة اذا اعددتها اعددت شعبا طيب الاعراق
والي لقاء
سلك
b_silik@hotmail.com
/////////
//////////
سودانايل أول صحيفة سودانية رقمية تصدر من الخرطوم
