الشعر ولغة الحقوق .. بقلم: د. محمود شعراني

أطلق الدكتور محمود شعراني رئيس المركز السوداني لدراسات حقوق الإنسان المقارنة قصيدة جديدة.. لشهداء سبتمبر الميامين الأبرار..

من سبتمبر نحن صحينا وشلنا الخوف الساكن فينا..

منو الفاقدنا وسائل فينا غير الماتو وعايشين فينا ؟ !

منو الضيعنا ؟..

منوالجوعنا ؟..

غير العاشوا وميتين فينا!؟

بقدرة قادر من سبتمبر ولي يناير نصلح شأن الأمة ودينا ..

وما بناكل بادين الدنيا وما بنشرب كدورة  طينا !!

عشان نتوعي وتوعي شعوبنا منابر حرة في كل مكان..

عشان نعرف  نختار حكامنا ونملا الدنيا سلام وامان..

لازم  نحيا وتحيا نفوسنا بعدما عاشت  ذل وهوان ..

شهود سبتمبر في اكتوبر وفي يناير كانوا بيان..

كانوا منارة عز ومهابة لي سوداننا وللعربان..

بل للناس في كل الدنيا وين  ما خلق الخالق انسان !!

   د. محمود شعراني – سبتمبر 2015

الكاتب

طارق الجزولي