سودانايل أول صحيفة سودانية رقمية تصدر من الخرطوم
أخبار أخرى
بسم الله الرحمن الرحيم
في السلك
الحوثيون 7/1000
b_silik@hotmail.com
*خسر السودان مقعديه في الكونفدراليه
*بخروج اهلي شندي والخرطوم الوطني
*وكسب السودان مقعدين بالابطال
*واحد خدمة يمين وعرق جبين
*والتاني خدمة قرعه وحظ المسار
*مسار عزل عزل للهلال
*رياك مشار مابعزل مسار زي ده
*لكنه الحظ
*احيانا يلعب اكتر من اللاعبين
*ويكون اثره واضحا
*فدرهم الحظ يمكن ان يخدم اكثر من قنطار الشطاره
*اسي عليكم الله كي ام كي ام ده فريق ؟؟؟
*والغريبه التاهل امامه كان بفارق الاهداف
*ولولا تدخل العناية الالهيه
*لشاهدنا بالامس كي ام كي يلاعب الفشنكات الملاويه
*ثم ابتسمت القرعه من جديد
*الفشنكات الكمونيه
*بالامس شاهدنا اسوأ مباراه تتلعب في تاريخ البطولات الافريقيه
*لا مستوي ولا محتوي ولا فنيات
*هرجله من الطرفين تثبت ان بطولة الابطال بتجيب مواسير كتيره
*تخدمها القرعه
*يعبد لها المسار
*المهم البحصل بحصل
*المهم
*قابل الزعيم في مشواره حتي الآن فرق محترمه
*تؤدي بفنيات وعرفه ودرايه
*مافي زيها في ميدان عقرب
*مازي ناس سنبهار وزنزبار
*وفي الطريق الترجي
*لان قدر الكبار دائما يضعهم امام الكبار
*القدر زاتو بخجل
*عشان كده بقيم
*وعلي الترجي ان يستعد للعب الدور المكرر
*فمدرب عزام عندما صرح بانه خسر امام بطل هذه النسخه افريقيا
*لم يتحدث ساكت
*الراجل خبير وشماها من بدري
*وزي ماقلت ليكم
*شامي لي ريحة مطار
*ريحة المطار بتعرفوها يا محمد عبدالماجد ؟؟؟
*شميتوها متين ؟؟؟؟
*ترجي علي مين !!!!
*ترجي علي ناسو وبس
*ايها الناس
*علة الكرة التونسيه علي مر السنين واضحه
*ثيردباك ومساك طوال وتقال
*مع بكري ده لما يتلفتوا يلقونا في المجموعات
*ايها الناس
*جنينتنا الله يخليها لينا
*دائما تعطينا احلي الثمر
*الجنينه الادتنا طمبل وكليتشي ومجاهد وبكري العسل
*مفروض ما نغيرها اصلو
*ونصبر علي الثمر في الشجر
*ينجض في امو
*ونجيبو بعد ينجض من امو
*ثمرات حلوه حلا
*اسي شايف لي ثمرة وسيمبو نجضن
*ووليد واطهر في الفرع يتمايلن
*محمد عبدالرحمن قرررررب
*باقي العويش يودوهوا السوق
*لكن زي بلح المدينه ده اسيادوا معروفين
*ماتغير الجنينه دي يا والي
*اها
*بكري بالغ لكن
*معقولة يا سيد المدينه !!!!
*لكن في حاجه غريبه جدا
*بكري لابس اربعه
*وحاور المدافع رقم اربعه
*وكسر بي تلاته والحارس اربعه
*و الكورة شوطين هنا وشوط تالت هناك
*وجاب القون في الشوط رقم اربعه
*وبعد قونو في كمبالا ببورتسودان وقون امل عطبره وقون عزام وده رقم اربعه
*بكري بجري بنمرة اربعه
*وكان جري الناس تعاين للقبل الاربعه
*وبلبس زي ساكواها اربعه
*عشان تعرفوا مجلس بفرط في بكري مجلس اربعه
*والغريبه القرار فيهو قرار اربعه
*كردنه وفطومه وروشا ثم عمده الاربعه
*ايها الناس
*تأهلنا امام عزام بفارق الاهداف
*هدف بكري رجح الكفه
*وتأهلنا امام كابو اسكورب بفارق الاهداف
*هدف بكري رجح الكفه
*هو النجاح ده كيف بس ؟؟؟
*كده قروش تسجيلو كملت
*وقعد لينا ربح ساااااااي
*استثمار كبير
*فعلا رجل اعمال شاطر يا والي
*صفقة بكري صفعة معلم
*يا معلم
*وصفقة الموسم
*يا مؤلم
*ايها الناس
*علي جمال سالم ان يراجع حساباته
*يا اما الاستهتار اصاب الولد ده
*يا اما مدرب الحراس ده كعب
*الزول ده ماكان كده
*الحاصل شنو ؟؟؟؟
*ايها الناس
*استفاد المريخ من التجارب
*ولن يفرط في مباراة دوريه عقب الفوز الافريقي
*خيلاء مافي
*المباراة الدوريه القادمه
*لازم الاولاد يمتعونا عرضا ونتيجة
*ليثبتوا لنا انهم استفادوا من العثرات
*اللفه قربت
*والبغله حاتقيف
*باقي بغلة عبدالخير الوقفه عندها ضروريييييييييييه
*ايها الناس
*علمتني امي وقالت لي
*البرفع يدو علي امو طال الزمن ولا قصر البلي حايخمو
*وقالت لي في مثل بقول الفيك بدربو
*قلت ليها سنكيت بدربو كيف يعني ؟
*قالت لي ماسنكيت , الله بيننا وبين سنكيت
*الفيك بدربو
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الكتاحه بقت حولينا وما علينا
*مشت الامارات والسعوديه يا والينا
*تكون اغتربت وفتحت لينا ؟؟؟؟
سلك كهربا
ننساك كيف وحتي الكتاحه الكانت بتميزنا اتخارجت
والي لقاء
سلك
///////////
