بسم الله الرحمن الرحيم
باهي الطلعة جمالك شرحُ يطول
أوصف لهيجك أم قدك المهزول
شان علينا هواك وطرفك المسلول
كم أمضتنا أثل وأفــــــنتنــــــــا نصول
يا الغرامك عذّب شباب وكهول
أرحم مضناك يا الخلبتا عقـــــــول
ظبي البوادي النافــــر وجفــــــــــــول
كفاك انزواء وكفــــــــانا مثــــــــــــــــــــــول
القمر إن شافك في سمـــــــاه يـــزول
والغزال لو راك أضحى ليك دخول
يا ناعس ومايس ولصرعاك خذول
لو تجود ببسمة وتحــــــقق المـــــــأمــــول
مهما نقــــــــاسي ويعترينا نـــــحــــــــــول
محال نترك غرامك وعن هواك نحول
ساحرنا بدلك وشعرك المــــســـدول
وزرقة لماك الما عرفنا ليها وصـــــول
فريع البان الفـي عــــــلاه يــــــــصول
آسرني حسنك وخديدك المعـــــــسول
قليبي المــــــا عـــــرف الوجـــــــل مـــذلـــــول
زلزلته حــــواشي وأســــــكرته شـــــــمول
مهــــما أقــــــول وأوصـــــــف العــــــطبول
وأجـــــــسد محـــــاســــن ليس ليهـا أفول
عـــاجـز والله يـا من أرهـــقت صـؤول
فـحال محــاسنـــك وطـدنا بيها أصول
الأحد 9/ 8/ 2015
كوالالمبور – ماليزيا
wadeldamazin88@gmail.com
