حكومة العسكر
تسقط بس?
تسقط بس
عشان جُرح
البلد يبرأ
تسقط بس
بِسْم الله
بِسْم الشهدا
ودم الشهدا
الماتوا رصاص
تسقط بس?
عشان احفادنا
وكل الناس
الطلعت هتفت
قالت بس
كفانا خلاص
تسقط بس?
عشان النيل
يفيض بالخير
ويسقينا
ونزرع كل
الشوارع ورد
تسقط بس?
عشان شهدانا
ماتوا فدانا
زينو بي دماهم
شُرفة التأريخ
بسالة وإقتدار
وثبات
فات الحد
وفي الميدان
برغمِ كثافة البمبان
هتف الشعبُ
بالصوتِ المجلجل جد
هتف الشعب
وزلزل صمت
هذا الصمت
حرية سلام وعدالة
والثورة خيار الشعب
الطلقة ما بتكتل
بكتل سكات الزول
والملايينُ تغنت
نشوة النصر
هتافاً وصموداً
كتمت كتمت
عطبرة شرقت
دنقلا مرقت
طلعت بارا
والمزموم
مرقت كسلا
والخرطوم
مدني السني
لهب الثورة
سنجة الباسلة
قضارف الخير
كريمي وكرمة
مروي وكوستي
نيالا الفاشر
شعار ونضال
شندي وكوستي
نيالا الباسلة وسن النار
مرقنا مرقنا
ضد الناس
الكتلو ولدنا
مرقنا مرقنا
ضد الناس
السرقو عرقنا
وتسقط بس?
هتف الشعب
جموع الشعب
جوعت الناس
يا رقاص
سلمية سلمية
ضد الحرامية
وتسقط بس?
شعارنا سلام
هتافنا تمام
سقطت سقطت
يا كيزان
سقطت سقطت
سقطت جد
تعالوا نغني
تعالوا سوا…
تعال يا حاكي
معاك الزاكي
سجلوا لينا
حكاية شعبي
اليوم وزمان…
شعبي مسالِم
سبق العالم
شعبي معلِم
لملم سلّم
وقام عصيان
عصينا عصينا
وشلنا عصينا
نشيدنا الكان
شبابنا الباسل
في يناير
بادر قاوم
ذهل العالم
إنس وجان
وتسقط بس?
شعبنا صمم
ما في رجوع
هتفنا هتفنا
التار والنار
وتسقط بس?
يوم عصيانا
حبابك يابا
قمنا عصينا
وشعبنا ثار
..
اللة معانا
الشعب ورانا
خسئ الظالم
لما الثورة
اندلعت نار
قمنا هتفنا:
ما بنخاف ما بنخاف
اي كوز
ندوسو دوس
اي كوز
ندوسو دوس….
وتسقط وتسقط
تسقط بس?
عبدالاله زمراوي
zomrawy@yahoo.com
