تلفزيون السودان لا يمثلني .. بقلم: محمد الحسن محمد عثمان
3 أغسطس, 2019
محمد الحسن محمد عثمان, منبر الرأي
100 زيارة
مازال تلفزيون السودان فى وادى والشعب السودانى كله فى وادى آخر
عندما انفجرت الثوره وبدأ سقوط الشهداء كان تلفزيون السودانى رقيص وغناء شعبنا يدمع على الشهداء ويواصل ثورته وتلفزيوننا فرح ويغنى فى طرب وينقل لنا خطب البشير ولقاء مع الصافى جعفر وعندما كان شعبنا فى القياده معتصما كان تلفزيون السودان فى الساحه الخضراء مع مسيرة الكيزان
وعندما سقط شهداء فض الاعتصام وبكت امهات الشهداء وحزن الشعب كان تلفزيون جمهورية السودان ينقل لنا لقاء قرى مع حميدتى ويصفق لحميدتى ومع لقاء البرهان فى امبده لعشرات بينما الملايين تملا شوارع العاصمه غاضبه وعندما تضرج اطفالنا فى الابيض بدمائهم وأقيمت سرادق العزاء فى عطبره وسنار ودلقو وكل انحاء السودان كان تلفزيوننا فى سهره غنائيه مع ندى القلعه وبينما الجماهير تهتف سقطت سقطت ياكيزان كان التلفزيون يهتف عائد عائد يابشير وراجل راجل يابشير
وامس عندما خرجت جماهير شعبنا فرحه بالاتفاق مابين المجلس وقوى الحريه وراينا كل المدن السودانيه فى الشارع وساهرت حتى الصباح ونقلت لنا الجزيره مباشر الفرحة على الهواء وشاركتها قنوات عديده عالميه ماعداء تلفزيون السودان فقد كان ليلة الامس نائما من المغرب واطفالنا رايناهم فى الشارع مساهرين يقودون المواكب فى مشهد فريد جدير بالتسجيل
تلفزيون السودان اذا عجز عن مواكبة الثوره فاليمنح اجازه حتى لا يستفزنا اكثر من ذلك نحن نريده ان يعبر عن الثوره فى هذه اللحظات التاريخيه ويغنى لنا اغانى الثوره نريد ان نسمع مصطفى سيد احمد وعركى ووردى الصغير الممنوعين حتى الان وبعد الثوره من الظهور فى التلفزيون نريد ان نسمع وردى فى حمد الله الف على السلامه وبلاء وانجلاء ومحمد الامين اكتوبر ٢١ وعركى الرائع فى يوم كامل فنحن عطشى لاغانيه ونحن مشتاقون لحبيبنا مصطفى سيد احمد
الذى منعنا حتى من تشييعه واذا عجز تلفزيون السودان عن مواكبة الثوره فاليمنح اجازه مفتوحه حتى تدخل الثوره التلفزيون وتطرد الكيزان
Omdurman13@msn.com
سودانايل أول صحيفة سودانية رقمية تصدر من الخرطوم
