جمهورية السودان الايراديه .. بقلم: بابكر سلك

جمهورية السودان الايراديه .. بقلم: بابكر سلك

أخبار أخرى

بسم الله الرحمن الرحيم

في السلك

b_silik@hotmail.com

*نحنا ناس متفردين في اي شئ

*لو مسكنا في شئ يفكنا الله تاني

*زول يقد صالونو علي الشارع ويفتحوا بقاله

*البلد كلها تتقدد

*زول يجيب هايس

*البلد كلها تهيص

*واحد يحلق نيمار

*العندهم صلع يحلفوا الا يحلقوا نيمار

*اي شئ يجينا نلصق فيهو لصقة قراده

*البقعد في وظيفه

*تاني الموت مابفكوا منها

*لو الغوا الوظيفه مابفوت

*ويجيك خالك يقول ليك قوم لي من الكرسي بتاعي

*ويكون غيرو في نفس الحته في مليون كرسي

*بس الولف عليهو ده

*وسريري وسريرك دي مشكلة يوماتي

*حتي الزول البشاركك سريرك

*بشاركك بدون ما يشاركك في التمن

*وبعد ده يقول ليك مابعرف انوم بالجهه ديك

*يعزل محل الكندشه ضاربه تقول دافع كهربتها

*ومحل المروحه لافه تقول اشتراها هو

*ويتعلل ليك بانو بقوم بالليل كتير عشان شنو وعشان شنو

*وداير يكون طرف

*كلهن كده

*ده ماموضوعنا

*موضوعنا اننا كان مسكنا في شئ

*الا الرحمن الرحيم يفكنا منو حتي نتفكه

*وربك رب الخير جاب لينا كلمة ايرادات

*ومسكنا فيها

*سيد الركشه كلامو كلو الايراد

*وسيد الكريز والهايس

*ناس البنوك

*في البيوت

*الابن البورد كويس هو الكل في الكل

*وباقي الابناء لو اتذكر ابوهم اساميهم يكون صدفه

*كلو شئ بتحددوا الايرادات

*واحد في امريكا رسل مع واحد صاحبو جواب في ظرف لي اخوهو القاعد في السودان

*الراجل مشي البيت واحترموهوا شديد

*بالذات انو جاي من امريكا وشايل ظرف كبير

*في ختام الزيارة سلم الظرف لي المرسل اليه

*وقال ليهو ده من اخوك معاويه

*باللهفه وليد اخو معاويه فتح الظرف بسرعه

*لقاهو سته ورقات يبكي فيها معاوية وحشة البعد عن رفيق دربه وليد

*وليد قلب الورق بي سرعه

*لقاهو نقه سااااي

*مافيهو ايرادات

*طبق الورق ودخلو في الظرف

*قال للضيف انت راجع متين ؟؟

*قال ليهو الاسبوع الجاي

*قال ليهو امسك الجواب ده رجعوا لي معاويه

*قول ليهو وليد قال ليك ماداير يقرأ

*داير يعد

*الايرادات بقت هي المعبر الوحيد للناس

*المهم

*دولتنا سمعت بالايرادات وكنكشت فيها

*اي موظف ادوهو دفتر ايصالات وتبعوهو عسكري

*يلقاك بدفعك بدفعك

*وناس المرور واقفين طابور

*تلف تدور تدفع بتدفع

*ايرادات ياعمك

*الدوله كلها لافه تجمع ايرادات للدوله

*يعملوا ليك ايرادات جديده

*في شكل دمغه

*يسموها ليك دمغة دعم الوطن

*بعد شهر يعملوا دمغه جديده تاني

*يسموها دمغة دعم دمغة دعم الوطن القبييييل ديك

*بعد شهر تطلع دمغة جديده

*اي اسم سريع كده

*وما تستبعد يوم يعملوا دمغه اسمها دمغة استنكاح الوطن

*تمشي الانتخابات ماتستبعد يدفعوك دمغة انتخاب

*ماتمشي يقوموا يقطعوك ايصال غياب من الانتخاب

*واحتمال يحجزوك في الحوش

*الا ترخص حتي يفكوك

*طبعا عشان ترخص تدفع مليون وميه

*اللمهم