يا سودان
ده يوم تلتين
ده ما يوم الخبوب والطين
ده ما اليوم السرق فرحة بلدنا سنين
ورغم الهم..ورغم الغم
برضنا نحن راح نحلم ..وما يائسين
وبس صابرين ومتفائلين
ولى حبل الصبر مادين
بنحلم مالنا ما نحلم
يعود لينا الزمان الكان
وسودانا العظيم الكان
ويا ما كان
سلام وامان
واهلو حنان
وطن العز
مرفوع راس ..يهز ويرز
خير ووساع
متل ما وصفو اسماعين
وليد خالتنا حد الزين
وزي ما كان بفاخرو بيهو اولادو
من ادبا ومن شعرا وفنانين
ويا الكيزان
وكتين الفجر ما يبين
طيورنا الهاجرت ترجع
وللشارع مواكبنا بتهيج تطلع
بنتفو ريش بني كوزن
وما يفضل فرد شيطان
ويرجع لينا سودانا العظيم الكان
