سودانايل أول صحيفة سودانية رقمية تصدر من الخرطوم
أخبار أخرى
من سلطة معطوبة
ما بتثني عزم الناس
لو عزا مطلوبا
في دولة الرصاص
كم خيمة منصوبة
حرس الرئيس الخاص
متغطي بي توبا
ولدا رضي و وناس
شايلنو لي حوبة
في ليلك اب كباس
شاهد خراب سوبا
شاهد وطن بنداس
عينيهو معصوبة
في يوم شديد الباس
والدنيا مقلوبة
مجبور رمي الكراس
دنقر رفع طوبة
شاف لحية القناص
بي دمو مخضوبة
تمتم قرى الاخلاص
كتب الخلاص بالدم
طلع القمر بوبا
أزهري محمد علي
