بسم الله الرحمن الرحيم
في السلك
*مكابر من ينكر ما قدمه جمال
*فالشمس تشهد والجمال
*واهم من ينتظر عودة جمال
*فالامر واقع لا خيال
*فاهم من يحترم رغبة جمال
*فالعقل دائما في تقدير الرجال
*ايها الناس
*قد تكون لجمال ظروف اشد منه تجبره علي الرحيل
*نختلف معه في توقيت الرحيل
*برغم انه لا يري ان مناسبة التوقيت مهمه
*الموت فقط هو ما لا نملك السلطه في توقيته
*انه الاجل
*ولكن غيره من القرارات بيدنا توقيتها
*وبرغم كل ذلك انجازات الرجل تشفع له
*وتجبرنا علي احترام رغبته
*ولكن
*هل نقف لنبكي ايام جمال وننتحب ؟؟؟؟
*هل تتوقف الحياة حتي ننتهي من نصب سرادق العزاء ؟؟؟
*هل نضيع بطولة جويه جديده هي الاقرب الينا ونحن الاقرب لها هذا الموسم ؟؟؟؟
*برغم اننا كنا نريدها في عهد جمال
*لتكون تكريما له
*ايها الناس
*البقت بقت
*وان لم يستطع شعب المريخ دعم معشوقه في هذا الوقت الحرج
*و اذا ركنا للاحزان نبكي ونلطم الخدود ونشق الجيوب ونتدردق في واطات الله دي
*يبقي طلقانه بت فرح
*حرمانه سيده فرح علي المريخ
*نحنا اولادك يا سيده
*وعين الشمس بنسدها
*وتدور عجلة الحياه
*ويمضي المريخ ثابتا بسهوله
*كما تمضي السكين في البطيخ
*حبه ما بتعتر ليها
*فقط
*نجدد الثقه في انفسنا
*وندخل ايدينا في جيوبنا
*جمال اراح تلك الايادي تلطاشر سنه
*يبقي مفروض تكون مرتاحه ونشيطه في هذه المرحله
*تدخل الجيب بسرعه
*تدعم المريخ بسرعه
*قرش منك وقرش مني
*ومريخنا يمضي للامام
*ايها الناس
*السنه دي شامي لي ريحة مطار
*ولو وقفنا وقفة رجل واحد
*ستتحقق (الشمه )
*ونلتقي بالمطار
*عندها
*سنذكر جمال
*ونكرمه بالكاس الجديده
*لانه يستحق التكريم منا
*وعشان يحصل ده كلو
*2870 مخرجنا وما يوصلنا لطموحاتنا
*بالذات بعد اشراك مريخاب الخارج
*عن طريق الحساب البنكي بالعمله الصعبه
*واشراك مريخاب الداخل (المغندلين شديد)
*عن طريق الحساب البنكي بالعمله المحليه
*ومريخاب امريكا بدوا
*بجهزوا روحهم لتحويل الدولار
*والاخ ابراهيم الشيخ من شيكاغو يقوم بالواجب
*ايها الناس
*مريخنا ينادينا
*لبيك يا مريخ
*عبارة لن نقول غيرها
*لبيك يا صانع التاريخ
*عبارة نتشرف حين نقولها
*لبيك يا مصنع الرجال يا مربي الاجيال منذ الصفقه ساي لي عهد الشماريخ
*لبيك يا تاريخ
*ومن غيرنا اعطي لهذا الشعب معني ان يعيش وينتصر
*مرجوعه في مسماك يا بت فرح
*الزيك انتي اصلو قلبو يوم لا بنجرح ولا انجرح
*ايها الناس
*2870
*اسي دي
*المهم
*نقابل اليوم الانيق بكسلا الانيقه
*الانتصار زاد عبور الترجي
*يجب ان يكون
*المعنويات مهمه في عهد الاستقالات المحبطه
*ولكن نصنع معنوياتنا بانفسنا
*ننتصر لها ولنا
*ونفتح صفحة موقعة راداس
*المهم
*اهلي الخرطوم دحين ما اتغلب بي حسن محجوب ؟؟؟؟؟
*الشاشه كلها اوف سايد
*لكن الحكم اظنو كان بعاين هناك ما شاف هذا السايد
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*ابدا ماهنت يا سوداننا يوما علينا
*بالذي اصبح شمسا في يدينا
*وغناءا عاطر تعدو به الريح فتختال الهويني
*يا بلادي
*من كل قلب يا بلادي
*اصبح الصبح ولا السجن ولا السجان باق
*اصبح الصبح يا والينا
*الزول العلمنا الكلام ده اصبحنا ما لقينا
*رحل الفيتوري شاعر افريقيا والعرب
*رحل ابن شعب افريقيا والعرب
*رحل قبل المغرب بالمغرب يا والينا
*احر التعازي لينا
*وشكرا المغرب التي اقامت جنازه رسميه للفقيد يا والينا
*الذي رحل مرددا
*ابدا ماهنت يا سوداننا يوما علينا
سلك كهربا
ننساك كيف والطلاب من الاساس للجامعه ما بعرفوا الفيتوري ,,, العيب فيهم ولا فينا ولا في بخت الرضا يا والينا
والي لقاء
سلك
b_silik@hotmail.com
