سودانايل أول صحيفة سودانية رقمية تصدر من الخرطوم
أخبار أخرى
البلد لسع ما شدت حيلا
سمعنا في الأخبار
بعودة الأرزقي
الفاسد أيلا
لجنة إزالة التمكين
شمعة الثورة
يا حليلا
شالت الشيلة
وشهرت سيف الحق
في وجه الباطل
فتوارت عناكب الفساد
بعضها خلف الأنظار
وبعضها خلف النوى
بس في هجعة الليل
وقع الإنقلاب
وإتسع الظلام
عمى الخرطوم
ومدن كثيرة
فعاد الأرزقي أيلا..!
يحلم بالسراب
وعودة أيام الخراب
لكن بكرة يا أزرقية
أم أحمد تدق المحلب
وينهزم المقلب
ونوقد شموع الفرح
في الملعب
ونسأل شليلنا
وين راح .. يا تمساح ..؟
ونُشهر من جديد
سيوف الحق
في وجه الباطل
والعقل العاطل
عشان الوطن يرتاح
والأفراح تنداح
يغنيها الشعب الثائر
والشمس تزف أمانيها
تصير منارات
وسنابل
تلامس
أعصاب الجرح الغائر
يا ثوار
يا أحرار
نحن عصينا
ومنو على الثورة
بوصينا ..؟
نحن حلفنا
نشيل الشيلة
نكمل المشوار
ونحرر القصر المحاصر
بالأشرار
نهدم معبد الطغيان
فوق رؤوس الأرزقية
في إكتوبر الأخضر
ونفرح بثمار ثورتنا
وجمال وحدتنا
وعزة بلدنا وخيرا
الطيب الزين
٢٠٢٢/٠٩/٢
Eltayeb_Hamdan@hotmail.com
////////////////////////
