في سنار انكسر مسمار .. بقلم: بابكر سلك
10 نوفمبر, 2014
منشورات غير مصنفة
32 زيارة
بسم الله الرحمن الرحيم
في السلك
*المهم
*والمهم جدا ان نكمل التسجيلات بفهم
*والفهم يعني ان نحدد (مفروض من بدري ) نواقصنا واحتياجاتنا
*وحتي الاجانب الفي الصورة يجب ان تكون هناك خيارات واسعه منهم
*فمثلا اذا كانت حوجتنا طرف يمين
*يبقي مفروض نكون حددنا فنيا تلاتة منهم
*كي نفاضل بينهم
*ونختار افضلهم
*من ناحية الاداء والانضباط والتكلفه والاخلاق
*واذا فشل الاتفاق كمعه
*يكون البديل جاهز
*داير بس مفاوضه
*فطريقة الهلال في التسجيلات طريقه عقيمه
*زي الزول الداير يضبح جداده
*يدخل القفص يقفلو وراهو
*والبقبضها يقبضها
*تطلع كبيره
*تطلع صغيره فروجه ساي
*تطلع ديك تتطلع جداده
*يقبضها ويجي مارق بيها
*سعرانه
*عندها سمير
*ما بتبيض
*علاعيلا واقعات
*مهيمه مقرده
*المهم يشيلها ويضبحها وتفسد عليهو الطبخه
*التسجيلات يجب ان تكون نوعيه وليست كميه
*فحشد اللاعبين لا يعني النجاح في التسجيلات
*تسجيلات في مستوي جمال سالم وايمن المصري مكسب
*لكن لقيط زي سيدي بيه وود\ الحله وماشابه
*دي تبقي زي الزول البشتري هدوم العيد من اقرب طبليه
*يقول ليك اشتريت لي اربعه غيارات للعيد
*لكن لم يهتم بالجوده
*وجارو يشتري لبسه واحده
*بعد شهرين الاربعه لبسات تتنسل وتبهت وتتمطمط وتتشخبط
*وبعد سنه تلقي اللبسه الماركه في جدتها
*دايرين لاعبين ماركة
*خالي مسامير
*عشان يبقي الكشف خالي مواسير
*فالخالي من المسامير خالي من المواسير
*المهم
*فطومه اختي
*او عجوبه الخربت السوبا
*بما انها الناطق الرسمي لجمهورية سوبا
*ما ورتنا بعد رحيل العقرب والغزال منو البقلب الهوبه في سوبا
*طبليتكم ام مسامير دي لو قلبت هوبا
*بتتشتت
*الا تلقطوها من الواطه دي مسمار ينطح مسمار
*وفي سنار انكسر مسمار
*دحين ديم المدينه ده موش في سنار !!!!!
*ايها الناس
*من حقنا ان نسجل اي لاعب من اي فريق
*طالما مستوي اللاعب ده ارتفع لمستوانا
*اي نادي في البلد دي يفرخ لينا وبس
*لاننا متفردين وسطهم جميعا
*ومن من اللاعبين لا يحلم بالمطار ؟؟؟؟
*اللاعبون ملوا الوقفه مع امجاد جمب جاد
*لذا ولذلك
*علي كل لاعبي السودان ان يشتغلوا صاح
*ويطوروا انفسهم
*تمهيدا لضمهم لكشوفاتنا
*ولكل مجتهد نصيب
*يلا يا اطهر شد حيلك
*كان جيت الاول بشتري ليك عجله
*محمد عبدالرحمن شكلو كده زي ما تقول مربت
*ما قدر اولاد الفصل
*حانشوف القصة دي
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*التسجيل قالوا يحتمل يمدوهوا لينا
*لي شنو يا والينا
*في زول بعرف اكتر من الحكومه يا والينا ؟؟؟
*خلاص سجلوا لينا واكتبوا لينا واشطبوا لينا
*بس حنوا علينا
*القروش في الانتخابات ما تكملوها علينا
*اصرفوها في شيتا يرجع لينا
*ان شاء الله في مقابر بي احترام تلمنا واهالينا
سلك كهربا
ننساك كيف ومافي داعي للبحصل ده كلو
والي لقاء
سلك
b_silik@hotmail.com
سودانايل أول صحيفة سودانية رقمية تصدر من الخرطوم
