مابين القبول والإجابة عقرب .. بقلم: بابكر سلك
21 يناير, 2015
منشورات غير مصنفة
38 زيارة
بسم الله الرحمن الرحيم
في السلك
*الاهله بكري مزعلهم شديد
*كلما يجيب ليهو قون
*يخرجوا علينا بالشكوي
*بالامس قالوا كردنه اودع الشكوي بواسطه المحامي السويسري
*ودفع الرسوم
*والشكوي قبلت
*طبعا فرق كبير بين قبول الشكوي شكلا
*واجابتها موضوعا
*اسي لو مشينا محكمة التحكيم الرياضيه
*وقدمنا ليها شكوي
*قلنا ليها كمال عبدالوهاب مقلبنا
*اعتزل قبل يكلمنا
*وكان في زمن متبقي من عقدو معانا
*اكيد المحكمه بتقبل شكوانا شكلا
*وبتدفعنا الرسوم
*رزق علي المجانين
*وتشطب الشكوي
*وتقفل الباب
*لان القبول مسأله تختلف عن الوزن
*والقبول الشكلي لا يعني الاجابه موضوعا
*ومابين القبول والاجابه عقرب
*ضنبها قدر ده
المهم
*قون المدينه بتاع البحر الاحمر
*جنن الجن الازرق شديد
*امال قونو بتاع الاستقلال
*حايعمل شنو ؟؟؟
*حايطعن المستعمر كلارك في قبرو ؟؟؟
*حقو الاهله يشوفوا ليهم شكوي تانيه غير موضوع بكري
*تجري ورا بكري لما تقع علي قدومك
*المهم
*الناس البولوا امرهم امرأه بحصل ليهم شنو ؟؟؟
*تتذكروا عجوبه وقصة سوبا ؟؟؟
*الجنه وسقطها المرقنا منها منو ؟؟؟
*غاندي عمرو كلو شايل غنمايتو لافي الهند
*جمعها وادبها ووعاها
*انديرا بتو قدرت تحافظ علي الفت برغم المكانه التي ورثتها عنو ؟؟؟
*ولوا زي ما دايرين لمن تولوا
* عندنا المدينه جاري
*وقلوب الحساد جاري الشحن
*المهم
*كورة كمبالا كانت جميله
*لكن التصوير والنقل حيرونا
*الشاشه مليانه شعارات
*زي صدر اللواء
*كلو نيشانات
*بقينا نفتش الكوره بين الشعارات
*شاشه فيها سته شعارات
*والهلال شعار ما عندو
*حقو يا فطومه يا اختي
*تمشوا قناة البحر الاحمر تديكم شعار
*المهم
*زمان كلو كبوه معاها تصريح
*المحكمه تعيد الشعار
*ويطلع الخبر فشنك
*اشي قنعوا من الشعار
*بقت اي كبوه بعدها تصريح
*شكوي المدينه
*لكن صد\قوني حاترجعوا لي قصة الشعار تاني
*واتصبري
*ايها الناس
*خير للاهله ان يتحدثوا عن الارض المحتله
*يتحدثوا عن ناديهم البناديهم وعاملين ما سامعين
*يتحدثوا عن الذين يحتلون النادي
*قربوا يقيموا مستوطنات في النادي
*والمجلس لا يستطيع ان يدخل النادي
*الموضوع ده افيد من موضوع المدينه
*هو الورق الوقع عليهو بكري المدينه مع كردنه
*-الترويسه شعارها شنو ؟
*هلال ؟
*يبقي سيد الشعار ما راضي شن دخل لوزان والقاضي
*المهم
*يوم اربعه وعشرين بنقابلهم
*يوم خمسه وعشرين بكونوا دايشين
*يوم سته وعشرين تاني بشتكوا بكري
*المره دي بقولوا جاب فينا قون كمان يا لوزان
*المهم
*عواجيز الامارات قال ليك فيهم ناس دخلوا انعاش من اليوم داك
*الدكتور قال لي واحد فيهم انت الوداك تجري شنو ياحاج
*الجري ده ليك سبعطاشر سنه خليتو
*ياخ انت لو دموعك جرت نفسك بقوم
*الوداك تجري شنو بس ياحاج
*ايها الناس
*يوم الاحتفال بالاستقلال حاتشوفوا بي عيونكم
*كضبة الفجيره حاتبقي اشهر من كذبة ابريل
*ايها الناس
*الدور والباقي علي الجماهير الشفته
*ومن راهن علي الشفوت بالطبع لن يخسر الرهان
*والكورة في ملعب الشفوت
*المهم
*الروب ما بحلكم من شندي
*حقو تشتكوا القرعه في لوزان برضو
*قولوا ليهم القرعه قاصدانا
*عارفانا ما مستعدين
*ودتنا بيت النمر بي كرعينا
*لكن اديكم فكره
*وانتوا ماشين علي شندي
*اعملوا ليكم حادث صوري
*طرشقوا ليكم لستك
*وانزلوا من البص اتدردقوا في الخلا داك
*وقولوا مابنقدر نجر ايد ولا كراع
*عشان يأجلوها ليكم
*اخير من تزوغوا ساي
*اصلكم متعودين علي الزوغان
*ناس الجزائر لي اسي راجنكم
*المهم
*الرائعه داليا الياس كتبت مقال جميل عن الرجوله
*وفرقت بينها وبين الفحوله
*المقال عجبني شديد
*بعد اذنها حا ارجع ليهو
*لانو رائع روعة كاتبته
*اها
*اوكرا كيف ؟؟؟؟؟
*المامقنع يجينا يوم احتفال الاستقلال
*عشان يآمن
*ايها الناس
*بعد لوزان امشوا مجلس الامن
*واغشوا معاكم الجنائيه الدوليه
*وما انسوا محكمة الطفل
*ادوها غشوة
*والشرعيه مهمه برضو
*بعد تقنعوا احسبوا العده
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*كلمات سلامنا الجمهوري دايره وقفه مننا
*لانو الوطن هو البهمنا
*وطالما الوطن لسه حقنا
*حقو تسمعوا مره مننا
سلك كهربا
ننساك كيف والمجد لا يشتري ولكنه يبني
والي لقاء
سلك
b_silik@hotmail.com
سودانايل أول صحيفة سودانية رقمية تصدر من الخرطوم
