ملكة جانسي ومؤخر الصداق .. بقلم: بابكر سلك


بسم الله الرحمن الرحيم
في السلك

*ايها الناس
*شعري يقوم بعد الحاله دي
*والفو بالرول
*ابقي خنفس ادس الخلال في شعري
*واودع دنيا الصلوعيه وارحل من فريق الصلوعاب
*ماداير اقول احلق شنبي
*لانو الشئ الوحيد البثبت اني من فصيلة الصوفاب
*دليل غيرو ماعندي
*المهم
*ده كلو ممكن يحصل
*لو تراوري انضبط
*وسخر امكاناته الهائله من اجل المجموعه
*تراوري لاعب اناني ومتكبر ويلعب لنفسه
*وكلنا يذكر كيف يضيع الفرص
*ليضع كفيه علي وجهه
*زي ملكة جانسي
*تراوري لاعب غير منضبط
*وفي كل الفرق التي لعب لها اثبت ذلك
*ولانه غير منضبط فانه لن ينضبط
*ولعل مجلس المريخ قبل ولا اقول فبرك قصة المؤتمر الحفي دي
*لان الاستغناء عن ملكة جانسي يتطلب سداد اموال طائله
*ودي واحده من عيوب التعاقد لفترات طويله باموال طائله
*بتخلي النادي مجبر علي تحمل عدم الانضباط
*وبتغري اللاعب ليقل ادبو علي النادي
*طمعا في قبض مؤخر الصداق
*لكن توبه
*تاني تعاقد لفترة طويله توبه والف توبه
*ايها الناس
*لااعتقد ان مسرحية اعتذار ملكة جانسي
*ستنطلي علي غرزه
*اول او تاني تمرين
*ترجع ملكة جانسي لعادتها القديمه
*ويعود غرزه لقراره القديم
*غايتو خانه نتطلب فيها رب العباد
*لكن الزول ده انا رميت طوبتو زماااااااااااان
*وعلي المجلس ان يتحين له اي خطأ
*ليحمله وزره
*ويخصم من مستحقاته
*ادبه كده ليهو
*وعقوبة تفش المغصه
*المهم
*كوفي لاعب كبير
*بصمته في الوصول لدور المجموعات لاتخفي علي زول
*بالذات غارزيتو
*والابقاء علي كوفي هو عين العقل
*والرأي عندي ان يقوم المجلس باي صورة بتجنيس ابو الكا
*وعلي رئاسة الجمهوريه ان تقبل
*للمصلحه العامه
*ولان غيرنا عندو معسكر لاجئين
*وان شاء الله ناس معسكر اللاجئين يكونوا محتاجين تجنيس اضافي
*في الحاله دي بنضمن جنسية كوفي
*ايها الناس
*الرديف يحتضر
*الاشبال تحتضر
*والمجلس لايحرك ساكنا
*لان ملف الشباب ديل الريس ماهبشو
*حيرتونا قبل تحيروا الريس زاتو
*وتاني كدي اشوف شعارات الاهتمام بالرديف والاشبال في برنامجكم الانتخابي
*انكم تقتلون الشتول في بستانها يا ساده
*المهم
*هل اعارة عنكبه تصرف سليم ؟؟؟؟؟
*حتي ولو كنا نحتاج للخانه في حالة تجنيس كوفي
*هل عنكبه هو الانسب للاعاره ؟؟؟؟
*الحته دي فيها استفهام كبييييييير
*ايها الناس
*ليه يتعمل الكشف الطبي تلاته مرات ؟؟؟؟
*زي قصة الزول المتردد يمشي ولا ما يمشي
*لكن بينو وبين نفسو يكون داير يمشي
*يقوم يقول اجدع الجنيه الحديد ده
*لو وقع (طره ) امشي
*ولو وقع كتابه ما امشي
*يقوم يجدعو
*يقع كتابه
*يقول نجدعو تاني
*تاني يقع كتابه
*يقول نجرب تاني
*يخت الطره بي فوق ويرنو
*تاني يقع كتابه
*يقول آخر مره
*يقع طره
*يشيل جنيهو ويتنفض ويقوم يمشي
*ده البحصل لينا في الكشف الطبي
*الرنين زاتو زهج
*قرر لو الزول كلو مكسر
*برضو يقول (طره )
*داير يتخارج بس
*لكن بيني وبينكم
*اصرار غارزيتو بكون سببو
*الضعف في التعامل مع الكرات العاليه عند قلب دفاعنا
*ودي حته مهمه جدا في المجموعات
*بالذات والكرة الجزائريه تعتمد علي العكسيات كثيرا
*لكن صدقوني
*شامي لي ريحة مطار
*ايها الناس
*للمريخ شباب يهم به كثيرا
*المريخ وطن
*وليس بغريب علي الشباب ان يحمل هم الوطن
*مريخاب سنار عملوا عمل جميل
*فكروا في توحيد الهتاف والتشجيع
*قاموا بتأليف نشيد جميل ورائع
*ووضعوا له الالحان
*وسجلوهوا في الاستوديو
*قريبا سنسمعه
*انها ابداعات الشفوت
*ولسه
*تحيه كبيره لمريخاب سنار
*ايها الناس
*ترتوري زي المنبه العطلان
*ما بنضبط اصلو
*واذا اعتمدنا عليهو
*نصحي نلقي الزمن فاتنا وروح
*المهم
*شامي لي ريحة مطار
*يا محمد عبدالماجد
*ريحة طير طير كيف
*باقي مابنعرفها يا فرده
*اصليه ولا تركيب !!!!!
*عطرنا وااااااحد بس البنعرفوا
* ريحة مطار مطار
*مابتتوصف
*لو بتتوصف كنت وصفتها ليك يا محمد عبدالماجد
*المهم
*بوتاكو مشي براهو ولا المره الجابتو ديك جات استلمتو ؟؟؟
*الزول ده بروح
*اخير تسلموهوا لي امو يا فطومه زي ما سلمتكم ليهو
*قلتي لي بوتاكو يمتع في الفجيره ؟؟؟؟
*كان لاعب اتاري في الفجيره  يا اختي ولا شنو ؟؟؟
*ايها الناس
*قدورة المجنون
*قدورة المجنون بحب المريخ
*لان المريخ بخلي الالمجنون يهبش والعاقل يطقع
*كان قدورة مجنونا بحب المريخ
*قدوره ليييييييييييييييييييييييييه التي يرطب بها المدرجات
*كان اول الامس عريسا انيقا جميلا
*الف مبروك قدورة وبيت مال وعيال
*ودايرين لينا طرف شمال يا قدوره
*يلا شد حيلك
*ايها الناس
*ان تنصروا الله ينصركم
*اها
*نجي لي شمارات والي الخرتوم
*واحد براجع مع بتو
*قال ليها اكتبي قسطنطينيه
*البت تعوس ساعتين يا والينا
*كتبت سته طاءات واربعه سينات وتمتها طين لينا
*الابو استغرب يا والينا
*وقال لي بتو بعملوا ليكم  شنو في المدرسه يا دينا ؟؟؟؟
*قالت ليهو كلو يوم جيبو قروش جيبو قروش بقولوا لينا
سلك كهربا
ننساك كيف والطالب في تالته ثانوي مابعرف اليم ولا الجب وقايل النهر اسمو نيل
والي لقاء
سلك

b_silik@hotmail.com


أعجبك المقال؟ شارك الموضوع مع أصدقائك!

0 تعليقات