بسم الله الرحمن الرحيم
في السلك
b_silik@hotmail.com
*اليوم يومنا
*نكون او نكون
*لاخيار آخر
*نكون فقط
*لاننا نريد ان نكون
*وليس بمستحيل ان نكون
*لاننا كنا قبل ذلك فلاغرابة ان نكون
*كنا حينما اقصينا الافريقي التونسي واتينا بمانديلا
*فماذا يمنعنا من ان نكون ونقصي الترجي لنعود بجويه جديده !!!
*نكون او نكون
*هو الشعار اليوم
*نكون لاننا كبار ونؤمن باننا كبار وتاريخنا يثبت اننا كبار
*ليس بوبار في بيت الايجار
* بل بي حقنا وبي جوياتنا
*بل شديد
*ولا اظن ان التاريخ قد نسي ذلك
*مهما تناسي الاخرون
*ايها الناس
*ان كان البعض قد عود الترجي علي الترجل عن صهوة التنافس امامه
*فنحن اليوم نريد ان نجبر الترجي علي الترجل
*دق الكفر دق الكفر يا مريخ يا خطر
*الترجي فريق كبير وعريق ومنظم
*ولكن لا نهابه
*نعمل له الف حساب لنقصيه
*ولن نستهتر به
*حتي نصفيه
*ووقتها يحق لنا ان نحتفل
*ضبيحه قدر ده بتحتاج احنتفالات
*احتراما للضحيه
*اها الناس
*المريخ يحتاج ثقتكم فيه ودعواتكم له
*وبعد ذلك اتركوا الامر للمحاربين
*قطعا سينتصرون
*سينتصرون لنا ولهم ولتاريخنا
*للكيان
*فقط نثق في انفسنا
*ونسد دي بي طينه
*ودي بي عجينه
*حتي لا يدخل كلام المرجفين والحاقدين والذين يشعرون بدونيه امام ماهو اجنبي
*المهم
*لا نستعجل النصر
*ولا نجري خلف الهدف
*خلوا الجري لي بكري
*وجريه واحده مركزه من بكري
*ستعلن توجه الترجي للكونفدراليه
*يشوف كونفدرالتو وين
*ويعرف حاجه
*المهم
*كورة ناس محمد عبدالماجد بتبدأ الساعه تمنيه
*ونحنا كورتنا بتنتهي تمنيه
*كنا دايرين نقيف معاكم يا محمد عبدالماجد
*لكن اعذرونا
*عندنا حفله بتبدأ الساعه تمنيه ان شاء الله
*وكان ماعندكم حفله يا محمد عبدالماجد
*تعالوا حفلتنا عازمنكم
*عندنا تصريح يا حماده
*اوفر نايت
*ايها الناس
*البقت بقت
*الترجي امامنا
*والكونفدراليه خلفنا
*بالتأكيد نختار الترجي ونبارزه في بطولة ورجوله
*نفوز عليه
*لان الفوز علي الاقوياء شرف كبير
*اما استعراض العضلات امام الضعفاء
*فهذا لا اسم له غير حقاره ساي
*ونحنا ابطال
*بس ماحقارين
*الخفاف ديل بي هبشه بنبعدهم عن دربنا
*ونحب مقارعة الاقوياء
*لانهم كبار مثلنا
*اقوياء بي حقهم
*بي بطولاتهم
*ما بي السنتهم فقط
*ايها الناس
*ندعوا الله بقلوب ثابته
*وننتصر باذنه تعالي
*ثم نفرح
*من حقنا ان نفرح
*نفرح لاننا انتصرنا علي قوي وكبير
*معروف ومشهور وصاحب تاريخ
*حارس سانغا اسمو منو يا محمد عبدالماجد !!!
*طيب رئيس سانغا اسمو منو ؟؟؟
*طيب رئيس الكنغو الفيها سانغا اسمو منو ؟؟؟
*لانو كنغو سانغا بتختلف عن كنغو مازيمبي وفيتا
*انفصلن يا عمك عن بعضهن
*يعني زي ماتقول كده
*سودان كتور بختلف عن سودان المريخ وسودان اهلي شندي سياسيا ورياضيا
*اللهم انصرنا لتسكت الذين يحقدون من باب ينتقدون
*اللهم وبلغنا مجموعات نستحقها يا رب العالمين
*اللهم بكري المدينه
*قونو عندنا بالمجموعتين يا رب العالمين
*قون كده يجري بالكوره من النص
*بكري يجري والتوانسه جاريين وراهو
*بكري يجري وفي سودانيين جاريين وراهو
*بكري يجري وفي بعض السودانيين جاريين منو
*ويدخلها قون
*يدخلها في زمن صعب
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*قصة الجقور دي بقت قصة محيره لينا
*لو جيتنا في البيت يا والينا
*وشفته الجقور تتقدل سمينه وامينه
*تحلف تقول امينه الجقر و الجقر امينه
*ولو شفتنا نتجرجر ضعاف لاطحنيه ولا طحينه
*تحلف تقول الجقر سيد البيت
*ونحنا الفيران يا والينا
سلك كهربا
ننساك كيف والجقر كان سرحت ليهو يمين يشيل شنطتو ويمشي المدرسه , بس الخوف وهو راجع من المدرسه ياكل ليهو كبري
والي لقاء
سلك
