أشهـر تيـس سودانـي !! .. فيصل الدابي/المحامي
شاهد الخواجات في التلفزيون يتسلقون الجبال ، فقرر الزول تسلق جبل كسلا بعد أن همس لنفسه: هم رجال ونحن رجال ومافيش حد أحسن من حد!!!
غادر الزول منزلهم في الصباح، وصل للجبل وبدأ رحلة التسلق الشاق، بعد ساعات من التسلق المرهق وصل لصخرة شديدة الارتفاع محاطة بسطوح ملساء وعندها توقف الزول عن التسلق بعد اقتناعه بأن أي مخلوق لن يستطيع التقدم شبراً واحداً باتجاه القمة الشاهقة دون أن يتعرض لخطر السقوط المؤكد والموت الحتمي!!!!
نظر الزول إلى الأسفل ، رأى الناس وكأنهم نمل فشعر بالفخرالشديد، فجأة، سمع خشخشة مريبة ، رفع الزول رأسه ونظر إلى الأعلى، رأى تيس يقف فوق صخرة ملساء شديدة الانحدار ويأكل من أعشاب الجبل بهدوء! شعرالزول بالتواضع الشديد عندما أدرك أن التيس هو أفضل متسلق جبال !!!!!
ثم راح الزول يهبط إلى السفح وهويردد: اللهم أفرغ علينا التواضع وأجعلنا أوضع المتواضعين، آمين يا رب العالمين.
فيصل الدابي/المحامي
تفضلوا بزيارة موقع فيصل الدابي
www.farfashaonline.com
آخر نكتة ــ رقصة الرقبة !! .. بقلم: فيصل الدابي/المحامي
معارض سياسي جعلي قبضوه ناس الأمن ....
ضابط الأمن قال ليه: انت مذنب وانحنا حانعاقبك
الضابط كورك: يا النور يا النور ...النور جا خاشي
الضابط قال ليهو : سوق الجعلي دا خليهو يرقص رقبة !!
الجعلى قعد يكورك : انا ارقص رقبة ؟!!!... هييييع ... انا الشافو خلو !!!! ... قال ارقص رقبة قال !!! ... افو افو افو !!!!... انا الاسد النتر !!!! ... انا اخو البنات !!! ... انا عشا البايتات !!!!... انا الباكل النار حييية !!!!....انا ارقص رقبة .!!!! ... وانا وانا !!!!!!!!!
الضابط ما اشتغل بيهو كتير وقال للنور : يا النور سوق معاك الجعلي ده خليهو يرقص رقبة .... وسوق معاك الزول الجنب الباب ده اقطع يدو .. والجنب الشباك دا اقطع رجلو ... والجنب الكرسي ده اقطع رقبتو
النور طبق التلاتة انفار ومعاهم الجعلي وطلع .. وهم ماشين الجعلي قال للنور : يالنور بعدين ياخي ما تلخبط انا زول رقيص الرقبة !!!!!
فيصل الدابي/المحامي
تفضلوا بزيارة موقع فيصل الدابي
www.farfashaonline.com
