إن شاء الله في امدرمان تكون نهاية حكم الاخوان!

ايها الشعب السوداني المعلم الصامد والصابر والمحتسب الساسه الغير وطنيين الخائنين البلاد والعباد خانوك عده مرات آخرها كهنه الانقاذ الذين جاءوا بليل عبر دبابه وبندقيه كان انقلاب باسم الاسلام والاسلام منهم برىء براءه الذئب من دم ابن يعقوب خدعوك بالدين ومن انخدعنا بالدين انخدعنا له قالوا : هى لله لا للسلطه ولا للجاه كذبوا وما صدقوا ( ومن الناس من يقول امنا بالله وباليوم الاخر وما هم بمومنين يخادعون الله والذين امنوا وما يخدعون الا انفسهم وما يشعرون
في قلوبهم مرض فزادهم الله مرض ولهم عذاب اليم بما كانوا يكذبون ) الايه 10 سوره البقره .
جاءوا بانقلاب والاسلام عمره من إنتشر بحد السيف طغوا في البلاد فاكثروا فيها الفساد والاستبداد واذلوا العباد فصب عليهم ربك اقسى عذاب الله يمهل ولا يهمل سلطك عليهم فخرجت في ثوره ديسمبر المجيده يقودك شباب شفع يفع تربوا في عهدهم وعانوا من ظلمهم فجاءوا زرافاتا ووحدانا تحدوا الموت ببساله ورجوله وبطوله وبسلميه اذهلت العالم الذى وقف اكبارا واجلالا لهذه الثوره العبقريه التاريخية التى زلزت حكم الكيزان زلزالاعنيفا مخيفا فهرب من هرب ولبد من لبد واختفى من اختفى ونسبه لان هؤلاء الشباب ليست لديهم خبرة وتجارب سياسية تمكن الكيزان من سرقه الثورة عبر اللجنه الامنية بقياده عبد الفتاح البرهان و الهنباتى العنقالى حميدتى دول البشير تو يا ناس لجان المقاومه ويا ايها الثوار الاحرار لا تتخموا مرتين الحكايه ما عايزه درس عصر هؤلاء هم الكيزان بلحمهم ودمهم وخبثهم وجرمهم عناصر الحركه الاسلامية فلا تنخدعوا
حتى الحركات المسلحه (المصلحه)ازلام الحركة الاسلامية جبريل ابراهيم حركه اسلاميه منى اركوا مناى زولهم مالك عقار زولهم في خطاب شهير قال في البشير ما لم يقل مالك في الخمر
اعضاء مجلس السياده قال البرهان الاقاليم هى التى سوف تعيينهم كذب دول حركة اسلاميه وموتمر وطنى مصطفى برطم مؤتمر وطنى بشهاده
المسأله واضحه وضوح الشمس في منتصف النهار
الكيزان ما زالوا حاكمين ايها الشعب العظيم لا
عثمان الطاهر المجمر طه
باريس
تستسلم ولا تستكين الوحش يقتل ثائرا والارض تنبت الف ثائر يا كبرياء الجرح لو متنا لحاربت المقابر رصوا الصفوف ودقوا الدفوف طبل العز ضرب يا الكنداكه ثورى ثورى ضد النظام الماسونى
موعدنا طابيه ام درمان جوه ميدان الخليفه محل الاعتصام هيا هبوا يا ثوار نلتقى جميعا هناك فى ام درمان قطار عطبره بصات مدنى الشمالية جات دنقلا بربر شندى الشرق جا كسلا القضارف بورتسودان الغرب جا فاشر السلطان زاحموا ناس كردفان كلهم اقسموا نهاية حكم الاخوان لازم تكون هنا في ام درمان باذن الله نسقط البرهان
وننسف الكيزان غدا تسمع هتافات عالية وداويه:
يا برهان يا جبان الشعب السوداني في الميدان .
غدا يشرق صبح النصر والانتصار ونغنى سويا
اصبح الصبح ولا السجن ولا السجان باق .
بقلم
الكاتب الصحفى
عثمان الطاهر المجمر طه
باريس

elmugamar11@hotmail.com
/////////////////////////////