السودان في خبر كان .. بقلم: بابكر سلك
19 نوفمبر, 2014
منشورات غير مصنفة
30 زيارة
بسم الله الرحمن الرحيم
في السلك
*اكتب قبل لقاء المنتخب بالكنغولي
*اتمني الفوز للمتخب
*برغم ان الفوز لايغير من موقفنا السئ في شئ
*الا انه يساعدنا في التصنيف
*الرياضه مكسب وخساره
*لا اقول هزيمة
*لان مجرد التجربه مكسب
*فقط اذا خرج المجرب من التجربه بفوائد تدعمه في مشوار التنافس
*فهل خرجنا من تجربتنا المريره بفوائد تقودنا الي النهائيات مستقبلا ؟؟؟
*راعي الضان في الخلا يعرف اسباب الاخفاق
*وراعي الضان في الخلا يعرف اشخاص الاخفاق
*وراعي الضان في الخلا يدرك اماكن العله
*وراعي الضان في الخلا يعرف تماما موقف الدوله منالرياضه
*فكونا من النفاق والونسه في الزقاق
*خلونا في الواقع
*والواقع يقول ان الدولة المحترمه التي ننتمي اليها
*فاتحه لموضوع الرياضه ده شديد
*وان ما تقدمه كعلوق شدة وعطية مزين لن يخدم القضيه
*وهو ليس الا رشوة لاستمالة الجمهور الرياضي وكسب مودته مؤقتا لحدث محدد
*والجمهور الرياضي قرر ان يتوب من رشاوي دولتنا المحترمه
*الحكاية دي وجعتو في حنانو
*والقصه ماقصة مدرب اجنبي
*القصه قصة اتحاد يعمل من اجل تطوير الكرة وهو المناط به ذلك
*قصة وزراة ما بتخجل من موقفنا الرياضي وقصورها الشنيع
*قصة دولة ما عندها استراتيجية لتتطوير الرياضه بوجه عام
*قول جبنا اعظم مدرب
*ما بقدر يشتغل مع لاعبين بعضهم يفتقد لاقل مقومات المهاره لانه لم يتدرب بطريقه صحيحه منذ الصغر
*ولانه يفتقد للقدره علي تنفيذ الانضباط التكتيكي الذي لم يتعود عليه
*ولانه لايعرف ان يؤدي تمارين التحمل الرهيبه
*ولايصدق ان اللاعب ممكن يتمرن تلاته مرات في اليوم
*ايها الناس
*استمرارية المتخب حتي في ظل عدم وجود تنافس
*هي اول خطوه في اعداد منتخب مهول
*وطالما احتالت الانديه بعملية التجنيس
*واصبح لديها سته خانات يعيش فيها الاجانب
*يبقي تأجيل تمرين او اعداد للمنتخب بداعي ان لاعب المنتخب لديه مباراة مع فريقه
*يبقي امر غير منطقي
*عندكم سته اجانب تموهم باي خمسه ولا توقفوا نشاط المنتخب
*ايها الناس
*الاعداد الببدأ بعد اول هزيمه ده ما بنفع
*اعداد من بدري بقروش الدوله دي
*موش الدوله بتشيل ضرائب علي تذاكر المباريات ؟؟؟
*يبقي زي ما بتشيل تدفع وتدعم وتزيد كمان
*ايها الناس
*حلمنا بنهائيات الكان فاصبحنا في خبر كان
*السودان في خبر كان
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*اتنين بتاعين بحر
*واحد قال للتاني انت المنتخب ده مقطوع من شجره ؟؟؟
*التاني قال ليهو مقطوع من شجره كيف يعني
*ده الشجره زاتها
*المنتخب الوطني اخو المؤتمر الوطني
*انت داقس ولا شنو
*الاول قال ليهو سبحان الله اخوان وشوف ده رزقو قدر شنو وده مفلس كيف ,,,يرزق من يشاء بغير حساب !!!!!
سلك كهربا
ننساك كيف ومازلنا ندهش العالم اغني حكومه وافقر شعب
والي لقاء
سلك
b_silik@hotmail.com
///////////
سودانايل أول صحيفة سودانية رقمية تصدر من الخرطوم
