الضربونا عساكر والحكومة سكتت عشان كدا مفترض الحكومة المدنية تستقيل عشان يحكمونا العساكر ويضربونا اكتر
_ يعنى الحولنا كللللهم عاوزين بأييي طريقة يحكمونا العساكر مصريين واماراتيين وسعوديين حتى الزواحف كانوا عاوزين العسكر يستلموا الحكم والعساكر حاولوا يعملوا انقلابات من يوم فض الاعتصام و ح يظلوا يحاولوا نقوم نحن برااانا نسلما للعسكر؟
_ لازم نسلما العسكر عشان نواصل الثورة
_ يعنى تانى يستشهدوا مئات والاف عشان نقدر نقلعا من العسكر والجنجويد؟
_ اى ان شاء الله تولع و تخرب ذاتو
_ ما هم اساسا صمموها عشان يا يحكمونا هم يا تخرب وتولع و عشان كدا بقى الجيش والامن والشرطة ملايش حزبية و بقت الجنجويد مليشيا مرتزقة واحدين عشان يدافعوا عن النظام وواحدين عشان يجيبوا قروش للنظام بتمن راس الجندى ووقت الزنقه هم ذاتم يدافعوا عن النظام
_ الحاجه الوحيده الما وصلتنا للخراب والدمار هى الوعى الثورى وخوفنا على البلد وصبرنا للقتل والسحل والضرب والاغتصاب والاعتقال والمطاردات وكنا مصرين على السلمية
رضينا ندخل فى مسار سياسي عارفين فيه فخاخ كتيرة جدا ومشاكل كتيرة وقوة السلاح مع الطرف الاخر ما لاننا بنخاف الموت والتضحيات وانما بنخاف على البلد والتفكيك..
هم عارفين ومدركين مافى شى حاميهم من المشانق الا السلاح التحت يدهم.. وقت اقول ليه تعال اهيكلك دى معناها بالواضح تعال (أشنقك) ودا طلب ما بيتحقق..
الحاجات دى بتتم فى المسار السياسي وفق عمل طويل تبنى تحالفاتك الدولية والاقليمية و تبنى منظومة تبادل المصالح وتعمل العدالة الانتقالية والعفو والمصالحة ودا الطريق الوحيد البيخليك تمشى قدام و تبنى البلد..
ولازم ح نتنازل مرات و ندق جرس مرات و نركب راس مرات.
عندنا سيئين فى الوزارات.. يتغيروا
عندنا خلل فى السلام عطل الولاة والبرلمان يتصحح الان وعاجل جدا.
عندنا صلاحيات فى مجلس الوزراء ما استخدمناها؟ نستخدما الان قبل بكرا.
ودم الشهداء اغلى بكتيير من اقالة ضباط ثوريين او اعتقال مناضلين و كله صابرين عليه عشان نبنى ونمشى قدام
عندنا واجبات ناقصه؟؟
كتيييرة جدا مفترض نكملا
وقبل كل شي خطواتنا على الارض يسوقا الوعى وادراك الواقع.. والعاوزنو نحن لبلدنا والعاوزنو الاخرين من بلدنا
نجوووط ونكورك و نستعدل ونقع ونقوم
لكن نسلما للعسكر؟ نبقى ما فاهمين.
