بانغورا الماسوره .. بقلم: بابكر سلك
8 نوفمبر, 2014
منشورات غير مصنفة
22 زيارة
بسم الله الرحمن الرحيم
في السلك
*أئمة المساجد حيرونا
*بعد عقد وارقو فلفلوهوا
*وسكنوا عن ناس امبيلي الاغلي من وارقو
*قالوا في واحد الجمعه الفاتت اتكلم عن بطلان عقد المدينه
*يا مولانا
*وريتنا لكن
*بس كنا راجينك تورينا
*ماحكم الشرع في الفساد الفينا
*ورينا
*ما حكم الفرد
*لو شتت وكبه الفكفكينا
*ورينا
*امانة الصوت والانتخابات جايه علينا
*ورينا
*مالك سكته ؟؟؟
*حتي المساجد أئمتها بقوا زي الاذاعه الرياضيه
*يدعون القوميه ويعملون بالانتماء الضيق
*يتركون قولة الحق في الامر الضيق
*ويخطبون في رحيل بكري المدينه
*كنت وين يا شيخنا
*من اتفاق نزار مع المريخ وتحوله للهلال
*ولا الوكت داك لسه ما اسلمت ؟؟
*كان تكلمنا يا شيخنا
*عن مليون دولار اتوبونج
*عارف بتساوي كم الليله يا مولانا ؟؟؟
*قريب عشرة مليار
*الوكت داك كانت حلال ولا غضاضه فيها !!!!
*كانت تجوز بحسب اجماع الفقهاء
*حلال او كما قال ؟؟؟؟
*ورينا
*يا شيخنا افتينا
*عن عيشة عدمت السخينه
*عن تعاسه عست فسادا في القرية والمدينه
*موش موضوع تعاسة المدينه اولي من موضوع بكري المدينه ؟؟؟؟
*ايها الناس
*أأئمة الزمن ده من نوع البخطب في بطلان عقد المدينه
*بذكروني نكته
*قالوا في قريه صغيره
*فيها امام من النوع اياهو
*واحد فتح فيها توكيل ببسي
*القريه كلها بقت شايله الببسي
*اي زول يلاقيك شايل قزازة ببسي
*تعرفو من اهل القريه اولاد قلبا
*والاهتمام بقي ببسي وبس
*في خطبة الجمعه تحدث الامام عن الببسي
*وعن انها حراااااااام
*كونها شركة امريكية ويديرها اليهود
*قال
*اخي المؤمن
*اذا سألت عن الببسي فهو
* حرااااااااااام
*الخميس البعدو سيد التوكيل رسل لأمام برميل وتلج وخمسه صناديق ببسي
*مولانا النهار كلو يكتح
*يتحنطر
*ومشي الجامع
*وتحدث عن موضوع الببسي
*وقال
*اخي المؤمن
*الببسي اذا كان حار فيهو حلالالالالال
*وذا كان بارد
*بارد مندي اخي المؤمن
*بارد لما القزازة مغبشه
*فهو
*حرااااااااااااااااااااال
*قلت لي بكري المدينه عقدو حرام ولا حرال يا مولانا ؟؟؟؟
*المهم
*هيئة توفير المياه الهلاليه
*عودتنا سنويا علي استيراد مواسير معتبره
*الآن بانغورا الماسوره في طريقه للهيئه
*وهناك حارس عاطل زي عطالة المدرب برضو في الطريق
*اما الحبشي
*الشاورما اهم شئ
*الزول ده اظنوا شغال في كافتيريا
*من وكيلتو المرا دي
*الزول ده شغال في كافتيريا
*لانو الحبش لما تكون رئيستهم مرا
*بكونوا في كافتيريا
*او جمبه
*المهم
*مريخ كوستي اثبت وجوده للمرة الثانيه
*واثبت حاجات تانيه مانعاني
*واثبت اننا نعاني لنعاني لاننا نعاني
*زول يصعد
*في نفس الموسم يصعد تاني ؟؟؟؟
*اها
*نجي لي شمارات والي الخرتوم
*كان شفت يا والينا
*شدينا حيلنا وقوينا
*بي فرد اصبع بنشيل كيس العيش لي اهلينا
*وانبوبة الغاز مليانه بنشيلها بي سهولة يا والينا
*غيرتو الموازين ولا المقاييس اتلخبطت علينا
*ولا ماجايبين خبر يا والينا ؟؟؟
سلك كهربا
ننساك كيف والقانون بقول لو ماجبتوا خبرنا بنجيب خبركم
والي لقاء
سلك
b_silik@hotmail.com
//////////
سودانايل أول صحيفة سودانية رقمية تصدر من الخرطوم
