سودانايل أول صحيفة سودانية رقمية تصدر من الخرطوم
أخبار أخرى
بسم الله الرحمن الرحيم
في السلك
*في كتير من عربات النقل تلقي مكتوب عبارة بكرة الركوب مجاني
*تجي بكره تلقي العباره قاعده والركوب بقروش
*لانو مكتوب بكره الركوب مجاني
*وهكذا
*القصه دي ذكرني ليها اعلام الهلال
*ليهو خمسه يوم بقول انو الكوكي حايصل خلال تمنيه واربعين ساعه
*تاني يوم تلقي نفس العباره
*وتالت يوم
*ومضت خمسه تمنيه واربعين ساعه
*ولي اسي لا كوكي وصل
*ولا شئ
*زي قصة جية قودوين
*والغريبه بطلها برضو كان كردنه
*لكن السؤال
*لماذا الكوكي اذا كانت شهادات مصطفي النقر اعلي من حقات الكوكي ؟؟؟
*هل هي عقدة الخواجه ام السمسره ام حب الظهور
*ولماذا يقبل مصطفي النقر ان يعمل تحت امرة انسان اقل منه تأهيلا ؟؟؟؟
*دي واحده من خرمجات كردنه الحاتودي الهلال الخور
*ووقتها مهما نطقت الناطقه
*الخروج من الخور صعب
*الا تقول يا ابو مروووووه
*المهم
*سمعنا بان السعيد قد قبل الترشح لرئاسة المريخ
*وطبعا السعيد فعلا هو من يرأس المريخ
*المسأله شرف كبير
*ولكن نبشر الشفوت
*كتاااااار القبلانين الترشح للرئاسه
*وبتمنوا يحكموا المريخ ولو ليوم
*ليتشرفوا ويضيفوا لسيرتهم الذاتيه
*منهم سوداكال
*هذا الرجل صاحب مريخيه صارخه وصادقه
*ويستطيع ان يقفز بالمريخ الي قمة القمم في وقت وجيز
*وغير سوداكال في زول كان جبنا اسمو
*الهواء ما بقسمو
*لكن الهوي بقسمو
*سنفصح عنه يوم يرشح نفسو
*وفي نفرين الناس بتعرفهم شديد
*يعني الرئاسه ناسها كتاااااار نحمد الله
*فكر ومال
*المهم
*ناس قون التقوا المسؤل بالامارات
*عرضوا عليه مشكلة بكري
*الخبير قال بكري لاعب المريخ باجراءات صحيحه
*زمااااان قلنا ليكم
*الانتقالات الداخليه لا علاقه لها بلوائح الانتقالات الدوليه
*ناس فطومه وروشا وكردنه
*لي اسي مابفرقوا بين الاخلي والخارجي
*جايطنها ساااي
*وبمناسبة بكري
*طالما نزار رفض التوقيع علي الاقرار
*يبقي نزار حدد وجهته
*اشتكوا من اسي
*علي بال ما يوقع في كشوفاتنا
*تكون شكواكم وصلت الفيفا
*المواصلات صعبه اليومين دي
*بس المشكله
*نزار تقيل وجابسون تقيل
*يلعبوا مع بعض كيييييييف ؟؟؟
*ايها الناس
*اتوققع لمجلس الهلال القادم التشكيل التالي
*الارباب رئيسا
*الكوارتي سكرتيرا
*عماد بطه امينا للمال
*عاكف عطا ممثل قدامي اللاعبين
*والناطق الرسمي سر كبير
*المره دي راجل
*ومعروف ويستاهل
*المهم
*اولاد فطومه بدوا يخرخروا
*قالوا الحكم بتاع ملاوي مجنون
*مالو الجن ؟؟؟
*الجن بتداوي
*لكن البطبطه دي لا تشبه الاربعه
*ياربي الاهله ديل شاكين في اربعتهم ؟؟؟
*اربعتهم وهم حرين فيها
*يشكوا فيها
*يقتنعوا بيها ظاهرا وينكروها باطنا
*بالمناسبه
*زمااان
*بدري الكلام ده
*قالوا في لاعبين جننوا رئيس النادي بالمطالبه بحوافزهم
*كانوا شايلين الدوري الوكت داك
*رئيس النادي قال ليهم حوافز شنو
*انحنا قروشا كلها دفعناها للفرق اللعبت ضدكم
*انتوا قايلين روحكم غلبتوا زول
*آخر كورة قون فلان ده بخش !!!
*حافز القون ده شالو حارس الخصم قبل الكورة يا باشاوات
*سبحان الله
*من الوكت داك
*قلت لي الحكم مجنون ؟؟؟؟
*وحسب اتنين وعشرين ضربة جزاء في اسبوع
*يعني ده مع ناس سيمبو ديل
*ممكن يحسب اتنين وعشرين ضربة جزاء في كورة واحده
*انا لو محل الحكم بغني
*اريتني اجن
*وازيد في الجن
*عشان الجماعه تاني من التمرين للتجاني الماحي
*من التجاني الماحي لي بعشر
*من بعشر للثريا
*من الثريا للدلجه
*وتبقي دق الدلجه جد جد يا حمودي
*المهم
*اكتب قبل مباراة الزعيم
*ستكون رائعه
*فالخرطوم فريق كبير
*والفوز باذن الله للزعيم
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*كمان جابت ليها مدارس مزورة ؟؟؟؟؟
*عرفنا الجقور
*المدارس كمان ليها جقور !!!!
*اسي جقور المنشيه اتحللوا ؟؟؟
*طيب وكت لسه ما اتحللوا
*جقور المدارس لزومهم شنو ؟؟؟
*مدرسة مزورة ؟؟؟؟
*شهادة مزوره ممكن
*رخصة مزوره ممكن
*عمله مزوره ممكن
*لكن مدرسه
*فصول وسور ومعلمين وناظر وزي مدرسي ؟؟؟
*دي ماشفناها الا في عهد ولايتكم دي
*يعني تاني الزول يودي ولدو المدرسه
*يقول للناظر وريني شهادة التسجيل والتاسيس وصورتك مع وزير التربيه
*دي تربية دي يا والينا ؟؟؟؟
*فقدتونا المصداقيه في انفسنا
سلك كهربا
ننساك كيف وممكن نمشي وزارة نلقاها مزوره , بتحصل طالما الجقور مابتخجل
والي لقاء
سلك
b_silik@hotmail.com
//////
