تقولي منو وتقولي شنو !!! .. بقلم: بابكر سلك
23 سبتمبر, 2014
منشورات غير مصنفة
47 زيارة
بسم الله الرحمن الرحيم
في السلك
*المهم
*عشان نتقدم ما بنتقدم بالمدافره
*ولا بنتقدم بالحظ
*ولا بنتقدم عشان غيرنا بتأخر
*عشان نتقدم لازم ننشد التقدم اولا
*مشكلتنا اننا كدوله
*مامقتنعين بالرياضه شديد
*بنفتكر انها مجرد لهو
*يعني امور مناسبات ومهرجانات وطوابير عرض ساي
*وقد نعتبر الرياضه احد المواضيع الانصرافيه التي تشغل الشعب عن الدوله
*وعن المطالبه بحقوقه من قبل الدوله
*وعن السوء والتقصير من جانب الدوله
*فنصنع من الرياضه موضوعا جدليا
*يحبس الناس
*بين المريخ والهلال
*وبين انجازاتنا وانجازاتكم
*وتمرر في هذه اللحظات الاوراق تحت الاقدام
*ونحن ننصرف عن تلك الامور
*بالرياضه التي اعتبرتها الدوله موضوعا جدليا يصرفنا عن اشياء كثيره
*المهم
*ممكن هذا الموضوع الجدلي يقود الناس الي التفكير
*ثم الملاحظه
*ثم الانتقاد
*ثم المقارنه
*ثم تصرفات لايحمد عقباها
*وتبقي الرياضه هي السبب في تلك التي لا يحمد عقباها
*يبقي
*مفروض علينا كدوله ان نحترم الرياضه ونعتبرها ونحترم الشعب الرياضي
*ونخطط تخطيطا سليما يقودنا الي ساحات التنافس الدولي والي منصات التتويج
*يقودنا الي المضمار الاولمبي العالمي بمناشط عدة
*ويجعلنا نشعر بان الدولة تحترمنا وتقدر مشاعرنا
*ايها الناس
*التخطيط السليم هو السياسه بعينها
*وان كان هذا الشعب اكثر من نصفه رياضي
*ويهتم بالرياضه
*يبقي امنا الحكومه ممكن تجد التأييد الشعبي
*اذا شعر الشعب الرياضي باهتمامها به
*ومن خلال الرياضه
*ممكن للحكومه ان تقود الشعب لساحات الانتاج
*وان تخلق وسط الناس الولاء وحب الوطن
*ومن خلال اهمال الرياضه
*يمكن ان يحصل العكس
*ايها الناس
*البلد اتملت خيم وصالات
*اعراسنا كلها انتقلت للصالات
*اخير لينا
*نقفل بيوتنا ونحافظ علي كبابينا وصحانتنا وصوانينا
*ونمشي للصاله نقضي مناسباتنا وليالينا
*وبدأ التنافس بين الصالات
*الاجمل ياتها
*والاحلي ياتها
*والكندشتها بارده ياتها
*ويظل التنافس بين الصالات
*نريد ان تكون صالة المغادره هي اقبح صاله بالنسبه للشباب
*ولن يتاتي ذلك الا اذا اعتبرت امنا الحكومه الشباب
*واهتمت بتشغليهم وتفعيلهم رياضيا
*ووقتها كل الشعب سيهتف
*بهتاف يجعل الحكومه تبسم برضاء تام
*والا
*الا ربع خلي بالك
*المهم
*اكتب قبل لقاء المريخ باهلي شندي
*واتوقع مباراه جميله
*يصالح فيها بطل سيكافا جماهيره الغفيره
*ايها الناس
*ان تنصروا الله ينصركم
*اها
*نجي لي شمارات والي الخرتوم
*قلت لي يا والينا
*منو باع لي منو ؟؟؟
*منو الاول جاب الشنو الباعو لي منو من وين ؟؟؟
*ومنو التاني جاب النكتوت الاشتري بيهو الشنو من المنو الاول متين ؟؟؟
سلك كهربا
ننساك كيف وتقولي منو وتقولي شنو ؟؟؟
والي لقاء
سلك
سودانايل أول صحيفة سودانية رقمية تصدر من الخرطوم
