حمدوك الذى حاول افتراس الدولة السودانية

.
حمدوك يظهر اخيرا .. يطلب التوسط والتهدئة...؟؟؟؟؟؟؟ ..
عليك ان تختار الحب او اللاحب ..
يا حمدوك..
العسكرية اطاعة اوامر القائد العام ...او انقلاب
.
حمدوك كان له اطارى من نوع خاص بعد فشل حكومته .. بعد قفل ترك الشرق .... يود ان بكمل مشروعة ليعبر .. انت من تحرق الخرطوم اليوم .. وخدعت شباب ثورة .. لتعبر بهم سريعا الى جحيم الدعم السريع .. ليس فى تاريخهم غير القتل ..
انت يا حمدوك من كتبت للامم المتحدة سرا من فلتك فى كافورى .. تطلب هيكلة الجيش .. وهيكلة المدنيين .. وصياغة السودان من دفتر الخارج ..
وقعت اتفاق اطارى مع البرهان .. ورفعته امام تليفزيونات العالم ..
وصفك اليسار بالخائن.. وانت منهم وفيهم .. لم تعد لمن اختاروك

. حمدوك اوشكروك .. لحل المشبوك .. اقتصاد زراعى .. يعنى تابع لشمبات الزراعة.. و الأراضى كمان ..؟؟ حيث تتفتح الزهور وتثمر العقول ..والامن الغذائي .. كلية الزراعة ..
كلية امنية وسيادية ... وعبارة سلة الغذاء فى الذاكرة .. ..

حمدوك قال .. لا لا انا اقتصاد لندن .. متوج من امريكيا .. انا ما تربال ....

المهم حمدوك تاخر .. والموية مرت ..
والموية لها مواقيت عندما تهطل من السماء او تأتى من الينابيع منذ الاذل .. والموسم الزراعى اذا ضاع ..
فى لغة الزراعة .. اضاع المسور .. كارثة ..
اختراق فى الامن الحياتى لكل السودان .. فجوة اقتصادية ..

ما لنا غير .. الاعتماد على شجر الهشاب .. الصمغ والقرض .. وبرسيم الامارات .. او مشاربع زادنا
محلولة .. الرى بالمحاور .. والحق المجاور ..
البدوي ..وزير المالية .. شقى ومجنون .. وفتك .. خبرة فى البنك الدولي .. ومركز اتلانتا ..
..
قال .. يا ريس ..سيبك من خطة 200 يوم .. سيبك من الزراعة .. وشمبات.. ومشروع الجزيرة .. بدل مكعبات القطن .. والبالات .. وسكة حديد .. عندنا مكعبات الذهب .. سريعة .. مثل الانسولين فى الدم ...
.
البدوي اسم صوفي .. يلحق وينجد .. ومخرج روائع.... وجنا انصار جناح ام جكو ترزى الملازمين ..

الخطة B .. والمخرج فاخر فاخر .. شركة الفاخر للذهب .. مكاتب جاهزة فى دبي .. ونكسر الدولار ... والجمارك تبعنا .. بدون شرطة .. وما همانا ما دام حميدتى معانا ماقصر .. واسم الدلع سابقا حمايتى .. والان عصايتى .....
والصحفى عثمان ميرغنى قال ليك .. تهريب مختوم وموسكر .. باسم الدولة ..
حميدتى فضح الجميع .. قال .. قبض طائرة وانزلها محملة بالذهب .. لكن تم ابلاغه بان هذا متفق عليه ..
وهو شرعن لنفسه .. يصدر من 20 الى 30 طن بواسطة الجنيد .. لكن هو نظامى يسلم بنك السودان ...؟؟
لكم ان تتخيلوا ايها الشعب الكريم .... كيف تم افتراس الدولة السودانية.. بواسطة حمدوك ..

بنك السودان .. دوره فى الاخر ..
.. اشار البدوى الى حمدوك ان يدخل هو وزوجة بالاسعاف البنك الدولى .. وعلى عجل .. عملية فى القلب .. والموافقة على شروط الجراح ...
..
والإمام الصادق المهدى .. قال الى الامام .. الى الامام .. خبرة من اوكسفورد ..ومدرب قديم سندكالى .. عفا عن حميدتى بجرة قلم .. وحميدتى اصلا تدرب عندهم فى الاكاديمية للمراحل السنية اسباير .. مدرسة المراحيل ... العيال كبرت .. تحترف فى الامارات .. ..
. عرفتم جذور الازمة ..؟؟؟
حمدوك . . ايضا اصبح مدرب انجليزي .. بجواز احمر سودانى .. لكن برضو ولد بلد .. يعنى .. compatible .. وارسل له من قبل د. صلاح مناع ليكون وزيرا للمالية للبشير .. ليغوص عميقا ... ود. مناع اخذ الغلة من التمكين .. وسافر .. اخر من يتحدث عن النزاهة .. ليس حديثنا .. قالته على الملا د. هبة .. وزيرة المالية..
كذلك د.حمدوك ..شرعن وافتى تكوين شركة لتجميع فلوس التمكين .. اعترض د. المفتى .. مستشار قانونى ..
اين تلك المبالغ .. با حمدوك .. ؟؟؟انت متهم ..
.
اما مريومة ست ابوها .. وست الحيكومة وست البيت .. وست ستهم .. استخدمت type C للشحن من جبل عامر .. الى جبل على.. والعكس ..
و اتخذت استايل ثياب عين الكتكوت .. تلقط الحب وقروشى فى موبايلى..
ليس هناك ضربات جزاء على مريومة .. رغما عن التجاوزت .. تسلم سلام سودانى .. على السفراء .. ما فيها شىء .. اصبحوا من المحارم ..صرفها اللواء برمة فهى محصنة وكمان عندها حصانة .. وشريفية .. ومنصورة ..
اخويها كانا مع البشير فى القصر .. والامن .. والبشير يبشر فى افراح اولاد الصادق ويصرف له راتبه من قصر الشعب ...
عرفتم اكبر خيانة سياسية واخلاقية فى تاريخ السودان ..
الصادق المهدى بعد كل هذا قال نسلم اليشير للجنائية.. ونعود للمحتمع الدولى ....؟؟؟؟؟ ..
يا حنظلى ..
يا خسارة يا مؤسس تطلب الصلح للعسكر .. وكنت بينهم .. تزرع الفتتة والخيبة ..
ايها السادة .. حمدوك نشر عيونه فى الوزرات وقام بتعينهم فى كل مفاصل وشرايين الدولة .. حتى فى المدرسة الإبتدائية...
.
نحن لسنا من نقول هذا .. حميدتى بعفويته .. قال هذا عندما تشاكس مع المركزى.. الجماعة استلموا كل حاجة .. وظائف ..جامعات .. والملفات موجودة .... بتوقيعاتهم ... عرفتم زرع حمدوك ..

تظهر اليوم يا حمدوك ..؟؟؟ لكى لا بنكشف المستخبى .. عرفت معنى الثورة مستمرة ؟؟
..
يا حمدوك هذة ثورة قادها طلبة مدرسة صناعية فى عطبرة .. من رغيفة بجنية الى ثلاثة جنية ...
وكنت يومها فى الهضبة الاثيوبية تناقش امر ان تكون وزير مالية لدى البشير .. سوف نسأل ..السيدة اميرة الفاضل .. التى كانت تعمل فى منظمة الوحدة الافريقية .. وسوف نستعين بتقنية الفار .. ونسال غندور .. وسؤال البشير ايضا عن الوقائع.. انت يا حمدوك مطلوب للتحقيق وليس للتوسط ..

أفتونا يا أهل الصواب والعلوم .. ويا ناس شمبات البكتريا نبات أم حيوان ...؟؟؟؟

tahagasim@yahoo.com
//////////////////////////