رساله لقوى الحريه والتغيير

ماقاله الاستاذ جعفر حسن فى لقاء مع الحدث اليوم دا كله ياجعفر كان فى يدكم تحقيقه ياجعفر قوى الحريه والتغيير ( المجلس المركزى)لكن عملتوها لينا كلها سفر وفسح انت تسافر امريكا بعدك يجى الاصم والاصم يسافر يجينا آخر لشنو قول لى ؟؟وانت جيت فى امريكاماخذ ليك شهر او شهرين فسحه فى وقت كان فيه السودان يحتاج لكل دقيقه منكم انتوا القيادات حققت شنو فى امريكا ؟؟ووالله كان فىيدكم حل الجيش نفسه بمليونيه من شباب الثوره تحيط بالقياده كان الكيزان شردوا بجيشهم معاهم وللاسف جبتوا لينا البرهان ابراهيمالشيخ نكتو من جوه القياده واتصور معاه والبرهان يده تنقط دم والبرهان كان يلقب برب الفور يعنى ماعارفين والا ماسمعتوا لكن ياجعفرعملتوها لينا عربيتى الحكوميه وعربيتك وبيتى الحكومى وبيتك وصراع على المناصب والمكاسب واستعراضات تلفزيونيه ونسيتوا الثورهوشباب الثوره واهداف الثوره ياخى حمدوك دا كان مظاهرات شباب الثوره يجوه لمكتبه وبدل يتشرف بزيارتهم ويجتمع معهم كان يفرقهم بالاحتياطى المركزى وهم الذين اجلسوه فى كرسى رئيس الوزراء ياخى بالله دى مش براها تكفى لادانتكم تجيبوا زول زى دا وماتصححوهحتى يضرب ويطرد شباب المقاومه وديل اولاد يطردوهم والا يشيلوهم فى الراس ؟!! وعداها لينا كلها سفريات لباريس ولندن والخليج داشعب وجده حمدوك معدم سفر شنو بالله شفتوا كاجامى الرئيس الروندى دا عمركم سمعتوه حايم سفر قاعد فى بلده وعمرها وبناهاواللهبقت دوله اوربيه فى افريقيا الشباب دا سلم حمدوك ثوره فريده فاضعتوها لانكم ماكنتم ثوار بحق وحقيقى والبعض يقول ليك حمدوك عفىلينا الديون والديون زالت بسبب زول السبب الذى فرضت به وهو الارهاب العالمى الذى كان تمارسه الانقاذ ومادام زال السبب كان تلقائياً حترفع بحمدوك او بدونه يعنى حتستمر كيف والثوره اسقطت طغمة الاخوان المسلمين …….. ومن سلمناهم الثوره ماكانوا ثوار حقيقين كانوا من المتفرجين خلال ال٣٠ سنه وفى مقدمتهم حمدوك هذا وناس مين كده البوشى واسماء سمعت بهم وزراء وبعد الانقلاب اختفواوزراء الثوره تماماً بدل يكونوا فى الشوارع يقودوا المقاومه وحمدوك ذاته هل سمعتم به فى وقفه احتجاجيه حتى فى الخارج خلال ٣٠ سنهايام الانقاذ وحتى بعد انقلاب البرهان ؟؟ ولا ظهر فى مظاهره واحده لمدة ٣٠ سنه الكيزان دفنوا فيها ضباط رمضان احياء وقتلوا ٤٠٠ شابفى انتفاضة ٢٠١٣ !!! وحمدوك لابد ولا حركه وبالله دا يحاكموه والا ينصبوه رئيس وزراء الثوره !! وعمركم سمعتم بزول يقود حكومة ثورهوهو لم يشارك فى الثوره ولو بهتاف واحد ؟ وهذا لم يحدث الا فى السودان وحمدوك هذا اعترف بانقلاب البرهان بل استضافه البرهان فىبيته واكلوا ملح وملاح مع بعض ولو كان حمدوك كارب قاشه تمام هل كان مشى مع هذا البرهان بيته بعد الانقلاب والبرهان يقتل فى شبابالثوره !! بالله دا كان يتونس معاه كيف وفى ياتو موضوع !! ومفروض مايمد للبرهان يده لان يد برهان ملوثه بدماء الشهداء ولا يسلم عليه ويدالبرهان تسيل بدماء شباب الثوره فى فض الاعتصام ويقعد معاه بعدين فى عهدكم من تمت محاكمته ؟وسلمتم النائب العام والسلطهالقضائيه للكيزان كامله ١٠٠٪؜ وبقدر مانبه الشرفاء عملتوا طرش ياخى لما قضاة المحكمه العليا الوطنيين شعروا بسيطرة الكيزان علىالقضائيه ذهب وفد منهم لمقابلة حمدوك ويحكى لى قاضى محكمه عليا انه الوفد جاء وهو فى حالة مهابه من مقابلة حمدوك فهو رئيس وزراءاعظم ثوره ادهشت العالم لكن قال لى دخلنا ونحن نقدم رجل ونؤخر اخرى وعندما دخلنا عليه شبكنا والله انا اول مره اتكلم مع قضاه وكمانقضاة عليا فازال هيبته بيه وتضاءل امامنا وشعرنا ان الرجل اضعف من ان يقدم اى شيء وفعلاً خرجنا كما دخلنا وياخى زول الكيزاندايرين يجيبوه وزير ماليه بالله دا تثقوا فيه ياقحاته وتجيبوه رئيس وزراء الثوره دى براها مش ادانه ليهو وليكم وياخى البلد عدمت الثائر ؟؟يعنى السودان الثوار كملوا ياخى والله افضل نجيب واحد من شباب الثوره ولمتين نحن مانستفيد من تاريخنا ولمتين يتقدم ثورتنا امثال دكتور الجزولى ودكتور حمدوك وهلمجرا ؟؟ !! ودايرين تانى ياقحاته تجيبوا لينا حمدوك ياخى حرام عليكم ضيعتوا ثوره ودايرين تضيعوا الثوره القادمه وبالمناسبه ياقيادات قحت الانقلاب ماشى لاربعه اشهر انتوا وين ؟؟ياخى ارحمونا ؟؟

محمد الحسن محمد عثمان
omdurman13@msn.com