صقر قريش 2/1000 .. بقلم: بابكر سلك
22 مارس, 2015
منشورات غير مصنفة
37 زيارة
بسم الله الرحمن الرحيم
في السلك
*مواصلة لاكبر جرائم العصر الحديث علي الاموال
*جلسنا لنرتب الاوراق حتي يكون السرد شيقا
*هالنا ما وصلنا اليه
*فارشيف الانتباهه التي نشرت القصه
*يساوي فقط واحد علي عشرة مما لدينا من معلومات موثوق منها ومؤكده
*وكما اسلفنا
*وللصالح العام
*وحفاظا علي المال العام
*ومنعا للاختلاس
*كان اصرارنا علي نشر القصه للتذكير والتحذير
*وعشان الناس تعرف التفاصيل
*فما كل من اكل وقشه خشمو
*وابتعد عن المائده
*ماكل حلال
*ولذا
*غدا سنتحدث عن اول قرش تم اختلاسه في تلك القضيه الشهيره
*واين وكيف ومتي تم الاتفاق
*قصة شيقه
*فقط ابقوا معنا
*المهم
*بمناسبة صقر قريش
*صقور الجديان الصغار امس فازوا علي اولاد جنوب افريقيا
*هدف ينطح هدف
*انتصار مريخ يقودنا لتاهل كبير ان شاء الله
*مبروك الديبه ومحسن
*المهم
*جمعية المريخ العاديه كانت بالامس
*فشلت مرات لعدم اكتمال النصاب
*ولعل السبب ان العضويه المستنيره لسه بعيده عن النادي
*ومعظم العضويه المسجله مستجلبه
*تأتي فقط يوم الانتخابات
*وده حال جميع الانديه في البلد دي
*فالجمعيه العاديه تكاد تكون اهم من الجمعية التي تعقد للانتخاب
*لان فيها يتم مناقشه فترة مضت
*وتظهر توصيات فتره قادمه
*وتقيم العمل
*وكلنا لن ينسي الصور التي شاهدناها علي مواقع التواصل ايام انتخابات الهلال
*نساء لا يعرفن معني كلمة رياضه
*يدلين باصواتهن
*واذا سألت من ادلن له باصواتهن عنهن
*اكيد بكون مسطح
*بل ان حملات تنظيم السكن والتكسير والترحيل التي تحدث دائما
*نجدها تشتت تلك العضويه وتقطع الاتصال بها
*لذا
*علينا جميعا كرياضيين ان نستنفر العضويه المستنيره والمتعلمه والنضيفه
*فوجود مثل هكذا عضويه بالتأكيد يدفع عجلة تطور الرياضه وينميها ويكون خير رقيب علي العمل الاداري
*المهم
*الجمعيه العاديه التي عقدها المريخ
*هي الاولي من نوعها بين جميع الانديه
*ان شاء الله باقي الانديه تعمل كده
*المهم
*بكرة الركوب مجاني
*تمنيه واربعين ساعه جات تمنيه واربعين مره
*والكوكي ما وصل
*قلت ليكم بتشبه لي قصة قودوين
*الذين يثقون في جية الكوكي
*يمشوا المطار
*ويسوقوا معاهم كرامه حمل
*لمن الحمل يبقي سداس
*كان الكوكي وصل انا عليا الشيه
*المهم
*زي ما قلت ليكم
*قصة صقر قريش حاتدهشكم
*فطومه
*نمرة اتنين كيف !
*ما راقيه برضو ؟؟؟
*طيب العباسيه كيف ؟؟؟
*من اعرق وارقي الاحياء باهلها وخصالهم
*اما معظم ناس البلد دي فهم اولاد اشلاقات
*مقرمين ومفتحين شدييييييييييييييد
*وبرضو الاشلاقاقت راقيه
*بالمناسبه
*عما لينا قال لي
*رئيس الهلال ده موش ابن وزير الداخليه الاتحادي سيدا احمد الحسين ؟؟
*قلت ليهو ابدا
*ولأ
*وكو
*وما (ممجن )
*اسم علي اسم يا عمي
*اليومين دي الحاجات بتتشابه والناس بتدخل في لبس
*تشابه اسامي يا عمك
*عرضتنا الشماليه
*او العرضه شمار
*من اعرق الاحياء الامدرمانيه
*وبحكم وجود الجامعه الاسلاميه والاحفاد بالحي
*قامت اول الداخليات الخاصه بالحي وبكثره
*وتسابقت الطالبات الي تلك الداخليات لانها كانت المأوي القريب والوحيد
*وتدافعت الطالبات للسكن بالحي
*فرحب بهن الحي وفرد لهن الارض ورد
*اسي فيهن من تخرجن واتزوجن
*وفيهن من ارتقت في سلم العمل
*الباقيات علي العشره بي ناس العرضه
*جابن رجالت واطفالن في جميع المناسبات
*وعديمات العشره
*ادونا عجاج كرعينن
*بل لي اسي ما جابن سيرة حي لماهن في طمأنينه وسكينه
*المهم
*الامثال في الدنيا دي ما بقولوها ساي
*بتجي بعد تجارب كتيره
*وبتبقي زي الحكمه
*وود الحبوبات بكون حافظ منها كتير
*شخصيا ان ود حبوبات
*لذلك تعجبني الامثال والحكم كثيرا
*ومنها المثل الدارفوري الذي يقول
*البباري الانتايه تمرقو في الفضايه
*وبتطور الزمن تتطور الامثال
*مثلا
*القاعده والواتس رفقتها بكرة بدوها ورقتها
*البتدنقر طول اليوم في الفيس لا بعوس كسرة ولا بتضري عيش
*البتكتر المحلبيه حنتها ما بتشيل
*خدار من الكريم (بفتح الكاف) افضل من صفارا يجيبو كريم (بكسر الكاف )
*البيتو في بحر دار ما بطقع جمال الناس بالحجار
*وامثال كتيرة تطورت مع تطور الحياه
*المهم
*استعداداتنا تمضي علي قدم وساق
*واولادنا متمسكين ببيت الشعر القائل
*ولدا بخاف القبيله تلومو *****بخلف رجلو فوق تيسا رقيق قدومو
*ايها الناس
*وين فيصل موسي ؟؟؟
*حي الزول ده ؟؟؟؟
*الحمد لله
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*مراكز التجميل طشت بينا
*الواحده تلقاها باقه زي الرتينه
*تلملم حالك وتطلب يد الزينه
*تستغرب البيت كلو اخدر يا والينا
*الوحيده الصفراء الزينه
*الشعور متبلده يا والينا
*وسال من شعرها الذهب الزينه
*لي اعجاب الواحد فينا
*نطنطن نقول انه نزعة عرق يا والينا
*واليوم الربنا يتم لينا
*تعال شوف الحال الفينا
*لا صفارا فاقع يسر الناظرينا
*ولا شعورا بحورا للشعر تروينا
*حتي العوينات يا والينا
*نكتشف اهن محوصات مدسوسات بالعدسات يخوفن فينا
*والبضاعه لاتسترد بعد خروجها من المحل يا والينا
*خدمة لينا
*الزموا مراكز التجميل تحتفظ لينا
*بصورة قبل وصورة بعد يا والينا
*عشان الصدمه تبقي خفيفه علينا
سلك كهربا
ننساك كيف والككو يدخل مركز التجميل يمرق غزااااال يا عمك
والي لقاء
سلك
b_silik@hotmail.com
سودانايل أول صحيفة سودانية رقمية تصدر من الخرطوم
