قون المدينه وحال المدينه .. بقلم: بابكر سلك
12 أكتوبر, 2014
منشورات غير مصنفة
36 زيارة
بسم الله الرحمن الرحيم
في السلك
*غلبنا نيجيريا
*غلب عديل كده
*طلعنا بي تلاته نقاط
*زمان كنا بنطلع بي تلاته اقوان
*قون ينطح قون
*فجأة بقدرة قادر
*طلعنا بي تلاته نقاط
*ومن نيجيريا كمان
*كورة مشتركه بين لاعب الرابطه كوستي ولاعب شلسي
*بياخدها لاعب الرابطه كوستي من لاعب شلسي
*مالو
*موش لاعب زيو
*غلبنا نيجيريا
*ولا يفوت علينا ان نيجيريا انهزمت في ارضها وبين جمهورها
*وهذا ليس تبخيس لنصرنا الكبير
*ولكنه تذكير بان نيجيريا يمكن ان تنهزم علي ارضها
*وده اذا وضعنا الانتصار عليها هدفا نسعي اليه
*نعلم ان الملعب والارض والجمهور كان سودانيا خالصا
*كل الظروف كانت ضد الاقاشي
*ولكن هذا لا يمنعنا من اكل الاقاشي في قصر الشريف بنيجيريا
*فالشريف زعلان مني
*زعلان من السودان كلو
*وان كان الشريف قد استمع واستمتع بغنانا
*فعلي الشريف ان يتقطع حزنا من انتصارنا
*وحقو الشريف يعرف انو كورتنا ما زي غنانا
*كورتنا لحمها مر اذا اردنا له ان يكون مر
*ايها الناس
*اللعب في نيجيريا باستراتيجية محدده يضمن لنا الخروج علي الاقل بنقطه
*تلك الاستراتيجيه هي الاداء بحماس ورجوله
*فالذين يلعبون لاندية اوروبا بالتأكيد يخافون الاحتكاك والاصابات
*القصه قصة اكل عيش
*ودي واحده من الاهداف التي يجب ان نعمل عليها
*ماضروري نجيب قون
*نقفلها صاح
*ويا النقطتين يا الكرعين
*عنف قانوني
*يضمن لنا الاستمرار في المنافسه من اجل الوصول للنهائيات
*نلعب بصرف النظر عن الاهمال
*بصرف النظر عن عدم الاعداد الجاد
*بصرف النظر عن اي شئ
*بقوة وفتوة وحماس واصرار
*راس حربتنا يقعد في خط ستتنا
*الماشي ليها قدام شنو
*نقطه تعلن خروج نيجيريا من المنافسه
*وتعطينا الامل في باكر
*ومن هنا لي باكر يمكن ان نحاول تلافي اخطاء الماضي
*ونعد العدة جيدا
*دي نهائيات ما لعب
*ايها الناس
*الشريف ابدا ما يبقي مبسوط مننا
*الشريف لازم يزعل مننا طوااااالي
*كفاية انبسط كتير
*طوااااااالي الشريف مبسوط مني !!!
*الشريف المره دي لازم يعرف الطفي النور منو
*المهم
*واحد قال لي الناس ما طلعت للشارع فرحا للنصر القومي
*قلت ليهو موش لما يصدقوا اول
*اها
*نجي لي شمارات والي الخرتوم
*كان شفت يا والينا
*غلبنا نيجيريا في ارضنا اللينا
*وكان شفت يا والينا
*الجماهير ما طلعت فرحا في شوارع المدينه
*حيرتنا الجماهير يا والينا
*لاطلعت فرحا بقون المدينه
*ولا طلعت حزنا لحال المدينه
*مالها هي الجماهير دي بقت مسكينه !!!!
سلك كهربا
ننساك كيف والجماهير لا طلعت فرحا بهدف المدينه ولا طلعت حزنا علي المدينه المسكينه
والي لقاء
سلك
b_silik@hotmail.com
سودانايل أول صحيفة سودانية رقمية تصدر من الخرطوم
