كروز وكبري الترجي .. بقلم: بابكر سلك
4 يناير, 2015
منشورات غير مصنفة
29 زيارة
بسم الله الرحمن الرحيم
في السلك
*تتذكروا
*كبري اليمن بتاع رتشارد
*طيب تتذكروا كبري اورلاندو بتاع طمبل
*طيب بتتذكروا كبري العقد بتاع المدينه
*اها
*في كبري جديد
*يودي كده خمسه مسارات
*وكده خمسه مسارات
*اسمو كبري البرازيل تونس
*المهندس اسمو جيمي
*مهندس كباري مشهور
*حير الصينيين ذاتهم
*اسي بعمل في كبري اسبانيا السودان
*كبري طائر وبقلب هوبا كمان
*يقلب هوبه في اسبانيا
*يتشقلب في السودان
*اربطوا الحزام قوي
*المهم
*آخر كبري عملو المهندس جيمي
*كبري اسمو كبري القنبله
*بربط بين البرازيل و تونس
*بشيل عربات وبصات وهايسات وصواريخ
*صواريخ كروز دي قال ليك بتجي ماشه فيهو زي العجب
*ايها الناس
*كروز قنبلة الكاردينال موش مشي الترجي ؟؟؟
*طيب ليه الترجي ما رفع اسمو في القائمه الافريقيه الرفعها للاتحاد الافريقي ؟؟؟
*طبعا لانو لو لعب في الترجي افريقيا ما بقدر يلعب في نفس السنه في فريق افريقي تاني ينافس في البطولات الافريقيه
*وبما انو كروز جايينا بكبري تونس
*يبقي يخزنوهوا لينا لي شهر خمسه
*بالغت يا والي
*بقيت تخزن في الترجي كمان ؟؟؟؟
*فريق بقامة الترجي تقلبوا مخزن للمريخ ؟؟؟
*بالغت يا هندسه
*بكباريك دي حيرت الصينيين زاتهم
*غايتو جيمي لو داير يجيب ميسي
*حايعمل كبري كاتلونيا فداسي
*الصباح تلقوا ميسي في السياحي
*جاي علي الخرطوم
*يعني لو جيمي قال لي ناس الفيفا زاتو دايرين رونالدو
*حايقول لينا الكبري دايرنو من مدريد لي وين ؟؟؟؟
*غايتو شهر خمسه جنس كباري حانفتتحها
*حانجيب كاس افريقيا بالكباري
*-ومن المطار نلف بيهو كل الكباري
*المهم
*اعلام ناس روشا قال فيصل موسي نجم المباراه
*وقالوا باتريك يهني الشغيل واطهر وكاريكا بالظهور المشرف
*يعني نجم المباراه ظهورو ما كان مشرف ويستحق التهنئه
*نجم سااااااي
*نجوم من رق وعلي الورق ياروشا
*زدتوها مويه شويه
*دايرين تخففوا مرارات المدينه الفي حلوقكم
*عشان كده بتحاولوا تنجموا فيصل
*فيصل بنعرفو يا روشا
*تلاته سنين قاعد عدندنا
*يخربو
*لاصنع لعب ولا وقف حيلو
*وشوفوا ليكم زول نجموهوا غيرو
*ياخ ده بقع في الكورة الواحده اكتر من بايظ الكوتشينه في حريق فيهو خمسه لاعبين
*نتمني لفيصل النجاح بالذات وهو يلعب في درجة اقل
*في بلد الطشاش
*والطشاش في بلد العمي شوف
*المهم
*جمعتني جلسه ونسه مع الخال محجوب الماحي
*محجوب الماحي رجل من اسرة عريقه ومحترمه
*ورجل متدين سليل اسرة متدينه
*والده كان خليفة للطريقه الاسماعيليه
*ناس ذكر وصلاة وبتاعين ورد
*ولان الرجل من اسرة كهذه
*كان لابد وان يكون مريخابي
*بتونس معاهو
*حكي لي قصة مدهشه
*قال لي بعد الرياضه الجماهيريه
*الحاج شاخور والحاج زروق وبعض اعيان الانديه في السودان
*مشوا مصر
*وطالوا بتلك الصفه مقابلة انور السادات
*السودان كان محترم شديد
*وكذا السوداني
*اتعملت ليهم مواعيد لمقابلة انور السادات
*دخلوا عليهو
*وقالوا ليهو حكاية الرياضه الجماهيريه والضرر الواقع علي السودان
*السادات قدامهم بالتلفون المباشر والخطك الساخن اتصل باب عاج
*قال ليهو ايه ده يا جعفر
*ايه الانت عملتو ده
*الناس مدياك ضهرها ياخ
*ليه تلفتها عليك بس عشان تشوفك !!!!!
*العباره كانت ذات معني سياسي كبير
*مدياك ضهرها
*المهم النميري الغي القرار بعد خطاب الاديب الاريب الراحل عمر الحاج موسي
*والينا
*الناس مدياك ضهرها ياخ
*ليه تلفتها عليك عشان تشوفك بس !!!
*ايها الناس
*ان تنصروا الله ينصركم
*صدقوني
*انتوا انصروهوا وبتشوفوا بي عينكم البياكلها الدود دي
*اها
*نجي لي شمارات والي الخرتوم
*والينا
*شنو الانتحار الواقع فينا !!!!
*والام تضبح جنينها
*وناس ماده ايدينا
*وناس رافعه يا والينا
*وناس واقفه محلك سر فينا
*وناس القدم ليهو رافع يا والينا
*وناس تدعي ليها ولينا
*والدعاء يقطع الحاله ويقطع سنينا
*صف الغاز في طرف المدينه
*وصف الموت بوقف فينا
*الفي المقابر اكتر من البره يا والينا
*والفي القبور شفقانين علينا
*كلو يوم لي اقامة برسلوا لينا
*بس رسوم المغادره غاليه علينا
*كيف نغادر ونسيب ناسا بعتمدوا علينا
*كيف نغادر وشفعنا بتاتو وفيهم يادوبك اب سنينه
*كيف نغادر والزمن بغدر فينا
*كيف نغادر والمكر بمكر علينا
*قاعدين والله خير الماكرين يا والينا
سلك كهربا
ننساك كيف وممكن تلقي الاب معلق في شجره والام ضابحه فلذة كبدها الثمرة والود طاشي مباري ناس السلس بره والبت …اللهم استر القمرة
والي لقاء
سلك
b_silik@hotmail.com
سودانايل أول صحيفة سودانية رقمية تصدر من الخرطوم
