كشات المرور والمواطن اب قنبور .. بقلم: بابكر سلك
19 فبراير, 2015
منشورات غير مصنفة
32 زيارة
بسم الله الرحمن الرحيم
في السلك
*ايها الناس
*الوقت ليس مناسبا للحساب
*ولكن الحساب ولد
*والولد بجي في وقتو
*وقتو لسه ماجاء
*المهم
*اذا كان عضو مجلس او عضو دائرة مخطئ او مقصر
*فهذا لا يعني ان بقية اعضاء المجلس بعيدين عن المسؤليه التقصيريه تلك
*والتسلسل الهرمي يجعل رأس الهرم مسؤلا عن اخفاقات الآخرين
*وده ما وكتو
*يفترض فينا الآن ان نحارب لاجل الكيان
*وبعدها نحكم باعدام الطابور الخامس
*ونحاسب اصحاب المناصب علي قصورهم
*المهم الآن ان نكسب المعركه
*وبعدها نحاسب ونتحاسب لاجل مصلحة الكيان
*ايها الناس
*الزول لو قال ليك الكديسه ركبت القطر
*وجيت لقيت الكديسه ما ركبت القطر
*بل وجدت انو قطر زاتو مافي
*يبقي الزول ده كضاب ولا عندو اسم تاني ؟؟؟؟
*الزول القال عزام اشتكي
*واتضح انو عزام ما اشتكي
*زي ده بتسموهوا شنو ؟؟؟
*والزول القال غارزيتو قال لقي قضية بكري في لوزان
*كأنو جمب محكمة لوزان في عرضحلجيه قاعدين كل واحد فيهم تحت شمسيه
*ومعلقين خلفهم بورد قديم داقاهو المطره
*مكتوب فيهو المدعي والمدعي عليه ورقم الدعوي واسم القاضي
*وغارزيتو لقي نادي الهلال السوداني الصفراوي ضد بكري ال
*والباقي ماظاهر اكلتو غنمايه
*لكن غارزيتو خمن انو يكون نادي الهلال ضد بكري المدينه
*وقام غارزيتو قال كوصيه لي ناس المريخ في مطار اديس
*ما تلعبو بكري
*والبخت المنتخب غارزيتو
*الزول البقول كلام زي ده
*اسمو كضاب ولا عوير ولا عندو اسم تاني
*ورونا ليهو اسم يا ناس
*اما الزول البتخابر مع جهات اجنبيه ضد وطنو
*زي ده عندو اسم غير خائن ؟؟؟؟
*ولو اجتمعت في زول تلاته صفات
*كضاب وعوير وخائن
*بتسموهوا شنو ؟؟؟؟؟
*علي الاقل هل يحق لذلك الخائن ان يحدثنا عن الوطن والوطنيه تاني ؟؟؟
*كضب وخيانه كمان ؟؟؟؟؟
*العدم بعمل اكتر من كده
*الرصيد لما يكون (نيل) بخلي الزول يكضب ويقابض ويخون
*المهم
*عزام ليس بالفريق الذي يقصينا
*نعم لا يشبه كمونية زنزبار
*ولكننا لا يهمنا ان نهزم الضعفاء
*نهزم الاقوياء ثم نحتفل
*والجمهور هو زاد العبور
*ومريخاب ود الحداد وسنار ومكوار واهل بكري المدينه كلهم في ديم المشايخه وديم الجعليين
*جايين من هناك لمعركة العبور
*جايين لنصرة المريخ الجسور وولدهم بكور
*ولهم ما ارادوا
*علي الشفوت ان يعلموا
*ان العبور هو قرار يصدر منهم
*ينطلق من حناجرهم
*عندما تحيل حناجرهم ليل عزام الي جحيم
*عندما نشجع بصرف النظر عن تعجيل النصر ام تاخيره
*فالغضب الساطع عندما يأتي من المدرجات
*ما علي الكرة الا ان تقول سمعا وطاعه يا مولاي
*الغضب الساطع آت وانا كلي ايمان
*من كل مدينة آت
*من اي قرية آت
*من النخيل آت ومن اشجار الطلح آت
*نتشفتن ولن نتبشتن
*فقط علي الجميع ان يقوم بواجبه كاملا
*انه يومكم يا شفوت
*وسيسطر التاريخ انكم اتيتم بالنصر من فك الاسد
*انكم احبطتم الاحباط نفسه وهزمتوا المستحيل
*وقتلتوا الخائن والعميل
*ووقتها سنتفرغ للخائن والعميل
*لن نودع المنافسه
*هكذا قررنا
*واصرارنا يجعلها تنصاع لنا
*والماعاجبو تأهلنا
*ينتحر قبل يوم تمنيه وعشرين
*عشان ما يحضر التأهل
*ايها الناس
*اقول شنو ولا شنو
*ولكن القول في حناجركم ينتظر لحظة الميلاد
*ايها الناس
*مسعولين من الخير
*مهند بتاع الدوري الاسباني
*دحين لاقاكم في ديقيتال ولا طبق ؟؟؟
*مافيكم زول شافو في شاشه ولو غشاشه ؟؟
*في تلفزيون ابيض واسود قابلكم ؟؟؟
*في الحلم طشاش طشاش شفتوهوا في كورة في اسبانيا ؟؟؟
*في الطيف او في الصحيان قابلكم ؟؟؟
*ولا يكون دوري الدرجه التانيه الاسباني ببدأ بعد الليقا تنتهي !!!!
*ايها الناس
*ان تنصروا الله ينصركم
*اها
*نجي لي شمارات والي الخرتوم
*انت يا والينا
*حملات المرور دي مخصوص لينا
*ولا علي الجميع نطبق اللوائح والقوانينا
*والينا
*حملات المرور فقط للمواطن ابو قنبور
*وتترك المنظمين والعسكور
*بنشوفهم يا والينا مظللين وبالموابيلات اثناء القياده في حبور
*والعسكري شايف ده كلو كأ،و ما مسؤل
*ويوقفنا نحنا عشان الحزام مامربوط في الصدور
*ويفسح المجال لي ديك للمرور
*وهل القوات النظاميه يحق لها خرق النظام ليلحقوا الطابور
*ناس لوحاتها قديمه
*وعرباتها مظلله مظلمه ظلمتها عتيمه
*وعرباتهم من استيكرات الترخيص عديمه
*وحايمين بطمأنينا
*وحملات المرور تفتح ذراعيا للمواطن المغمور ابو قنبور
*في مليون عرباتهم يا والينا لو رخصوها تجيب مليارات لدولة الهنا والسرور
سلك كهربا
ننساك كيف والناس ربنا خلقهم سواسيه لكنهم امام حملات المرور ماكده , بوريه وكاب والباقي كلاب
والي لقاء
سلك,
b_silik@hotmail.com
///////
سودانايل أول صحيفة سودانية رقمية تصدر من الخرطوم
