سودانايل أول صحيفة سودانية رقمية تصدر من الخرطوم
أخبار أخرى
طبعا كثيرين سمعو نكتة الرجل الذي تزوج ابنه من خواجية ، وبدت النقة، كيف يا ولد تتزوج كاافرة واولادك يقولو ليهم اولاد الكاافرة ، الولد جاب زوجته لبيت الاسرة وقال لابوهو الزولة دي خلوها معاكم وانا مسافر، الخواجية اهتمت بالحاج اهتمام جد عصير برتقال فريش وكورن فلكس واخر ذوق وتهذيب ، اتصل الابن بالوالد وقال له الكاافرة كيف معاكم؟
الحاج قال لابنه : علي الطلاق كاافرة امك دي !
بعد حرب الكرامة والخدمات الجليلة التي قدمها الحزب الشيوعي للكيزان ، ناس سناء لو كوز درويش قال ليهم الشيوعيين كفار ، سناء حتقول ليهو : علي الطلاق كاافر علي الحاج!
هذه التحولات الدرامية مهمة جدا لفهم تجار الدين على حقيقتهم ، اذ انهم يشهرون سيف التكفير لحراسة مصالحهم الدنيوية ، الكاافر في عرفهم هو من وقف ضد مصالحهم السياسية اما من خدم مصالحهم فهو من الانبياء والصديقين!!
التحالف الخفي بين الكيزان والشيوعيين يكشف تناقض وعدم اتساق الطرفين مع افكارهما المركزية!
رشا عوض
٢٠ سبتمبر ٢٠٢٥
