سودانايل أول صحيفة سودانية رقمية تصدر من الخرطوم
أخبار أخرى
سؤال جاد جدا
ماذا تعني مفردة شعب في قاموس الكيزان؟
نتحدث عن هدنة مرتقبة يعني وقف اطلاق نار مؤقت لاغراض انسانية يجي الكوز او البلبوس المعتوه ويقول ليك ، انتو قايلين الشعب دا ممكن يوافق على كدا، البرهان حيعمل شنو مع الشعب لو وافق على هدنة ، لو رجال قولو للشعب هدنة! الخ الهراء
ابقو رجال انتو وتحدثوا اصالة عن انفسكم بدلا من الاختباء خلف الشعب، قولو نحن الكيزان ما عايزين هدنة ولا عايزين نسمع كلام عن السلام، نحن الكيزان ما حنخلي البرهان يعمل سلام وحنجبره على التراجع ، نحن الكيزان لو تم توقيع هدنة سنخرقها ، كدا ممكن نحترم صدقكم وشجاعتكم ، لكن سرقة لسان شعب كامل بالملايين ومغالطة طبائع الاشياء وبكل بساطة ترويج الادعاء الابله والسمج بان كل الشعب السوداني مستمتع بالحرب ويطالب بمزيد من القتل والدمار وضياع المستقبل ، ومن شدة عشق الشعب للحرب ورغبته الجامحة في مزيد من الجثث والاشلاء والمباني المنهارة ومزيد من الجوع والتشرد وحمى الضنك المتناغمة مع اصوات الانفجارات فانه سوف يرفض اي هدنة انسانية وسوف يضرب كل من يتحدث عن السلام بالصرمة القديمة ويبصق على وجه كل من دعا لمفاوضات السلام ويحمل دعاة الحرب على رأسه!!!
هل هذا كلام يمكن ان يدخل العقل؟
الشعب السوداني امنيته السلام والامان واطفاء هذا الحريق الا قلة معطوبة الضمير تسرق لسان الشعب وتجعله يردد امانيها هي واطماعها الدنيئة في العودة الى السلطة وان كلف ذلك حربا طويلة تقتل وتشرد الملايين
كل ما نريده من تلك القلة المأزومة ان تكون شجاعة ولا تنتحل شخصية شعب بالملايين ، وتقول نحن الحركة الاسلامية ضد السلام ومع استمرار الحرب حتى تعيدنا الى السلطة.
انقدو_السودان
لا_للحرب
