ما قلتوا فلس .. بقلم: بابكر سلك

أخبار أخرى

كابتن علي قاقارين في ذكري الرحيل

‏3 أسابيع مضت

البرهان : عدم حرمان أي سوداني من استخراج الأوراق الثبوتية حتى وإن كان لديه بلاغات جنائية فهذه حقوق مشروعة

18 ديسمبر, 2025

السودان بين حروب الموارد وأقنعة الهوية -قراءة لكتاب

14 ديسمبر, 2025

بسم الله الرحمن الرحيم

في السلك

*ناس سنار عندهم حفله

*ولدهم بكري نجح ودخل الجامعه

*ولكل مجتهد نصيب

*عقبال محمد عبدالرحمن واطهر الطاهر

*البنجح كلو بجي الجامعه

*مرحلة الثانوي دي المفروض تأهل الطالب للجامعه

*والجامعه محل الكبار

*والكبار هم الذين يتواجدون في لوح الشرف الافريقي

*ومن الطبيعي ان ينتقل اللاعب من النادي الصغير للنادي الكبير

*والنادي الصغير هو النادي الذي فشل في تسجيل اسمه علي لوح الشرف الافريقي

*والانديه الخارج لوح الشرف الافريقي في البلد دي كتيره

*تريعة البجا والزمالك رابطة الحاج يوسف وقلب الاسد امدرمان والهلال

*لذا اي لاعب في البلد دي يحلم بان يتطور ويصل الفريق الجوي

*اللاعبون يريدون المطار

*زهجوا من الوقفه بره المطار جمب جاد زي امجاد

*ايها الناس

*ناس روشا قالوا جمال فلس

*ونشروا في الواتس صورة بكري وهو يوقع علي عقد امام الكاردينال

*وقلنا ليهم العقد ده غير ملزم

*العقد الجايبنوا من الكشك ده ما بنفع

*لذا قالوا جمال فلس

*وقلنا ليكم لو قلنا للفلس زاتو جمال فلس

*الفلس ما بصدق

*الفلس بعرف ناسو

*وها هو جمال يسجل بكري

*وما معروف غدا سيسجل منو

*غايتو لو عندنا خانه في دائرة الكرة

*أأكد ليكم جمال حايسجل فيها الكاردينال

*ايها الناس

*بشه اتغشه

* ناس روشا ركبوهوا التونسيه

*عرسك ده يا بشه

*الا تجيب الشيله قطاعي

*جماعتك ديل ابو النوم ماعندهم

*واسأل باقان  اموم

*ايها الناس

*باسكال لاعب جيد

*ونحتاجه كثيرا خصوصا افريقيا

*نوصي المجلس باعادة قيده

*المه

*تعرف يا ريس

*الجماهير تطالب بي روشا

*عليك الله سجلو لينا

*اصلو طالع فك تسجيل

*قالوا كردنه ما داير يعيد قيد روشا وفوطمه

*داير يقلب المشاهد

*كتلوك ولا جوك جوك

*ايها الناس

*طبيعي ان يغادر الناس بلد اليباب

*يبابكم يا روشا طفش ناسكم

*ايها الناس

*ان تنصروا الله ينصركم

*اها

*نجي لي شمارات والي الخرتوم

*كان شفت يا والينا

*كمسرحيين البلد دي فرصة ما بتدينا

*ولكن  ناس المسرح يا والينا

*ناس المسرح مصرين يخففوا علينا

*بقوا يجونا في محلاتنا يا والينا

*ويخففوا علينا

*دبورة المسرحي يا والينا

*مرة جا جمب بيت الخليفه يا والينا

*لقي عسكري من شرطة السياحه حارسو لينا

*الزهج راسم ملامحو علي الشرطي يا والينا

*دبوره قال ليهو يا اخينا

*ده بيت الخليفه ؟؟؟

*العسكري قال ليهو ايوه بيت الخليفه الكان لينا

*دبورة قال ليهو الخليفه في يا عسكرينا

*العسكري قال ليهو الخليفه لو في لي الليله ماصرفنا مواهينا

سلك كهربا

ننساك كيف والناس بقت بالرسمي تحن لي زمن الخليفه يا والينا

والي لقاء

سلك

b_silik@hotmail.com