من كبري كوبر يا البحر يا كوبر يا المصحه .. بقلم: بابكر سلك
3 ديسمبر, 2014
منشورات غير مصنفة
26 زيارة
بسم الله الرحمن الرحيم
في السلك
*محمد عبدالماجد امس زعلان شديد
*كييييييييييييف المريخ يسجل من الهلال
*محمد عبدالماجد ده اظنوا بعد القون التالت الجابو راجي بقي ينسي
*يا محمد الف مرة قلنا ليك
*طبيعي الفريق الصغير يفرخ للفريق الكبير
*وسياسة الكاردينال الجديده دي صحيحه ميه الميه
*الهلال يعتمد علي الصغار
*يؤهلهم
*البنجح فيهم يرتقي للمريخ
*يعني نحنا وكت ندخل فيهو الحله والاحياء نفتش شفع ماعندنا
*وكتنا يكون في تسجيلهم بعد ينجحوا في الفريق الصغير
*وبعد داك نشتغل معاهم تكتيك واكل سمح وفنادق وكده
*ادخلوا مع كردنه الاحياء
*شوفوا لينا طرف يمين يا حماده
*عشان ترتاح من بله جابر
*وهذا ما لزم توضيحه
*المهم
*للمعلوميه جمال سالم مسجل في الرديف
*يعني الفريق الكبير فيهو بس عزو وايهاب
*عليك الله شوف الفرق
*معز وايهاب وجمال
*شوف الاسامي دي
*شهادة عربيه !!!
*ياخ خلينا ياخ
*المهم
*جمعه بتاع ابيي بين ليلة وضحاها بقي اجنبي
*بين ليلة وضحاها رجع لي اهلو بالطياره
*طيارة جوبا
*طيب الفي ابيي ديك اسقطوا حضانتك ولا شنو يا جمعه ؟؟؟
*ايها الناس
*كوبري كوبر من اخطر الكباري في البلد دي
*الوقعه منو ياالبحر يا السجن
*ولو اتخارجت بوديك علي المصحه عدل
*ده كبري شنو ده كبري الجن ده
*وبرغم الصيانه التي قامت بها الدوله
*الا انو كلو شئ وارد
*ايها الناس
*تحدث جمعه عن رفضه لعرض المريخ الخيالي
*دي فتح فيها خيال الزول ده
*وتحدث عن انو مطلوب في مازيمبي وفيتا
*معقوله !!!
*موش ديل ياهم القابلوك وكندكوك بره الخط ؟؟
*عملت شنو في مباريات الهلال ضدهما عشان يسكوك ؟؟؟
*يخيل لي حكاية المريخ يفاوضني وقمة الكنغو تطاردني
*دي لافتات معلقه علي كوبري كوبر قراها جمعه
*واتلفتي
*ايها الناس
ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*مجلس تشريعي ولايتك اجتمع و قال لينا
*لازم يفتحوا بلاغات في المعتدين علي المال العام فينا
*اكتشفوا الحكاية دي وضرورتها يا والينا
*بارك الله فيهم يا والينا
*وكان شفت يا والينا قالوا لينا
*انو المخالفات بتهدر مليارات الجنيهات من مال الدوله والشعب يا والينا
*دي كانت فايته علينا
*بالله اكتشفوها كيف دي ؟؟؟
*يعني كان ما اكتشفوها كان ضعنا يا والينا
*لكن ما ورونا مال الشعب في المليارات دي كم ومال الدوله كم يا والينا
*كلامهم كلو كان عن مشروع نظافة ولاية الخرطوم يا والينا
*لكن تفتكر مافي وسخ غير موضوع الوسخ يا والينا !!!!!
*مخالفات قدر ده , ده مشروع نظافة الولاية من الاموال الفضلت لينا
*ولا مشروع نظافة الولايه من الناس يا والينا
سلك كهربا
ننساك كيف وبكرة ممكن يتحللوا لينا ويتحلل الوسخ الفينا
والي لقاء
سلك
سودانايل أول صحيفة سودانية رقمية تصدر من الخرطوم
