ميشو ليييييييييييييه ! .. بقلم: بابكر سلك
9 مارس, 2015
منشورات غير مصنفة
31 زيارة
بسم الله الرحمن الرحيم
في السلك
*لجأ الهلال للاستعانة بميشو
*هذا اللجوء ليس عبطا
*ولكنه لجوء سياسي
*لجوء لسياسة معينه
*سياسة الاستفاده من خدمات الرجل وقدراته وعلاقاته
*فالرجل صاحب تجربة افريقيه كبيره
*نتجت عنها علائق طيبه ربطته بالافارقه من اهل الكرة
*فالرجل يعرف الكثير من الحكام الافارقه
*ويعرف من فيهم الضعيف ومن فيهم القوي
*وكم ثمن الضعيف
*الراجل حريف وحصيف
*حصيف جدا
*كما يعرف اللاعبين الافارقه جيدا
*ويعرف من فيهم الخطر علي الخصوم
*ومن فيهم الذي يشكل خطرا كبيرا علي فريقه
*لذلك كان ميشو هو الحل في ظل فريق وصفه الفاتح النقر بانه مواسير
*وتصريح الفاتح النقر ذلك هو ما عجل بإقالته
*لانه فضح نطق الناطقة عن جودة المحترفين وحصافة كردنه في اختيارهم
*لان النقر فجر قنابل كردنه الفشنك قنبله قنبله
*فلم يعجب ذلك الناطقه اختي
*المهم
*الناطقه ما ورتنا القنبله باتريك اتشال ليه
*علي كل الغرض من الاستعانه بميشو تعرفه افريقيا كلها
*المهم
*امس ما شفنا مباراة تيم الحكام وسيد الاتيام
*فهل اهدي التحكيم نقاط اضافيه للهلال بعد الاطناشر نقطه التي منحها له منذ بداية الدوري ؟؟؟
*وهل نسي الاهله قصت بكري المدينه واقتنعوا بان بكري من خلفه جماهير تستطيع ان تحميه بقوه وتفشل كل المخططات ؟؟؟
*وهل يدرك الاهله ان الشفوت قرروا توفير الحمايه لكل ما يرتبط بالمريخ بصرف النظر عن موقف المجلس ؟؟؟
*وهل يعلم الاتحاد ولجانه انهم بتحيزهم الواضح والفاضح يعدون لكارثه جماهيريه من غير المناسب اندلاعها والبلد تدخل علي انتخاباتها ؟؟؟
*وهل يدركون حجم الكارثه ؟؟؟؟
*وهل يعلمون ان جماهير المريخ قد اجتمعت بدار النادي بالامس وقررت
*قررت تسيير مسيرة ضخمه وتسليم مذكرة لرئاسة الجمهوريه تفضح الاستهداف وعدم حياديه اللجان المنوط بها تحقيق العداله
*وتمت الاتصالات بمريخاب الولايات الذين ايدوا القرار
*والآن هم جاهزون للحضور للخرطوم للمشاركة في المسيرة التاريخيه
*المهم
*اضحك كثيرا علي مقولة تحويل المدينه للرديف
*هل في هذا اعتراف بان رديف الهلال المقيد غير متقيد بالسن ؟؟؟
*صدمة المدينه يجب ان يفوق منها الاهله الذين نسوا خانه فاضيه في التسجيلات
*ايها الناس
*هل افلح التحكيم الهجين السوداني في رفع راس التحكيم بالامس ؟؟؟
*ام استظلوا براية يخطئ ولا يظلم ؟؟؟
*ايها الناس
*يجب ان لا ننسي
*ان للنسور ضربة جزاء في الشوط الاول مصحوبه بطرد اخطأ فيها الحكم
*واخري في الشوط التاني
*وعكس حالات كتيره
*وتغاطي عن مخالفات الشغيل الكثيره
*فهذا اللاعب مثل السيارة الخرده الغير مرخصه
*كلو مخالفات
*وراقبوهوا في مقبل المباريات
*وان للمرغني كسلا ضربة جزاء في الشوط الاول
*وهدف صحيح منقوض
*وان للمريخ ضربة جزاء صحيحه في مباراة اهلي الخرطوم ارتكبت مع رمضان
*وضربتا جزاء في مباراة شندي ارتكبتا مع بكري
*وهذا قليل من كثير
*سامبول ساكت
*كل هذا والدوري في بداياته
*المهم
*قروش الثريا يا فطومه مالكم مادفعتوا منها لي سيمبو
*مالكم بترحلوا لاعبينكم بامجاد
*دولارات الثريا برضو طلعت نطق سااااي ؟؟؟
*بمناسبة دولارات الثريا
*ماهو موقف الضرائب منها ؟؟؟
*وهل نتوقع من الضرائب التي تأخذ حقها من صبي يدردق درداقه تحت هجير الشمس
*ان تعفي ملايين الدولارات الجايه من الثريا وتخرجها من تحت المظله الضريبيه ؟؟؟
*ايها الناس
*قرر زكي ايقاف بكري لحين مقابلة اللجنه
*قرار صدر نهارا سبقته عليه الصحف الهلاليه صباحا
*الامر الذي يؤكد المؤامرة
*فهل قرر زكي بعد قراءة الصحف الهلالية
*ام اتفق زكي مع الصحف الهلالية ولكن كان لها السبق
*خشمها خفيف
*سبقتو
*هو نفسه زكي الذي القي بقرار فردي نهائي بطولة الأشبال الأولى عندما ظفر بها المريخ
*وهو نفسه زكي الذي (لحس ) قراره بعد ان أخرجنا لسانه ومسحنا به قراره الظالم
*وهو نفسه زكي الذي تواري خجلا بعد إلغاء قراره بإيقاف بكري لحين مقابلة اللجنة ؟؟
*إيقاف بالقا يا زكي
*قررنا إبعاد زكي عن العمل الرياضي
*وحا تشوف يا زكي
*هكذا هو قرار الشفوت
*وهو نفسه زكي وزكي وزكي
*ومن زكي ؟؟؟
*لا يهمنا كثيرا
*فقط عليه ان يعلم انه مسجل بالقلم الشيني في (البلاك ليست ) التي اعدتها الجماهير
*اللسته طويله
*ولكني اؤكد لكم ان فيها اسم صلاح احمد محمد
*بصراحة صالح ما لاحظت ليها في ولا مافي
*وفيها حكم الخرطوم الجديد مين كده الطريفي
*والقائمه طويله
*زي اللمحت فيها اسم رضا التلفزيون القومي
*ومعز التمشيطيه والفاضل
*لكن ابو شنب ولا عبدالعاطي ما فرزت
*يتخيل لي الاتنين
*طريفي ايه الجاي تقول عليه
*ايها الناس
*هذا بمثابة إعلان لشفوت الولايات الذين لم يتم الاتصال بهم
*المشاركة في المسيرة لرئاسة الجمهورية فرض عين
*قرفنا
*خلاص
*كفانا
*قررنا حسم الاستهداف وبسط العدالة
*ننادي بإعطاء كل ذي حق حقه
*ايها الناس
*حضورا مشرفا كلنا
*بروفة المباراة الإفريقية
*تعالوا لنثبت للعالم اننا اكبر حزب في هذا البلد
*وان العمل علي ظلمنا يؤدي لعواقب وخيمة وعدم استقرار وجهجهة عيشه
*ايها الناس
*لانريد مجاملة من التحكيم ضد الامل
*ليضاري بها سوأته وسقطاته التي يطلق عليها أخطاء
*قون ما جبناهو عرق جبين لا يسرنا
*فنحن لسنا بضعفاء حتى نقبل هبات التحكيم
*وهفوات التنظيم
*اطلقنا حملة كلنا بكري
*والبهبش بكري هبشنا
*والبهبشنا يتحمل نتائج تلك الهبشه
*غلطان البهبش الاسد المربعن يا اتحاد
*ايها الناس
*الإيقاف لحين مقابلة اللجنة
*يعني عقوبة بدون إدانة
*نفرض ثبتت براءة بكري مما نسبوهوا اليه جورا
*الكورة الوقفها دي شنو ؟؟؟
*امر قبض يعني ؟؟؟
*اول مرة يا زكي اشوف عقوبة تسبق الادانه
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الانتخابات دي ماواقعه لينا
*كيف يكون ابن المنطقه بار يا والينا
*وهو ماشغال بينا
*لاشفناهو في بكياتنا (الكترت ) يا والينا
*ولا في اعراسنا رقص وخت لينا
*واول من جات الانتخابات لينا
*فكر فينا
*وعلق لافتاتو لينا
*طبعا عشان احتاج لينا
*لكن صوتنا يا والينا
*البديهو ليهو يبقي اضينه
*قول ليهو قوم قد يا والينا
سلك كهربا
ننساك كيف وكلو مرشح قايلنا جنينه
والي لقاء
سلك
b_silik@hotmail.com
//////////
سودانايل أول صحيفة سودانية رقمية تصدر من الخرطوم
