هلال الفاشر وهلال الفاشل .. بقلم: بابكر سلك
23 أكتوبر, 2014
منشورات غير مصنفة
26 زيارة
بسم الله الرحمن الرحيم
في السلك
b_silik@hotmail.com
*اكتب قبل مباراتنا ضد هلال الفاشر
*قدمت الدعوه لصديقي الهلالابي وليد البشري
*قلت ليهو يا ولي عازمك كورة
*قال لي كورتكم ما بدخلها
*قلت ليهو كورتنا ما تدخلها
*ادخل كورة هلال الفاشر
*وشجع هلال الفاشر
*يمكن تلقي ليك بليلة مباشر
*اتفكفك من هلال فاشل
*هلال تمنيه وتمنين سنه فاشل في تخطي محطة الصفر
*هلال تمنيه وتمنين سنه فاشل في تسجيل اسمه في لوح الشرف الافريقي
*هلال تمنيه وتمنين سنه فاشل في امتلاك شعار
*هلال تمنيه وتمنين سنه فاشل في احراز بطولة جويه
*هلال تمنيه وتمنين سنه فاشل في دخول المطار
*فالح بس في القعاد بره جمب جاد مع امجاد
*ايها الناس
*التراس الهلال لفت نظر الناس لي حكاية عجيبه
*ولا احد يتشكك في ولاء التراس الهلال للهلال
*لذا يفترض ان يقف الاهله عند كلمة الالتراس
*قالوا انهم يرفضون التدخل الصحفي في الشأن الفني
*يعني في تدخل صحفي في الشأن الفني
*ودي جديده
*وغريبه
*وبذا تؤكد ان هناك خلل في مجلس الست
*ومجلس الست هو المجلس الذي تديره ست شخصيات
*او هكذا افهم من العباره التي اطلقها كبوتش
*ولا ما كده يا كبتشه ؟؟؟
*المهم
*كيف يسمح مجلس الهلال بالتدخلات الصحفيه في التشكيل ؟؟
*وهل سبقه مجلس بالسماح بالتدخلات الصحفيه في التشكيل ؟؟؟
*ولماذا يسمح مجلس الهلال بالتدخلات الصحفيه في التشكيل ؟؟؟
*وماهو دور التدخلات الصحفيه في الانتخابات الاخيره ؟؟؟
*وهل تضر التدخلات الصحفيه بالتشكيل ؟؟؟
*ام تفيد التدخلات الصحفيه في التشكيل ؟؟؟
*ماهي علاقة روشا بتلك التدخلات الصحفيه في التشكيل ؟؟؟
*وهل فطومه اختي لها تدخلات صحفيه في التشكيل ؟؟؟
*الحكاية خلي بالك دايرة ليها رأي ورأي آخر
*لفوا الطبق وارجونا
*ابقوا معنا
*لكن القصه فيها فوضي
*المهم
*انهزم اهلي عطبره بالتلاته من الهلال
*لان اهلي عطبره ضعيف فنيا بالمقارنه بالهلال
*يبقي عرفتوا ليه انهزم الهلال بالتلاته من المريخ ؟؟؟؟
*المهم
*اتوقع سهرة رائعه في مباراتنا ضد هلال الفاشر
*سنخرج مبسوطين زي ماخرجنا يوم مباراتنا ضد هلال الفاشل
*فنحن تبقي لنا فقط هلالان
*نغلبهما ونكون غلبنا اي هلال في البلد دي
*الهلال الاحمر وهلال الجربوكس
*وحاندخلهما في قائمة شهداء موسم 2014
*ان شاء الله
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*ضاقت بينا
*حلوها لينا
*يا الشجره يا والينا
*تحس بينا
*وتتألم لينا
*وتتحلل ترد دينا
*وتحلها لينا
*يا والله يا والينا
*في شجرة بالحبل تلقونا معلقين لينا
*مدلدلين الهواء ضارب رجلينا
*صورتنا كبيرة في الدار في الصفحه الاولي يا والينا
* والدار تترحم علينا
سلك كهربا
ننساك كيف والناس بسبب الشجرة بقت تتعلق في الشجره وتتدلدل مرتاااااااحه
والي لقاء
سلك
////////
سودانايل أول صحيفة سودانية رقمية تصدر من الخرطوم
