ييي بليدنا وكلنا اخوان .. بقلم: بابكر سلك
25 نوفمبر, 2014
منشورات غير مصنفة
43 زيارة
بسم الله الرحمن الرحيم
في السلك
*عقد الجلاد معني الغني
*وفي غناها كل المني
*بتحس بيها بتزيل عبرة من حلقنا
*وتلمنا
*غنينا مع عقد الجلاد كلنا
*لا درادر ولا درادر لا مظاليم لا مظالم
*غنيناها بيمان تام
*وغنينا معهم
*ييي بليدنا وكلنا اخوان سوداني بليدنا ييي
*ومنها حقو كان نعرف
*انو غنية عقدالجلاد ييي بليدنا كان قانونا
*يعطي جنسية الوطن الحعزيز
*لكل من ينتمي الي يي
*يبقي ماغريبه جمعه يكون من يي
*وماغريبه لو كان من يي يكون عندو جواز جمهورية السودان الشمالي
*اما الذي يلعب لمنتخب دولة جنوب السودان
*الما من ابيي
*ده ما جمعه
*ده خميس اخوهو
*وبالمناسبة
*يمكن يطلع ليهو اخو اسمو سبت
*بلعب صانع لعب
*كان في احشاء امه بابيي لمن امو كانت هناك
*لكنه اتولد في ملكال
*زي ده برضو من يي
*مرحلة من مراحل تطوينه في بطن امه قضاها بابيي
*ايها الناس
*هل نريد حقا تطورا للكرة عندنا ؟؟؟
*هل فعلا مانقوم به يقودنا للتطور ؟؟؟؟
*هل نحلم بشفافية ونزاهه بقناعه في اروقه ودهاليز الرياضه ؟؟؟
*هل نذكر صالح سنار الذي لعب تحت السن سنوات ؟؟؟؟
*وبموجب شهادة ميلاد رسميه
*هل نذكر الحكم اليوغندي الذي سافر بتقرير مباراة الهلال وناساروا النيجيري الوديه المعلنه ؟؟؟
*الحكم الذي انذر عمر بخيت وبحكم القانون كان هو الانذار الثالث لان المباراه معلنه
*وعندما دقس الاهله واشركوهوا دوريا
*اشتكي الفريق المنافس مستندا علي الانذار الثالث لعمر في تلك المباراه
*هل تذكروا رد اللجنه بتاعت الاتحاد ؟
*اذكركم
*قالوا الحكم شال التقرير معاهو يوغندا بالخطأ
*وحايتصلوا بيهو عشان يرسل ليهم التقرير
*تصدقوا مرت سنوات والتقرير لسه ما وصل
*تقرير المصير حصل
*وتقرير الحكم اليوغندي ما وصل
*بربكم كيف نمني النفس بمستوي كروي متطور ؟؟؟؟
*شخصيا انا من ابيي
*لسببين
*الاول اني طويييييييييييييييييييل
*والتاني اني بغني ييي بليدنا وكلنا اخوان
*كان رضينا كلنا اخوان
*وكان ابينا كلنا اخوان
*اخو
*اخوي
*اخو البنات
*كلمات كثيرة التداول عند الشعب
*حتي غنانا
*اصلو البينا خوه
*والسياسيون يستهلون مخاطبتهم لنا بعبارة
*ايها الاخوه والاخوات
*ايها الناس
*قالوا العاملون بسودانير يهددون بالاضراب
*ويييييييييييييين الاسم ده يا هثرو
*اقصد يا ناس !!!!
*سودانير دي وطنيه ميه الميه
*ومن ابيي كمان
*المهم
*تمضي الايام
*والافق فااااااضي
*فهل يا تري اكتفينا بتفويت المغمور والمكسور والمبهور ؟؟؟
*وقعدنا بره في السور
*نتفرج ساااااااي !!!
*اري ان ننسي الموضوع ده لو كنا ما جاهزين
*اخير من نجيب من طرف ساي
*لدواعي القشره ومضارات الغفله والفشل
*وقد يكون الامر غير ذلك
*قد تكون لجنة التسجيلات تعمل في صمت
*لكن الايام ستكشف كل شئ
*المهم
*ييي بليدنا كلنا
*وكلنا اخوان
*وما تستغرب يامان
*ايها الناس
*ان تنصروا الله ينصركم
*اها
*نجي لي شمارات والي الخرتوم
*في صحيفه واحده قرينا
*خبرين ضد بعض يا والينا
*السيد الرئيس يوصي بسن قانون لمقاضاة المفسدين فينا
*وخبر يفيد بعدم تداول الفساد في مكتب والينا
*ياتو الصاح يا والينا
*قول لينا
سلك كهربا
ننساك كيف والتداول وعدم التداول ما بنفي واقع لينا
والي لقاء
سلك
b_silik@hotmail.com
//////////
سودانايل أول صحيفة سودانية رقمية تصدر من الخرطوم
