tahamadther@gmail.com
(1)
تخيل عزيزى القارئ الكريم.ان الرئيس السودانى المخلوع البشير.وفى احدى مؤتمرات او مؤامرات مايسمى المكتب القيادى لحزب المؤتمر الوطنى المباد.
تخيل ان هذا المخلوع.طلب من جميع الاعضاء ان يدلوا بارائهم وافكارهم واقوالهم.وان يتحدثوا بكل صراحة ووضوح.ودون خوف من عقاب او حساب.
ان يتحدثوا عن كل الاوضاع الامنية والساسية والاقتصادية والاجتماعية.ومايجرى فى كل الساحات السودانية.
(2)
فوقف العضو المميز بنجمة.والمقرب دائما من المخلوع.الجنرال عبدالرحيم محمد حسين.دعك من لقبه واسمه التجارى!!وهذا الجنرال معلوم انه تقلد كثير من المناصب بل انه كان يتم تحريكه كاى قطعة شطرنج صغيرة الحجم.حتى إستطاع الشعب وفى ثورة ديسمبر المباركة.ان يزيحه ويكش ملكه!!المهم ان السيد الجنرال.ماصدق ان الفرصة جاءت اليه تجرجر اذيالها.وأت السانحة ليخرج مافى جوفه من هواء ساخن.فوقف امام المنصة الرئيسية.وقال ياسعادة الرئيس والله الاوضاع الامنية والسياسية والاقتصادية.كلها زى الزفت.والزفت ذاتو احسن منها.هل تصدق ياريس انو الناس ما لاقين لا رغيف لا كسرة ولا كهرباء ولا موية.ياخى الناس قاعدة تعانى معاناة.ماسبقهم بها احد من العالمين.وبعدين بصراحة كد إحنا كنا بنغشك ساكت.وقت فلنا ليك عندنا منظومة امنية قوية جدا.وطبعا سعادة تتذكر حكاية الدفاع بالنظر.واحنا ذاتو لو عندنا نظر.كنا لابسين النظرات دى؟وشوية شوية تترفع نبرات صوت الجنرال.وتبدأ انفاسه تقوم وتقعد.وقال ياسعادتك فى حاجة مهمة شديدة.انو الحبش احتلوا جزء كبير من الشريط الحدودى بولاية القضارف.
وطبعا احنا ماردينا عليهم حسب توجيهاتك.وبرضو المصريين توغلوا فى حلايب.
وبرضو ماسالناهم حسب توجيهاتك.لانك عارف انو المحاولة الفاشلة بتاعت حسنى مبارك.هى الخلت المصريين يدخلوا حلايب.ويعملوا فيها السبعة وذمتها.وبعدين الحالة الاقتصادية سيئة شديد.فالدقيق الموجود فى المخزون الاستراتيجى قرب يخلص.برضو السكر.ونحنا طلبنا من ناسنا الفى الاسواق يخفضوا الاسعار شوية.ولكن مافى زول عمل بكلامنا.وهنا لاحظ الاعضاء ان البشير مرات يتضايق من كلام الجنرال.ومرات يشغل نفسه بتقليب بعض الاوراق الموضوعة امامه.وفى احيان اخرى كان يمد شلالفيه مترين لقدام!!
()
وتخيل كثير من الاعضاء.وبعد هذا اللقاء العاصف ولقاء السحاب.وبعد هذا الكلام الصعب والقاسى الذى ادلى به الجنرال عبدالرحيم.تخيلوا بل وإقتنعوا بان البشير لا محال سيحيل الجنرال للصالح العام.بعد هذه الافادات النارية..ولكن الرئيس وبعد الصلاة على النبى قال.نشكر الاخ عبدالرحيم على هذا الكلام الطيب.ولكن بسأل الاخ عبدالرحيم.أنت ياعبدالرحيم.مش ارقام تلفوناتى كلها معاك؟وانت مش قاعد تدخل على فى المكتيب او البيت فى اى وقت؟وانت مش قاعد تتابعنى زى ضلى؟ليه ما وريتنى بالحاصل دا.وانت عارف الساكت عن الحق.شيطان اخرس.
وامس النهار,انت جيتنى فى المكتب وقلت عاوز ليك دورلارات.عشان تشطب بيها عماراتك الجديدة؟وانا صدقت ليك بالمبلع العاوز.وبرضو قبل كم يوم جيتنى وقلت لى عاوز لى مربع سكنى فاخر فى كافورى.وانا قلت للجماعة يشوفوا ليك الموضوع دا!!وبرضو قبل كم يوم مش قابلتنى وقلت لى عاوز نفك صاحبك( x)المعتقل عند ناس الامن.وانا أمرت بان يطلقوا سراحو.طيب ليه ماقلتا لى عن سؤ الاوضاع؟ خليك من دا كلو .انت امس مش اتغديت معانا ببيامية مبروكة بحلم ضأن؟وكمان جبت لامى توب امازون بيحى ببينى؟وللخيال بقية..
(
///////////////////
