المشايخ والسياسة

 

 

عصام الصادق العوض
2 December, 2022

 

مشتهيك يا السمحه
يالبلد البتسقي ريد
من وريد مكسور
خاطرُ مجبور بالمحبه
الفاضت تسيل
تاهت وين تمش
لي متين تسيل
في مدن شابت صبيه
والخرف قرب يجيه
أه يا بلد
أه يا بلد
خيرك مصلوب
واولادك كل يوم
_تحيا وتموت
تحت محراب جنابك
متوسدين جمر القضيه
راحة محارب
مسقيه بي ريد وريد
مكسور
خاطرُ مجبور بالمحبه
أه يا بلد
مربوطه
مربوطه وقيدك
في خلاوى الناس
البتعبد في قروشه
ضفروها مصلايات
تبروقه وبروش
والشيوخ بقو لينه ساسه
والطريق أصبح متاهه
والورد غنوه وسفاهه
يا حليل المشايخ
لمه تربط بالوصال
وتجمع الناس في الزوايا
والمريد بتشوف يذكر
يضوي ليك كل الزوايا
مابيحتاج نار تولع
نار بلدنا خلاص كفايه
لسه اولادنا بتحارب
لا بتساوم لابتفاوض
لابتشارك
والوطن بتجيبُ راجع
مهما طال وقت المواجع

alsadigasam1@gmail.com
///////////////////////

 

آراء