سودانايل أول صحيفة سودانية رقمية تصدر من الخرطوم
أخبار أخرى
رشا عوض
الكيزان يجمعون بين البلطجة والخسة والجبن!
يرتكبون الجرائم الكبرى وينكرونها! لا يكتفون بالانكار بل يعلقون جرائمهم على رقاب الاخرين مستخدمين الكذب والتضليل! يبررون لانفسهم كل شيء ولديهم شعور بالافضلية المطلقة والصوابية الدائمة! وهكذا حال كل فاشية على وجه الارض!
مافي زول عنده امل انو الكوز او الكوزة يكون شخص طبيعي وما بلطجي! اكبر امنية بخصوص تطور الكوز انو يكون بلطجي راجل!
يقول انا ككوز عبر الاجهزة الامنية المسيطر عليها ساضرب السياسيين المدنيين ضرب غرائب الابل وادخلهم المعتقلات واقطع رؤوسهم وماني خايف! بدلا من طلس الشعب السوداني لن يسمح والشعب السوداني سيفعل ويفعل!
عايزين الكوز يقول نعم انا اتحمل مسؤولية انشاء قوات الد.عم السريع بدلا من اللولوة المقززة التي تمارسها الجنرال سناء وبعض المتصوحفين والمتصوحفات التي تريد ان تقول ان مشكلة الد.عم السريع بدأت بعد ٢٠١٩ وقبل ذلك كان قطة وديعة! والكلام الخايب بتاع التمر والعنب الذي تحول الى خمر! ولا ادري ما هو قول الكوز في جنجويد موسى هلال الذين ارتكبوا من الجرائم ما قاد رأس دولتهم الى محكمة الجنايات الدولية وقد ارتكبوا من الانتهاكات في دارفور ما يفوق انتهاكات الد.عم السريع ، هذه النسخة من الجنجويد الان حليفة للكيزان رغم كل ما فعلت ما زالت تمرا وعنبا ! لان معيار التمر والخمر هو اين تقف من سلطة البلطجية فلا معيار اخلاقي على الاطلاق!
البلطجة هي ميدان فعاليتكم الوحيد يا كيزان عشان كدا اوعكم تخيبوا في المجال دا !!
