رمضان انتهي

أخبار أخرى

الله اكبر ولله الحمد .. بقلم: بابكر سلك

22 سبتمبر, 2015

اليوم نترحم علي المليون شهيد .. بقلم: بابكر سلك

22 أغسطس, 2015

خالد خالد فينا .. بقلم: بابكر سلك

21 أغسطس, 2015

بسم الله الرحمن الرحيم

 

في السلك

 

 

 

•        العفو مطلبي من اي زول في الدنيا ومن الاخوه في المجتمع الرياضي خاصة

•        انا عافي ليكم كلكم

•        اعفوا لي عشان ربنا يتقبل مننا ومنكم الصيام

•        يعلم الله لم نقصد يوما ان نسئ لاحد لاسمح الله

•        ولكنا قصدنا الدعابه في اطار الرياضه بالفهم الواسع الذي يشمل الجميع

•        شكرا لكم عفوكم عني

•        لكن في حاجه واجعاني

•        زول يلبس رتينزه في يده وفي رمضان كمان !

•        الرتينزه دي معروفه باسم الحجاب

•        وبرضو اسمها التميمه

•        قال رسول الله صلي الله عليه وسلم (من علق تميمه فلا اتم الله له )

•        يعني لو لبست رتينزه عشان تشيل الكاس ربنا ما بتم ليك موش لو دخلت دور الاربعه لو لعبت فاينال في الزمن المحتسب بدل الضايع ربك رب الخير ما بتم ليك

•        وقال الرسول الكريم عليه افضل الصلاه والسلام ( انما التمائم والتوله شرك  )

•        اعوذ بالله

•        وقال افضل الخلق عليه افضل الصلاه والتسليم (من علق تميمه فقد اشرك )

•        عودوا لرشدكم يرحمكم الله

•        شفتوا الرتينزه دي صعبه كيف ؟

•        يعني الزول البلبس الرتينزه ممكن نسميه ابو رتينزه

•        وممكن نسميه ابو حجاب

•        وممكن نسميه ابو تميمه

•        ابو تميمه عمرو مالعب باص قون الا مره واحده وكان الباص لايداهو في كاس السودان باستاد الخرطوم

•        ياربي اليوم داك التميمه كان لابسها بالعكس ولا شنو ؟

•        الاخوه الاهله تقبل الله صيامكم

•        ايامكم يا فرد

•        طبعا صايمين مبسوطين

•        لكن خايف عليكم من الستوت في الستوت

•        عازمنكم رحله بعد الستوت في الحتانه

•        راجنكم هناك

•        السيد رئيس الجمهوريه تبرع للاهله بمليار

•        ياربي مليار بالجديد ولا بالقديم !

•        طبعا الرئيس ما بقسطها زي الكاردينال

•        كاش يقلل النقاش

•        نقاش بتاع اللاعبين رفضوا يستلموا والكاردينال قال بقسطها وجابها في ظرف

•        يعني قدر ظروفك

•        المهم في الخبر تاني مافي زول يقول المؤتمر الوطني ما دعموا

•        بقيتوا فريق الحكومه

•        لكن في الستوت مليار يرجع

•        ابراهومه عليه ان يشرك دقاشيه وعنتر وخميس مارتن وكل الناس القاعده في الكنبه

•        انشاء الله عشان خاطر سيرتهم الذاتيه

•        ابراهومه لو شاطر يكون عمل الخدمه المخفضه وما ناخد تلاته

•        واهو كلنا في شبكة زين

•        كان نحنا كان كانو

•        ولو عمل الخدمه المجانيه يكون ابراهومه احسن مدرب مر علي المريخ من بين الاربعين مدرب المروا علي المريخ خلال الشهرين الاخيرين

•        شطارة كامبوس الخوف تقلب بلاده لما الخيل تجقلب

•        خليهم يقولوا زي ما الناس يقولوا حلاة الرد عليهم لما الناس يطيرو

•        كل عام والجميع يرفل في نعمه والبلد بخير

•        كل عام والمواطن مبسوط والمويه راقده والكهربا باقيها ندفقو في النفايات

•        كل عام والرسوم ملغيه والاتاوات ملغيه بقرارات تطبق فورا

•        كل عام وصينية المواطن فيها خمسه صحانه مليانه

•        كل عام والتعليم مجاني

•        كل عام والعلاج مجاني

•        كل عام والولايات تستقطب ابنائها لاعمارها في مشاريع ضخمه تسد عين الشمس

•        كل عام وكلنا شركان في وطن وااااسع يضم الجميع بشفافية ورحابة صدر ويساوي بين ابنائه في فرص التعيين ووقوع العطاءات وجميع فرص الحياه

•        كل عام وكلنا احبه لوطن يحبنا جميعا

•        كل عام ومجتمع الرياضه اكثر ترابط بعيد عن التراشق والخصومات

•        نعلرض ممكن

•        نعادي لأ

•        نقاطع 000 ده الماممكن

•        تاني العفو والعافيه

 

سلك كهربا

                  الناس الفرحانه 000 راجينكم في الحتانه

والي لقاء

سلك