سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
· كنت نايم مرتاااح ومبسوط
· وهواء الحتانه ضارب الجميع
· الجو في الحتانه اجمل من الجو في ابو ظبي
· ابو ظبي بالظا ؟
· المهم
· حلمان اني مشيت مسرح كبييير
· والناس كانوا كتاااااااار
· قعدت قدام
· ولعت لي سيجاره
· بس الزول الجمبي قام يقحقح
· الناس كلها قامت تكورك
· ده شنو يا وهم ؟
· اطفي السجاره دي
· في زول بولع سجاره في مسرح ؟
· قلت ليهم مسرح اصلوا ولا طلمبه !
· نط واحد قال لي الراجل الجمبك ده جايبنوا من الانعاش هنا طوالي قلنا يفرق
· قلت ليهم معليش
· وطفيت السجاره
· واتلفت عليهو
· قلت ليهو ياحاج انت مشيت الانعاش مالك ؟
· قال لي بكيت لما دخلت في غيبوبه
· قلت ليهو وجابوك هنا عشان ترد اعتبارك امام البكي وتضحك ؟
· سكت
· المهم في الحلمه ديك الستاره فتحت
· اشوف ليك عادل امام
· بس جاطالع وكلنا صفقنا
· صمت تحيه للصفقه وواصل
· ورحت لعبد الستار
· عبد الستار مين
· والناس جات حواليا تسأل
· وانا اعيط
· ومازيمبي ركب الطياره رايح نيجيريا
· وانا اعيط
· وفي نيجيريا آبلهم وزير التربيه النيجيري ورئيس الامن
· وانا اعيط
· جابولهم الشريف مبسوط مني
· وانا اعيييييييط
· وجابولهم حكام من كل دوله حكم دولي
· وانا اعييييييييييط
· وبتوع هرت لندي جابولهم ركشات وطلعوا بيهم علي الفندق
· وانا اعييييييط
· وفي الفندق طلع لهم اوباما وآلهم علي الطلاق محدش رايح ابو ظبي غيري
· وانا اعييييييييييط
· ابو ظبي مين !
· ماتبقي تيجي
· انت ليه ما بتجيش
· تجيش بالجا؟
· تجيش المشاعر وتدمع المقل
· ابو ظبي قال
· الله يخت محنك يا عادل امام
· قابلت ادروب المريخابي صاحب قهوه بسوق ام درمان
· في النوم
· الراجل كان فرحاااااااان بتسجيل موبوتو
· قلت ليهو يا ادروب كيفك ؟
· قال لي ناس الهلال طايرين من البطوله الافريقيه ونحنا طايرين من الفرح
· قلت ليهو الله يجازي محنك
· عبد الحميد الضو حجوج
· اسم لاينسي
· نجم يسطع في قلب النجم القاهر
· قدم للزعيم الكثير
· رجل مانديلا
· قدم للمريخ ابناءه محمد واخوته
· يوم 3/11/2009 زواج محمد عبدالحميد الضو
· التهنئه موصوله من الصفوه للصفوه ابن الصفوه
· امس استضافتنا الاذاعه الرياضيه 104 اي زول بسمعها زي ماقالت بت الجعلي
· وكان الحوار جميل وهادف
· ياناس الكوره
· مداعبه نعم
· طرفه نعم
· مشاغله
· نعم
· لكن حساده ومسيرات في الشوارع تعلن الشماته علي فريق وطني ينهزم من فريق اجنبي
· لأ 000 الف لأ
· برغم ان الصفوه لم تبدأ
· برضو لأ
· ومن سن سنة سيئه كان عليه وزرها ووزر من عمل بها
· الليله 0000 منو السن سنة التوابيت دي !
· في جماعه كده زي البت البايره
· البت البايره يعزموها كل خميس عرس واحده من صاحباتها
· اول ماترجع تشنف
· العريس شين
· اهلوا بياكلوا زي الحريقه
· امو اظنها ماموافقه
· العريس قصير ومدردم
· اصحابو شايلنوا كنت قايلاهو الجنريتر
· الناس دي بتعرس سااااي
· عرس زي ده لو كنت دايراهو كان زماااااااان عرست
· وجماعتنا يقولوا بنفس المنطق سيكافة شنو كاس الصفيح
· مانديلا ده كاس
· دبي والشارقه ديل لو دايرين زيهم كان زماااان جبناهم
· جبتوهم بالجا؟
سلك كهربا
الشتا في الحتانه صعب 000 جيبوا بطاطين
والي لقاء
سلك
