سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• فرح هستيري
• فرح شديد
• المعلق قال فرحانين شديد
• كأنهم فازوا ببطوله افريقيه او بطوله عالميه
• يعني المعلق زاتو استغرب
• المعلق ماعارف العطش
• ناس عطشانه
• ياربي لو جابوا بطوله رسميه كان عملوا شنو ؟
• المعلق تاني قال وكأن الهلال توج ببطولة افريقيا
• احرجتونا
• الطشاش في بلد العمي شوف
• اثناء المباراه قلت ايوب حارس بن ياس سموهوا ايوب عشان صابر علي دفاعو المواسير ده
• في ضربات الجزاء اكتشفت انو ايوب حارس بن ياس سموهو ايوب عشان ناس بن ياس صابرين عليهو صبر ايوب
• اشحنوهوا بي سوبا
• مافيهو جمارك
• كاس صفر ساااااي
• قبل ضربات الجزاء شايف عمك كابتن بن ياس كان بضحك مع البرنس
• اتخيل لي قال ليهو الهديه تشحنوها براكم ولا نشحنها ليكم ؟
• الله يجازيك يا انتاكا
• و يظل المريخ بطل الجويه الرسميه
• البشوف بوظان اعصاب كامبوس يقول كأس مانديلا بره
• ياربي الهديه معروفه من بدري عشان كده تم توقيتها مع زيارة الرئيس ؟
• سؤال برئ
• بالمناسبه
• كان في بطوله دوليه اسمها بطولة الصداقه
• شارك فيها الزعيم والهلال والتحرير الارتري ( بتاع يوهانس ) وفريق اثيوبي
• وفاز بيها المريخ لما الهلال لعب في المباراه النهائيه عاكف عطا المطرود في المباراه القبلها
• ياربي دي نعدها مع الدوليات ولا نخليها ؟
• كأس سن اليأس
• عباره جميله وصلتني في رساله من لؤي مبارك ود الحتانه
• يعني في سن اليأس
• بعد التمانين
• لكن الحمل الكاذب لايأتي بذريه
• انتاكا الماسوره دقاها في الماسوره
• المعلق قال هدف التعادل لم يحرزه مهند ولا سادومبا ولا البرنس , احرزه خليفه
• تريقه بالواضح المافاضح
• صلاح ادريس زاتو ادوهو كاس
• اي زول مشي ادوهو كاس
• خلي بالك ناس بن ياس محتفلين بالمولد
• هدايه سااااااي
• بالهبل
• حمود صالح شال كاس افضل لاعب
• مهند كاس الهداف
• هداف بهدفين
• الله يسألكم دي بطولة شنو ؟
• فاروق بوظا زاتو شال كأس الحكام
• والبنزرتي ادوهو كأس المدرب الذي ينتظر منه الكثير
• كامبوس في المنصه وعينو علي الفرق الاماراتيه
• كامبوس يلبس في الميداليه تقول ميدالية الكاف
• واحد من الاماراتيين لقي ميداليه زايده لبسها
• التزكرجي ادوهو كاس احسن تزكرجي في البطوله
• شافع جا مع ابوهو ادوهو كاس اصغر احسن شافع في الامارات
• بطولة الهدايا
• بن ياس جاب تلاته اقوان طلع متعادل
• بن ياس شات ضربة الجزاء في الحديده طلع مغلوب
• هي الهديه دي كيييييييف يا ناس بن ياس !
• واحد قال لي مفبركه والكاس شالوهوا معاهم من هنا ومشوا بيهو
• قلت ليهو ما للدرجه دي
• غايتو بن ياس لو بلعب في السودان كان سميناهو نادي الحتانه الرياضي
• الجماعه خلي بالك احتمال يقطعوا المعسكر
• ايوب حارس بن ياس قالوا ليهو القون التاني ده ما بدخل
• قال وانا اقدر احوش كورة خليفه ! انا اعرف انو خليفه بن منو ! يمكن يطلع خليفه بن واحد من ناس خليفه بتاعننا ديل يقوم يطردنا من البلد
• كأس سن اليأس
• ناس بن ياس قطعوا
• ده شنو سن يأس وقطعوا
• يعني خليفه ما في طريقه ؟
• غايتو الكاس الجا بعد سن اليأس ده انا بسميهو كاس الانابيب
• زي طفل الانابيب
• بخافوا عليهو شديد وبدلعوهوا
• هاك الانبوبه دي
• السنه الجايه شيلوا كاسكم وامشوا للخويه بي حكامكم من هنا
• وعشان الفلس والكاس ما يكلفكم ماشي جاي خلوهوا امانات في المطار استلموهوا بعد ترجعوا
• واحد قال لي المغتربين ديل فرحانين شديد كده ليه ؟
• قلت ليهو احتمال يكون الراجل قال ليهم بقطع ليكم تذاكر الرجعه وادفع ليكم غرامات كسر الاقامه والزياره لو شلنا الكاس
• قال لي يعني بختم حا يرجعهم
• قلت ليهو كدي اليرجع اللاعبين اول
• الطشاش في بلد العمي شوف
• حظ العمايا
• والكنداكا سيدي سيدي اراكا
• انتوا لبسوا الكاس كاكي عشان تبقي بطوله رسميه
• هاااااااااااااااااي هاااااااااااااااااااي هاااااااااااااي
• ياربي لسه البطوله المهمه والوحيده هي البطوله المحببه المابيه تجي ولا حصل اعتراف جديد ببطولات اخري !
• البطوله المحببه ولا البطوله المفبركه !
سلك كهربا
انتاكا غلطان الببراكا
والي لقاء
سلك
